الملحقية ......... سياسة الفشل وتخبط في القرارات

أنا لي رأي بموضوع عدد ساعات اليوم الدراسي..

بحيث كانت لي تجربة في معهدين للغة الإنجليزية.. الأول كان دوامه من الساعة 9:00 إلى الساعة 4:30 يعني سبع ساعات ونصف يتخللها ثلاث بريكات..
قضيث في هذا المعهد ما يقارب خمسة أشهر..

بعدها انتقلت للمعهد الآخر وكنت متخوف الصراحة في البدية لأن مدة الدوام كانت أربع ساعات فقط.. من الساعة 1:00 إلى الساعة 5:00 يتخللها بريك 15 دقيقة..

بدون مبالغة.. أول شهرين في هذا المعهد عادلت الخمس أشهر في المعهد الأول.. وإليكم الفروق:

- المعهد الأول منهج طويل مع كم هائل من المعلومات.. فيه دش كثير.. وكثير من الأوقات المدرس ما يدري ايش يسوي.. فيقلبها ألعاب أو سواليف مالها داعي..
أما المعهد الثاني.. فمنهج مركز.. يعرف الطالب إيش المطلوب منه.. خلال الدوام يكون شرح يغطي المقرر.. بعدها ذكر الطالب بحل التمارين المقررة مسبقا من المدرس في جدول وزع بداية المستوى.. مع إعطاء كم كبير من التمارين الاختيارية المساعدة على الفهم..

- المعهد الأول كان الدوام مرهق جدا.. الواحد ما يصدق ينتهي حتى يرجع البيت زي الميت ما وده يفتح كتاب..
بينما المعهد الثاني كان الدوام خفيف.. الواحد يرجع من الدوان يرتاح ساعة وبعدها يجلس بين مذاكرة وحل واجبات إلى العشاء..

- المعهد الأول يلزم الطلاب بشراء الكتب من نفس المعهد..
أما المعهد الثاني الكتب مجانية بالإضافة إلى مكتبة خاصة بالمعهد تشمل كم هائل من المواد التعليمية من كتب ومعاجم ومجلات وأفلام وثائقية وغير وثائقية وأشرطة سمعية.

- المعهد الأول يعتمد في تطوير الكلام بالمحادثة في الفصل مع الزملاء الأجانب..
بينما المعهد الثاني يلزم الطلاب باجتماعات أسبوعية لطلاب المعهد بطلاب جامعيين كنديين وإجراء محادثة لمدة معينة وموضوع معين.

هذا ما يحضرني الأن..

باختصار كان التحصيل في المعهد الثاني لا يقارن بالمعهد الأول مع فارق المدة في المعهدين..

أتمنى التوفيق للجميع..

هذه مشكلة كثير من القرارات عندنا
دائم المجتهد الملتزم بعمله يظلم لأن غيره فاشل
يأخي انا اذا مجتهد وماشي صح تجي تعذبني وتلخبطني ليه ؟؟
انا ماني مسؤل عن خطا غيري متى يفهمون ذولا المسؤلين
من زمان هذا الأسلوب الغبي موجود عندنا
مثلاً كنا في الجامعة اغلب اختباراتنا اوبن بوك
لأننا نحتاج معادلات ومو لازم نحفضها
المهم لأن في ناس ماتعرف كيف تتعامل مع اختبارات ال اوبن بوك منعوها بعض الأساتذه
واستخدام الأت العلميه الكبيره نفس القصه
لازم اي قرار مايصدر الا بعد دراسه منطقية

بعدين فعلاً مو دام الشده افضل احياناً يكون ساعات قليله افضل

انا ماني شايف ان الموضوع له دخل بالصبر

يعني اذا تقدر تشترى سيارة تروح بها الدوام بكل انتظام
وغيرك مايقدر او مايلتزم بالنظام وسوى مشاكل
خلاص نقول بلاش سياره على الكل والصبر زين؟؟
انا اشوف انه اذا في رائي مخالف يكون رائي يوضح لنا اش هوا الصح في هذا القرار ؟
اما الصبر ممكن يكون الحل دائماً اذا مافي غيره
تحياتي

