حوار المشكلات والمعوقات من قبل الملحقيـة لنـا والحلـول المتوفـرة

أوافقك الرأي أخوي
تعبنا من تصرفات الملحقيه ...

انا الملحقيه سوت لي مشاكل لا يعلم تأثيرها علي الا الله
بس لمين اشتكي؟
رغم اني ما احب ادعي على احد
الا اني اليوم دعيت على الملحق والمشرفه من قلبي وانا صايم !
ولو تبيني اوقع اوقع ميه مرة
والله اهل امريكا ماشاء الله امورهم ماشيه
الا احنا
الله يفرجها بس


حسبي الله ونعم الوكيل

والله انا ماجاني الا كل خير من الملحقيه ومسهلين اموري من جيت

وصار لي كذا معامله معهم وكلهم مشوا تمام والحمدلله


وبالنسبه للموظفين اي مشكله عندك معهم دكتور فيصل فاتح ابوابه اشتكي ياخي

والجامعات ومستواهم ماتغربنا عشان نمشي بجامعات سهله ولا كان جلسنا بجامعات السعوديه

تغربنا نبي نتحدى ونثبت ذاتنا

تغربنا عشان ناخذ العلوم على اصولها بحيث لما نرجع بلدنا نقدر ننهض فيها

بس لو اخذنا السهل ففي غيرنا بيكون متطور اكثر منا ولا كانا سوينا شي مثل لما نكون درسنا بالعالم العربي وجامعاته

فمن حق الملحقيه تقفل اي جامعه تشوفها غير مناسبه او متساهله مع طلابها

عدم التجاوب ماعمرهم صراحه طنشوني والحمدلله وعشان هالموضوع انصحك خل كل اجرائتك عن طريق بوابه المبتعثين حتى الاستفسارات يمديك تستفسر عن طريقها

بحيث لو طنشوك فهو شي رسمي ان معاملتك ماردوا عليها


الزام الطلاب فاكيد احنا نعتبر موظفين بالوزاره او تابعين لها وبالتالي تابعين للملحقيه واي قرار مهما كان ملزومين نتبعه
والي عنده اعتراض يعترض ويحاول يوصل صوته ويشوف اش يصير
بس قبلها فانت ملزم انك تمشي على قوانينها
مثله مثل اي برامج بعث ثاني له قوانينه والطلاب ملزمين فيها

وبالاخير ملحقيه كندا من افضل الملحقيات السعوديه اسئل اهل امريكا وشوف كيف فرق
فاحمد ربك

واذا عندك اشكاليه معهم قبل ماتوصلهم للوزاره ابيك وصلها للملحق الثقافي نفسه وشوف اذا ماحل لك امورك

فليه توصلها للي اكبر منه في حين هو فاتح ابوابه لنا وتقوم تطنشه وتروح لغيره

الموضوع ذو شجون الصراحه وموضوع كبير

رغم اني لي تحفظ على اسلوب الطرح ولكن الفكرة وصلت



طبعا الشباب ذكرا بعض الاشياء الي فيها اهميه بصراحه

مثلا عندك الادب في الحوار والطلب والتخاطب

الشباب يشوفوا الي ترد عليهم مصريه زعق عليها او واحد سوداني قال له انت اوانت اونت كانه شغال عنده هذي عينات مو الكل

عدم معرفه الحقوق والواجبات وبعض الاوقات سوء تخطيط للبعثه كلها

مثلا طالب جاي من السعوديه معتمد على الوزارة في توفير القبول

جابت له الوزارة في معهد دااااااااااااااااااااااااااااااااج تجاري ولا فيه اي نوع من انواع الفايده
طبعا هو خطاء الوزارة في المقام الاول الوزارة المفروض ما ترسله في ذا المكان لكن هذي وزارتنا العزيزه ما تهتم فيك ولا هما اي شي كل ما تقول لهم شي يقول لك احمد ربك جاتك بعثه غيرك مو ملاقي

كان اموال الدوله من جيبهم للاسف احزن لما اشوف اموال البلد تضيع ع الفاضي واحلام الشباب تتحطم ع الفاضي بسبب هذي الاشياء الحقيرة

لا تبتعث مليون واحد ابتعث 1000 واستفيد منهم احسن من ما تبتعث 100000 وثلثهم يرجع وما يكمل


عموما هذي غلطه الوزارة المطلوب من الطالب جمع المعلومات عن معهده من السعوديه مستواه ووووو شاف ان المعهد الله بالخير من السعوديه يحاول يغير ويجيب قبول في معهد قوي

الصراحه اوقات الوم الطالب واوقات لا

بس الحمل كثير على الطالب والملحقيه في ان واحد بصراحه الحمل قوي

لا الملحقيقه قادرة توفي بطلبات الطلاب

ولا الطلااب قادرين يمشوا مع متطلبات الوزارة والتقفيل والدنيا الي مالها داعي

تقفل لييييييييييييييييش اذا الجامعه مستواها مناسب خلها لو كل الطلاب فيها سعوديين ايش المشكله ؟؟؟؟؟؟؟؟؟؟

