هل في احد قد جرب الـ magic jack ؟

يا شباب لو أحد عنده خبر عن الموضوع يفيدنا والله يجزيه عنا كل خير...

خلاص الحمد لله لقيت الجواب الشافي في موقعهم و هو إنه ممكن يتصل الواحد بالقطعة على الجوالات الكندية و الأمريكية مجانا..
أنا توي طلبت القطعة عن طريق الموقع و للي يبغوها يلحقوا ترى عليها عروض تخلص بنهاية يوم غد الثلاثاء 17 مارس..
موفقين...

انا خشيت موقعهم بس مو مبين سعره فياريت احد يبين لنا سعره وكيف طريقته هل يشبك عن طريق النت والا كيف فأرجو من عنده خلفيه يقولنا سعر الجهاز والدفع السنوي او الشهري على حسب ماهو متوفر

سعر الجهاز 20 دولار أمريكي, إشتراك السنة الأولى 20 دولار أمريكي, بكذا أول دفعة تصير 40 دولار أمريكي, بعد كذا 20 دولار كل سنة للإشتراك, الآن عاملين عرض تاخذ 5 سنين بـ 60 دولار..
طبعا هو عبارة عن قطعة تتركب على الكمبيوتر من مدخل اليو إس بي و في الجهة الثانية منها فيه مدخل تلفون عادي, تركبها و يكون النت شغال (سمعت إنه لازم يكون أعلى من الديال أب) و تتصل على أي رقم في أمريكا و كندا سواء جوال أو ثابت مجانا..
أتمنى أكون أفدتك و لو فيه أي استفسار أنا حاضر (حتوصلني القطعة في ظرف 3 أيام تقريبا)..

طيب يالعلها خيره ..

مثلاً لو انا اشتريت القطعـه أكلم السعودية بلاش ولا ماأقدر !

والعكس ..

إنك تكلم أمريكا و كندا من السعودية فهذي بلاش..
أما إنك تكلم السعودية من أمريكا و كندا فهذي ما هي بلاش, لكن ممكن تتكلم برسوم مخفضة موجودة في موقعهم بس ما أتذكرها, عشان كذا أنا أقترح عليك إنك تشتري قطعة واحدة و ترسلها لأهلك في السعودية و متى ما يبغوا يتصلوا منها على جوالك الكندي و متى ما بغيت تكلمهم تتصل بهم رنة من جوالك الكندي (او بأي طريقة) و هم يرجعوا يتصلوا بك على جوالك الكندي من القطعة و طبعا كله بلاش...

المعذرة على التأخر في الرد..

بالضبط أخوي لو كان عند أهلك قطعة ما تحتاج إنت لقطعة ثانية هنا..
هم بيتصلوا عليك مجانا بدون أي تكاليف عليهم.. لكن إذا ما كان عندك خدمة المكالمات الواردة مجانا في الجوال الكندي فحيكون عليك كلفة..
شي ثاني لو أتصلت على أهلك من جوالك الكندي على الماجيك جاك حتى لو رنة وفصلت حيحسبو عليك شي بسيط تقريبا 18 سنت..
أنا كانت فكرتي إنه يكون عندي أنا كمان قطعة هنا بكندا بحيث أتصل على كل كندا مجانا.. لأنه عادة الجول الكندي لو اتصلت منه على مكان خارج مدينتك ولا على جوال في شركة اتصالات ثانية بيكلفك .. أتمنى إني أكون أفدتك..

أخوك..
إلى كندا..

السلام عليكم

والله ياجماعة انا جربت هذا الجهاز من فترة طويلة وهو جداً ممتاز وله إستخدامات كثيرة

على العموم انا إشتريت كمية من هذا الجهاز وأنا جاى السعودية واللى حاب يشتريه تحت أمره

سعر الجهاز 265 ريال و مصايف الشحن إلى أى مكان فى السعودية 40 ريال من خلال شركة DHL

أفضل مافى الجهاز إنه لو خلصت دراسة ورجعت السعودية تقدر تشتري واحد ثاني وتخليه عن شخص دايم تتصل عليه
ويكون الإتصل بينهم ببلاش

طبعا مثل ماقالو الشباب أول سنة مجاناً وبعد كذا 20 دولار تقريبا

وممكن تسوي إتصلات دولية برسوم رمزية
ولمعرفة تكلفة الإتصال الدولي من خلال الرابط التالي
http://www.magicjack.com/international/


الفرق بينه و بين الساكي بي أو برامج الإتصال الدولية الأخري إنك تشبك جهاز التلفون مباشرة في القطعة و أول ماترفع السماعة بتلاقي فى خط ينتظر منك إدخال الرقم فقط

وفى شي ثاني حلو اللى هو برنامج الجهاز هذا مخزن فى نفس القطعة
يعنى ماتحتاج تسوي شي

فى أول مرة تشبك القطعة فى الجهاز و تنتظر تقريبا دقيقة ويشتغل الجهاز و تسوي إعداداته
وبعد كذا تتخزن الإعدادات داخل القطعة
يعنى لو تستخدمها فى أى جهاز كمبيوتر ثاني راح تشتغل ماك على طول بدول إعدادات

وممكن إنك تخزن أرقام في القطعة بحيث إنك لو تشغلها فى أى مكان تكون الأرقام معاك
حتى الأرقام اللى إتصلت عليها وماخزنتها بتكون موجوده فى القطعة

بصراحة الجهاز جداً مفيد

ولمعلومات أكثر أرجو مراسلتي على الخاص

وشكرا

سعرك غالي يالكمبيوتر2