سيتم تغير اسم الملحقيه الى مسرحيه والثقافي الى تسالي والطالب الى سالب وسيردد الجمهور قرارات قرارات قرارات تعيش القرارات الخطافيه على وزن لكمه خطافيه بوجه كل طالب وطالبه ومرافق ومرافقه وسر ياليل وعلى قول القائل[اوا(مدوها ) يترك مثل هذا ]؟؟؟؟ لاتفهمون غلط قصدي القرار ,,, وقلناها سابقا خط احمر,,,,,,, مارأيكم في ان نترك واو الجماعه ؟؟؟؟؟؟؟؟؟؟

بكل صراحة .. أبا الخيل كنا نتمناه عون لنا .. فأصبح فرعون!!

جالس يتخيل انه في مدرسة إبتدائية وماسك إدارتها .. ما كأننا طلاب ماستر ودكتوراه.

لا واللي يزيد الطين بله أنهم حاطين مشرفين للطلاب غير متخصصين .. واللي رفعها بلا عمد أنهم ما يعرفوا من الإشراف

الا أسمه .. يحسبون الإشراف تختيم اوراق وإرسال أوراق .. لا أسلوب في التعامل ولا في التوجيه .

بإختصار .. مشرفينا الدراسيين وجدت أن لديهم دلاخة فطرية !! .. الا من رحم الله.

الله يخارجنا ونخلص من الماستر على خير وبعدها نطلق كندا بالثلاث ونشوف دولة ثانية نكمل فيها ما تبقى من دراسة.

.
.
.

تقديري!

السلام عليكم ورحمة الله وبركاته
خوي المفروض مانشمل جميع المشرفين بالبلعكس في مشرفين مرره متساعدين مع الطلاب ومشرفين مايدرون وين الله حاطهم فيه ثاني شيء ألي يضايق الواحد القرارات ألي كل يوم طالع .
والله يوفق الجميع

أبا الخيل ماله ذنب .. مستحيل يحل مشكلة كل طالب في كندا .. مع كل التعاطف مع مشكلتك بس الهدف الرئيسي من تواجدك في كندا هو الابتعاث للدراسة. اذا كانت المشكلة هي في الكلاسات الإظافية ترا الموضوع مؤقت وفي صالح زوجتك في الأساس بغض النظر عن وجود الرغبة من عدمها في هالكلاسات.
أنا معاك ان ممكن زوجتك أفضل من انها تدخل ظمن فئة المبتدئين بس تخيل معي انك في محل ابا الخيل وكل يوم يجيه عشر اتصالات بخصوص مشاكل فردية .. حط مليونين خط تحت مشاكل فردية وش تبيه بالله يسوي؟
مالك الا تتوكل على الله وتتحمل هالسمستر وأكيد الوضع راح يكون مختلف الترم الجاي .. واذا تبون تعيشون حياة اجتماعية افضل الترم الجاي غيروا المعهد او اذا دخلت البرنامج الأكاديمي خلها تنزل ساعات قليلة.

الله يعينكم ويوفقكم

أبا الخيل ماله ذنب !!

.
.
.

ستبدي لك الأيامُ ما كنت جاهلاً .. ويأتيك بـ الأخبار مالم تزودِ

لا تفهموني غلط انا ما ادافع عنه على تقصير .. لو جاء يوم واحتجت منه شغلة تخصني ولا خدمني راح اتضايق بس بنفس الوقت باحط بعين الاعتبار انه له اسبابه اللي خلته ما يخدمني. الله لا يحلله ولا يبيحه ان كان ظالم الطلاب وان كان جالس يحاول يخدمهم فالله يوفقه ويعينه على هالمسؤولية. في الأخر هو هنا عشان الطلاب وتعليقي يوم قلت ماله ذنب .. كان في اطار هالمشكلة لصاحب الموضوع الله يسهل امره.