حوار انتبة لا تتعامل مع هذه المكاتب.....

احنا شعب يعتمد على غيره بشكل رهيب
ما نعرف نخلص امورنا إلا لما ندفع فلوس
وحتى مع دفع الفلوس ينضحك علينا
طالبهم بفلوسك لو لك ريال عندهم إلا إذا كانك مستغني عنها!!!
وقول لهم انا ما تعاملت مع اشخاص انا تعاملت مع "مكتب" ولو عندك الايصال روح قدم شكوى ومن فوق خشمهم راح يجيبون لك قبول@

مكتب كندا 2000 عمركم شفتو قبول شهرين في جامعه فانكوفر ايلاند المشكله بعد شهرين قلت وصل قال لا ..

اخواني

زيدو على المكاتب اللي عندكم مكتب الجشع والنصب

مكتب ثقة

الله لا يوفقهم وصاحبة احمد الملداح وللأسف هو يشتغل في وزارة التعليم العالي
يعني عارف جميع المعاهد والجامعات اللي عليها مشاكل بالملحقية كمثال معهد نيكولدينيا في برنس جورج وياخذ فلوس الناس على 2500 ريال

ناس ماعندها لا ذمة ولا ظمير لكن الله لايبيحهم ولا يحللهم وبيني وبينهم القوي
ظيعوني ولخبطو اوراقي من اول وجديد وبيروح على موعد الدراسة والسبة هم

حسبي الله عليهم
والله لا يوفقهم

ملاحظة : ترى مكتبهم في الملز - مقابل ادارة المخدرات سابقاً
انتبهو يا اخوان
الحالة ليست فردية وانما في الموقع اعرف زي حالتي لاكثر من 4 اشخاص هذا غير الباقين اللي مايعرفون شي عنة

الله يجزاك خير ويجعلها في موزين حسناتك وربي يوفقك

قبول اللغة سهل جدا وما يحتاج مكاتب ابدا ,وقبول الجامعة يعتمد على شروط الجامعة وليس للمكتب اي علاقة ,ولكن الشباب الله يهديهم تعودو على المكاتب ولو يدرون ايش تسوي المكاتب ما راحو لها ابدا ولو قدمت بنفسك راح توفر على نفسك حتى المصارف

لاحـــــــــــــــــــول ولا قوة الا بالله..
انا اكرهها المكاتب..كــره العمـــــــــى..
انا اسمع كتير عن مكـــاتب انها تاخذ الفلوس على اساس قبول جامعه ولا تــــــــــــــرجع الفلوس..!( انسو بالمـــــــره..)
الله يعـــــــــــــوض عليكم..اجمعين..

الحمدلله عمري ماتعاملت مع هالمكاتب النصابين ولا شفتها بحياتي وكنت اعتمد على نفسي في قبول اللغة وقبول الجامعة لأيماني الشديد بانهم عبارة عن اجانب عرب مع الاسف نصابين ومحتالين وحرامية يكفي ياجماعة تتكلون على هالاجانب النصابين واعتمدوا على انفسكم وصدقوني موقع مبتعث هذا عن 1000 مكتب فيه كل المعلومات اللي تبغاها ومواقع الجامعات والمعاهد وكيفية مراسلتهم وبكذا توفرون الوقت والمال اللي انتو اولى فيه من هالنصابين بس انا اشره على وزارة التعليم العالي اللي تتعامل معاهم كله عشان صاحب المكتب مدير او مسئول في التعليم العالي متى بس نخلص من هذا الفساد اللي دمر بلدنا بسبب هالاشكال .

فعلا فيه أكثر من مكتب يسرق ..

وينبغى للإنسان أن يأخذ حذررره

وللفائده اكثر

نبي نطرح المكاتب المفيدة والصادقه مع عملائها واللي تعاملتوا معهم وكانوا قد الثقة اللي عطيتوهم اياها

ابدأ انا وأضيف المكتب اللي خدمني وما قصر معي وانصح ان اللي مايعرف يجيب قبول بنفسه انه يروح له

انا تعاملت معهم وكان من احسن ما يكون ....

المكتب اسمه لانقوا

مقابل معهد الادارة من الجنوب

الملز

الرياض