عموما الملحقيه ليست ضد الطالب ولا تصرفه ولا شي بس اعتقد الضغط الزايد

وعدم معرفه الوسيله المناسبه للمطالبه بحقوقك في الملحقيه

عندك الايميل
والبوابه

لو ما ردوا عليك ايميل للملحق

ما ردوا عليك

الوزارة فاكس على الوزارة ادارة البعثات

ما ردوا عليك برقيه للوزير

ما رد عليك برقيه للملك

وسلامتك

الحمدالله اللي انعم علينا ياطلاب كندا وحطو لنا ملحقيه مانحلم فيها

ياخي رح شف ملحقيه امريكا وشف المماطلات اللي صايره

والله تحمد يدك مقلوبه


انا صراحه ماقريت الردود اللي فوق
لاكن بتكلم عن وجهه نظري


اولاً احسب كم طالب في كندا
بالله الملحقيه وشلون بتلحق ورى طلباتهم؟ تراهم بشر مو آلات يشتغلون ليل نهار
وبعدين شف مشاكل الطلاب اللي ماتخلص
من يجي من اول شهرين يبي يرجع للسعوديه
ويطالب الملحقيه بتذكره واذا رفضو قام يسب فيهم


مو من حقه يسافر بهالفتره
ويصر ويعاند ويرجع ع حسابه


ثانياً
بتتكلم عن الجامعات اللي توقفت

ياخي افضل جعلهم يوقفون جامعات كندا كلها
كل الجامعات غرقت سعوديين
مع وين بتجي الفايده؟؟؟ مع وين بتتعلم اللغه؟
لانلعب على بعض ونجامل بعض

المفروض كندا كلها موقفه


وبعدين مشاكل الطلاب اللي ماتخلص
كل يوم ناشب بحلق الملحقيه يبي يغير المعهد
وياكثرهم،،



وبعدين تعال عطني ملحق ثقافي يتابع احوال الطلاب وفاتح له صفحه ع الفيس بوك يتابع مشاكلهم ويتواصل معهم بآستمرار
قد شفتها؟


ياشباب
احمدو الله على النعمه اللي انتم عايشين فيها
لاحد يجي يتذمر

والله غيركم مالقاها من الدول


ولاحد يجي يحط بذمته يقول هذولي يسرقون فلوس ومدري وش
كل هالموظفين بهالملحقيه متغربين من ديارهم وتاركين اهاليهم عشاننا
ماهم جايين فتره دراسه ويمشون
جايين يخدمون كل هالطلاب والطالبات
لاحد يجي يقول يستلمون رواتب دبل

ماعمر احد شرى الراحه بالفلوس
الراحه راحه البال مو بالفلوس



بالعكس المفروض الواحد يدعي لهم



مشكله بعض الناس مهما يخدمونه
مايملي عينه شي

السلام عليكم ورحمة الهل وبركاته

" خير الكلام ما قل ودل "

اخي الكريم (( محتاجكم )) اسأل الله لك التوفيق والنجاح

طلبك مقبول بخصوص ترك المجال لك وللاخوان في النقاش ولكن

بإشرافنا وذلك بستخدام الالفاظ التي تليق باخلاقنا الاسلامية ،، نعم

توجد مشاكل والكثير يواجه صعوبات ولكن يجب الحوار ان يكون

هادفاً ودون تشعب وتخصيص شخصيات معينه ،، بأسمائها ،، لذى

سيتم التعديل على بعض الردود وكذلك الغاء الردود المخالفة ،،

وسنرى هل يمكنك جمع 100 بالفعل وهل هؤلاء 100 من الطلبة

الذين يواجهون صعوبات مع الملحقية وهل هم على صواب ام ماذا

لهذا السبب بارك الله فيك يجب ذكر الاسباب وما هي المعوقات التي

واجهها كل من هؤلاء الطلبة ،، وللحديث بقية

دمتم على خير ،، ولنا عودة

جزاك الله خير , "محتاجكم "والله لايحوجك لأحد

بالتأكيد نسعى للتغير الايجابي فالملحقية ما وجدت الا لخدمة الطلاب والا وجودها مثل عدمها

للأسف أغلب المشاكل اللي قلت عليها حاصله من الملحقية وموظفيها

وانا احد الناس اللي متضررة من الملحقية بسبب عدم تجاوبهم، والوزارة كذلك

وكلمة الحق ما تزعل ,, ونحن أصحاب حق

توكل على الله وابدأ بجمع التواقيع ,, ولو اني اشيد بما اقترحه احد الاعضاء بعرض المشاكل موقعه على سعادة الملحق الثقافي

عل وعسى تلفت نظرة طريقة العرض و يتنبه لوجود مشاكل حقيقية في الملحقية

لأنه طال عمرة صعب توصل له بالتليفون.

اكتفي بكلمه لبعض الردود المخالفه للموضوع واقووول اللي يده في الماء مو مثل اللي يده في النار
اذا انت تقول احمد ربك واموري ماشيه ولافيه اي مشاكل غيرك شاف الويل ما احد يرد عليه
جلست اسبوع كامل وانا اكلم الملحقيه ارسلت ثلاث ايميلات وترك بريد صوتي ولا حولك احد يا اخي انا جالس افكر وانا مرافق ومعي عائله اني اترك البعثه وارجع كيف ببعض الطلاب اللي تغرب بعد الثانوي لكن ما اقووول الا الله يكون بالعون وانا معاك يا قلبا وقالبا
و اكمل موضوعي بس يطول ولا رد على الا الوزاره لا رد علي لا مشرف ولا ملحقيه ومشكلتي الى اعداد هذا التقرير قائمه من قبل رمضان بأسبوع
مع العلم انه من دخلت الى الاراضي الكنديه لم اسمع صوت احد من الملحقيه غير الرد الالي
اسف على الاطاله
واخيرا ليس بالضروره ان ما مر بي يمر بالجميع والعكس صحيح