المرافق واستفسار

المرافق ممكن يدرس على حساب الملحقيه بس الكتب مايدفعونها له يعني بس رسوم التسجيل بالمعهد او الجامعه اللغه محددين لهم اقصى مده يدفعون رسومها هي السنتين
ولما يسجل بكالوريوس ومافوق الملحقيه ترفع طلب بانظمام المرافق للبعثه اي يصير مبتعث منفصل عن اخته فالراتب يزيد ويكون لك واحد ملفه المنفصل بالملحقيه عن الثاني .. بس شرطهم تكون مده دراسه المرافق اقل من المبتعث هالكلام من شهر 2 الي فات .. كل الي قدمو وجاهم الرد بشهر2 رفضو انظمامهم للبعثه بسبب ان دراسه المرافق اطول مده من دراسه المبتعث وياريت لو في مرافق بكندا قدم على طلب انظمام على البعثه وجاته الموافقه بعد شهر2 يكتب لنا تجربته وهل مده دراسته اقل من مده دراسه المبتعث؟؟

وبالنسبه للسكن الملحقيه تعطيك راتب باسمك لك ولـ اخوك وانتو تدبرون نفسك فيه بالسكن الاكل الكتب الخ الخ الخ
كندا يتكلمون انجليزي ماعدا مقاطعه كيبيك فرنسيه .. بس مو فرنسيه 100% اغلب الناس تعرف انجليزي واذا احتجتي بيكلمونك انجليزي واذا طحتي باحد يعاند عارف انك مو فاهمه فرنسي ويتكلم فرنسي بس عناد عادي في غيره يمشون الامور هذا بالنسبه بالشارع اما الاماكن الحكوميه الشخص له حريه اختيار اللغه انجليزي او فرنسي والموظف غصب عنه لازم يتبع رغبه المراجع

لاتنسينا من الدعاء

طيب السكن الوزارة توفره لي او ايش طبعا بكون مااعرف شي عن الدوله اللي رايحه لها؟؟؟؟؟؟اتمنى اتزود بمعلومات اكثر عن السكن وشكرا

السكن انتي تدبرين نفسك الملحقيه مالها دخل فيك بهالشي هم يعطونك راتب شهري انتي تدبرين نفسك فيه بمعرفتك بالاكل والشرب والسكن الخ الخ
وفي مواقع كثيره بالنت تزودك بمعلومات عن اماكن للسكن متوفره بالوقت الي بتنزلين فيه واغلبها معاها صور
الافضل ان الشخص قبل لاينزل لمكان الدراسه يبحث بهالمواقع ويشوف ايش الي عجبه شكله وسعره ومكانه ويكتب عناوينهم واول ماينزل يسكن باوتيل كم يوم ويلف على هالاماكن لان شوف العين غير ..

من جدك؟؟؟ اجل ليش بالنموذج الالحاق حاطين انت تبي تختار السكن او احنا نوفره؟؟؟؟؟؟؟
اذا كذا تصعبت البعثه؟؟؟؟؟كنت معتقده انهم بيوفرون لي كل شي!

ماعندي خبره بنموذج الالحاق ولا التدقيق اصلا اول مره اسمع بالتدقيق وانهم يطلبون مكان السكن
لكن من ردود الطلاب الي مرو بالتدقيق وتاكدي من هالمعلومه .. ان السكن عادي ممكن يتغير ومايلزمونك بالي كتبتيه بالتدقيق واصلا مالهم دخل فيه
وما اعتقد السكن هو الي بيصعب البعثه .. الحمدالله في اماكن كثير امان وفيها سيكيورتي 24 ساعه ومايدخل المبنى الا السكان فيه ببطاقات خاصه تمرر على الباب علشان ينفتح
طبعا اتكلم عن العمائر لاني اجدها اامن من البيوت وحتى اسعارها انسب

حلو الله يعطيك العافيه ريحتني مدري انا دجه ماعندي اي معلومه طيب بخبرتك شنو افضل مدينه بكندا؟؟؟؟؟؟من ناحيه كل شي من ناحيه الامن والسعوديين فيها وايجار الشقق بكم تقريبا؟؟؟؟؟ الوزارة كم تدفع للمبتعث راتب؟والمرافق؟؟

امممم يفرق من شخص لشخص .. في ناس ماترتاح الابالمدن الكبيره وتحسها اكثر امان وناس العكس ترتاح اكثر بالقرى الصغيره وتحسيها اكثر امان من المدن
وهو يعتمد بالاول والاخير على الجامعه الي الطالب يختارها طبعا الاختيار يجي على حسب القسم المراد دراسته ومتلطلبات القبول
والسعودين ماشاءالله بكل مكان من كندا ... غير الي لسى بيجون في ناس تبي السعودين وناس تبي تبعد عنهم علشان مايلهونهم عن الدراسه فهذا برضوا يعتمد على الشخص نفسه
الرواتب في بالمنتدى كذا موضوع عن الرواتب خصوصا بعد زياده ال50%

لاتنسينا بالدعاء بظهر الغيب

الله يعطيك العافية ماقصرت والله يوفقك دنيا واخره