الطالبة المبتعثة تحرر ام تميز - تقرير اخباري

ليش تتطرق للذكور أخي الكريم !

عشان مايزعلون الجنس الناعم !!

الا قل رأيك ولا يردك ستيفن هاربر .. اسمع وانا اخوك .. كلامك سليم تحرر نعم و السواد الأعظم !

أجل حجاب مرة أحمر ومرة تفاحي ومرة بنكي ومرة كنستنافرسجاني ! مرة على لون التي شيرت ومرة على لون الجنز !!

وشوية قذلة طايحه على الجبهة اللي مليانه ميك أب صارخ !!

تستحي من ايش اخوي ؟

تجامل على ايش ؟

نتكلم عن "السواد الأعظم" حنا !

اذا مرة مرة مرة مستترة نزلت قطعت قماش على بداية الجنز .. والصدر عليه فنيلة "بودي" وحدث ولا حرج !!

واذا أحد قالها شيء " اشبك ياهوه حنا في 2009" !!

اما الباقي الـ عشرين بالميه < ولو ان عشرين كثيره !

اه من الباقي .. تمر عليها تشوفها نقاب كامل وجلابيه فضفاضه .. والله أني أمر وأقول الله يسعدك دنيا واخره يا شيخ !!

لا وتركب الباص بعد مو سيارة ولا طاقه للعالم خبر !! اما الـ 80% تلقاها تمشي ومستحيه "كيف نظرة الناس لي .. يالله متى اوصل للشقه .. ياربي رجولي مو قادره تشيلني"



لا وعاد شف اليوتيوب اللي منزله اخونا في الموضوع حقه .. وحده تقول صرنا نعتمد على انفسنا " ونسدد كهرب " !!

آه من امة ضحكت من جهلها أمم !!

اول ماجاء على بالي .. حديث الرسول عليه الصلاة والسلام " حتى لو دخلوا جحر ضب لدخلتموه " .. والله هذا أول ماجاء على بالي .. تدري ليش ؟؟ لان البنت في السعودية أول ما تنزل عند الصراف .. تسمع الشباب "بصوت واحد" يا شباب وخروا لو سمحتوا فيه عايله" ولو ان عمرها 14 .. !!


ياليتها جابت مثل ثاني .. ولا رقدوا أهلها ذاك اليوم !!


لا وازيدك من الشعر بيت .. اذا جاء احد وجاب طاري اسلام .. انهدت قواهم .. ياربي ما يجيبون طاري الحجاب يارب ! وكأن قسيسات النصارى "انفسهم " مايلبسون حجاب !

اضف ان ديننا اخي الكريم .. دين يفتخر به ويعتز به .. ودين يواكب العقل والمنطق ..

والله وبالله وتالله .. ما قد كلمت واحد ولا وحده عن الاسلام الا طارو فيني .. بالله هذا الاسلام !! لكن "مجتمع غربي " مضلل عن الحقيقة !

عموما .. لمعلوميتكم !

أمريكا "مثال اكثر الناس الذي يحتذى به" حاولت فصل المجتمع الذكوري عن الأنثوي قبل خمس سنوات لمعدل الجرائم التي تسجل .. whether in schools, jobs, or even streets
هذا عندنا قبل "1400 سنة" .. اختلاط ماينفع !

اضف ان بريطانيا في السنوات القليلة الماضيه انشئت محكمه اسلاميه لتعالج قضايا رعاياها "المسيحين" .. سبحان الله مسيحين ؟ كيف ياخي ؟


انا اقولك .. دستورهم "الانساني" ما استطع انه يحل معضلات المشكلات الكبرى .. فـ ببساطة رجعوا للدين الاسلامي .. دين " الله " اللي أنشأهم والذي يعرف سبحانه مايحتاجون اليه وما لا يحتاجون اليه ! فلا أحد يسوي البطل ويقول "دستور انساني" !


في الاخير وبعد هذا كله .. نجد ان الواحد اذا جاء يتكلم عن الاسلام لين جسمه يرتجف " والكلام موجه للعيال ايضا " !!