معهد lsi في تورنتو

اختي انا اول مره اسمع فيه بس اذا تبين معاهد كويس انا ممكن اخدمك .
تحياتي

حياك اختي ..
إذا تقصدين معهد
Language Studies International
فهو موجود عند Rosedale Station
فهذا انصحك تبعدين عنه

انا درست فيه لمدة شهر واحد لكن تحسفت اني ضيعت شهر من عمري فيه.
هالمعهد مميز في الانشطة اقصد كل يوم بارتي ولا نايت كلوب ومن هالطقة. هذا اللي فالحين فيه.
غير كذا لا توجد منهجية في التدريس .. يعني يوجد كتاب واحد عند المدرس ولا يوزع الا اوراق للطلاب ومصورة. ومع ذلك المدرس طالع برا المنهج
ولا توجد هناك قوانين صارمة في الغياب والتأخر في الحضور .. حتى التحدث باللغة العربية طاغية في الكلاسات.
وبيجون 10 سعوديين على بداية السنة الجاية حسب كلام زميل لي مازال يدرس فيه .
ابصراحة ما استفدت منه بأي شي ..
ألا حسنة وحيدة وهي .. الهومستي ... حطوني في عائلة ولله الحمد والمنة . كأني بالسعودية بين اهلي واحبابي.
ماهم مقصرين معي بأي شي ...

لكن طلبت تحويل لمعهد اخر
لكن المعهد الجديد خلال شهر واحد استفدت بشكل غير طبيعي ، والله حسيت اني ادرس من اربعة اشهر فيه من غير مبالغة
حتى القوانين والله تنجبرين فيها
التأخر:
الدوام يبدأ الساعة 9 صباحاً فإذا تأخرت دقيقة واحدة ما تدخل ألا مع دقة الجرس الثانية اي بعد 30 دقيقة يعني 9:30.
وإذا صارت 9:35 ماتدخلين ألا بورقة من مكتب العام في الدور الرابع وتسجل لديك كل تأخيرين بغياب واحد.
الغياب:
تحسب بالمئوية إذا زادت نسبة غياباتك عن مدة الحضور الرسمية بالشهر يعني اكثر من 4 غيابات بالشهر
تحرمين من الشهادة. طبعاً الا بأعذار موثقة.
التحدث بالعربية:
اثناء الدرس، اذا تحدثتي العربية مع زميل اخر. فتعطين فرصة اخيرة وإلا سيتم تحويلك للمكتب العام وتاخذين انذار
اثناء البريكات، توجد مراقبات بالممرات والكلاسات وعددهم كثير، اذا شاهدوك تتحدثين العربية يجبرونك على كتابة اسمك بالدفتر لديهم وتعطين انذار.
المهم اذا جمعتي ثلاث انذارات يتم خصم درجة واحدة منك في درجات اختبارك الشهرية

عموماً المعهد اسمه
Language Studies Canada
موجود في Eglinton Station
افضل المعاهد اللي درست فيها.
طبعاً لمدة شهر واحد ولكن الفائدة اللي اكتسبتها اكثر من 3 اشهر
لكن ماكملت فيه اكثر من شهر .
لأني راح ادخل معهد تابع لجامعتي . دراسة اكاديمية .
المميز في المعهد كذلك كبر حجمة. وجميع الطلبه زملاء
والتحدث بالانجليزية بشكل دائم في المعهد حتى مع السعوديين
كذلك يوجد فيه اختبارات توفل وايلتس ومميزين كذلك فيه .
غير الانشطة اللي كل اسبوع تدور مشرفة الانشطة على جميع الكلاسات بلا استثناء وتوزع الانشطة على الطلبة.

المعهد الحضور فيه اهم شي. حتى اجازة الكريسمس اعطى يومين فقط للطلبة الخميس والجمعة
معهد رائع بمعنى الكلمة
والسعوديين ينعدون على الاصابع واغلبهم ومنهم انا طلعنا
وبقا فيه ثلاث شباب سعوديين وطبعاً فيه بنات سعوديات لكن يمكن والله العالم حسب ما شفتهم 4 بنات فقط ولكن مستويات اللغة عندهم عالية ماشاء الله .
موفقة اختي
اي معلومة اخرى انا تحت امرك

يعطيك الف عافيه اخوي بجد كذا انقذتني

يؤيؤ
هالمعهد جاني قبول فيه بعد
اجل ماهوب زين
واقردي الله يعيييين بس

ميمو لايهمك تقدر تغير ترا المكتب الي يجيب القبولات مايهمه الطالب يهمه الدراهم