استفسار ابي اسكن مع عائلة في كندا كيف؟ماهي الشروط العامة الي لازم اتنبه لها؟

عائله كنديه مسلمه
مدحها واحد بالمنتدى

شف وانا اخوك

البحث عن عائلة عن طريق المعهد

واعتقد انا وانت في معهد واحد

ef school 127 portland street

المعهد هذا مايوفر لك سكن الا قبل الدراسة بيوم او يومين

انا طبعا طالع قبل الدراسة بشهر تقريبا (منها سياحة ومنها اخلص اموري مع الملحقية واشوف لي احد محترم اسكن انا واياه في شقة:")

طبعا حست في المواقع لين بديت احلم x"D

عندك هذا الموقع

Toronto Homestay Search - About Us

طبعا لا يغرك اسم الموقع لانك تقدر تحدد الدولة والولاية والمدينة (انا حصلت عائلة من هذا الموقع)

اذا كنت مدخن فان اغلب العائلات ماتمانع الشي هذا بشرط انك تكون برى البيت

بعض العائلات يوفرون اكل حلال (راح تلاحظ مكتوب halal)

اذا كنت انسان مزاجي ونفسية في الاكل (مثلي x"D) تقدر تشترط عليهم بدون وجبات وهذا يوفر عليك 150-250 دولار شهريا

يعني بدال ماتدفع 750 للسكن شهريا تصير تدفع 500 دولار واكلك عليك (يعني تشتري من برى) طبعا فيه بعض العائلات يقولون المطبخ لك تبي تطبخ كبسة فلافل مقلوبة مهلبية (اندومي 3>) ماعندهم مشكلة

وفيه ناس تقول ان شفناك في المطبخ حشينا رجلينك من عند رقبتك x"D

طبعا اهم شي عندهم انك تنظف مكانك اذا قمت
يعني اذا انت تاكي تناظر افلام في الــ living room وقاعد تفصفص وتشرب شاهي وتقوم تروح ترقد بدون ماتنظف احتمالية اغتيالك 99% x"D (امزح مافيه اغتيال P

فيه بعضهم يقول لا تجي الساعة 9 الا وانت راقد

وبعضهم يقول لو ماترجع الا الفجر اهم شي عطنا خبر xD

ومن ناحية تستقبل احد (مثل ماذكرت سوسو) اعتقد انه مايحتاج xD

منتب في ملحق بيتكم ضض xD

وترى الشعب الكندي شعب خلوووق لابعد الحدود ويحترمون عاداتك وتقاليدك ودينك لابعد الحدود

يعني تقول انا مسلم مااشرب ماراح يقولون تعال البار يارجال الدنيا فانيه xD

واهم شي انك تكون محترم معهم واذا كنت عند عجوز وساعدتها في تغسيل صحون او تنزيل اغراض ترى ترتفع قيمتك عندهم

خل "i'm sorry" على لسانك دايم اذا اخطيت على وانت مادريت اذا سويت شي مالمفترض انك تسويه

و سالفة مايكون عندهم احد تحت الــ 18 سنة او مايكون عندهم بنت اعتقد مايحتاج لان ان شاء الله مبادئك وقيمك ودينك يمنعك عن الشي هذا

ومهما كان الانسان مقصر من ناحية الدين لابد يكون عنده قيم متمسك بها من ناحية الشراب الله يكفينا ويكفيكم شره او ماناحية البنات لان المثل يقول "من طق باب الناس طقوا بابه" :")

اهم شي وانا اخوك الصلاة وان شاء الله مانكون من المقصرين في الصلاة

واعتقد هذا كل شي عندي الى الان :")

انا ان شاء الله رحلتي الخميس الجاي على الخطوط الاماراتية :")
بتاريخ 24/2/2011

واذا وصلت وروقت وضبطت النفسية راح اتواصل معك (اذا الله قدرني:")

والله يعينا على هالسفر ويقدرنا على اللي حنا رايحين له وصبرنا على فرقا اهلنا (اميمتي 3>)

وانا بربرتي واجد واذا نطلت هالاصابع اللي تقول جزر على الكيبورد ماعاد قدرت اشيلها ضض x"D

ما قصدت الي جاء ببالك
الي قصدته عشان ما يطيح بمشكله مع قاصر يمكن لاني خصيت بنت فهمتني كذا
وهذا غلط مني
بس هو الي قصدته بصفه عامممه بنت او ولد
بنصائحي رجعت لموضضوووع هنا بالمنتدى

الزميل اللي فوق ( xboy ) شاد حيله ماشا الله , و كل اللي قاله صحيح


بالتوفيق

مشكورين جميعا وجزاكم الله الف خير
واسأل الله الكريم رب العرش العظيم ان يبلغنا مرادنا
بشهادة الي ترفع الرأس والتوفيق بالدنيا والاخرة