مبتعث مجتهد Senior Member
جزر سليمان
Air wave , ذكر. مبتعث مجتهد Senior Member. من جزر سليمان
, مبتعث فى جزر سليمان
, تخصصى الله ينبتك نباتاً حسن...
, بجامعة الله يصلح ما عطى...
- الله يصلح ما عطى...
- الله ينبتك نباتاً حسن...
- ذكر
- في مدينة تملئها المستشفيات والمقابر., الاتحاد السوفييتي
- جزر سليمان
- Jul 2007
المزيدl November 18th, 2009, 12:35 PM
November 18th, 2009, 12:35 PM
السلامو عليكم
يا اخوان انا وصلني قبول جامعة ولله الحمد لي ولاخوي ودراستي راح تبدا بـ شهر يناير 2010 يعني بعد فترة قصيرة !! القبول وصلني امس ومن خذيته وانا متجه للسفارة الكندية ويوم وصلت الهندي الي ع البوابة رفض يدخلني
قال وش تبغا قلت ابغا فيزا قال كم سنة ؟ قلتله لغة + بكالوريس وعطاني اوراق وعطا اخوي اوراق(اخوي بيدرس معي) قال اقروها "كيرفولي" وعبو البيانات وارسلوها باراميكس قلنا اوكي ويوم اتصلنا على واحد عنده خبرة بالسفارات والفيز قال لا غلطانين انتم المفروض تدخلون جوا السفارة وتكلمونهم جوا
*رحنا رجعنا للهندي عند البوابة وقلنا بندخل عصب وقعد يصارخ بالانجلش وهددنا قلنا نادي لنا سعودي او موظف يتكلم عربي وعصب زيادة وطردنا
لقينا ولد سعودي سمين شوي برى السفارة يتهاوش مع البواب رحنا سألناه قال انا مثلكم ما دخلوني وخذيت الاوراق وعبتها وارسلولي اوراق الفحص وسويته وما ردو علي لهم شهرين
قريت الاوراق بصراحة تخوف مره مطلوب حاجات كثير يعني مثلاً الضمان المالي او كشف الحساب هذا حنا سويناه قبل شهر وارسلناه للجامعة عشان القبول وقبلونا الجامعة الحمد لله.. طيب كيف الحين نسوي واحد ثاني ولا وشلون ؟ كم يكون في الحساب بالظبط ؟ طالبين بعد خطاب مالي او ولي امر ماني عارف يعني نكتب لهم خطاب من ابونا ويوقعه ولا وشلون ؟ وطالبين كشف باخر درجات طيب حنا ترجمنا شهادة الثنوي وارسلناها للجامعة كيف نترجم مره ثانية
وانا خلصت ترم في جامعة الامام بالرياض طيب اجيب لهم درجاتي الي هنا ولا يكفي درجات الثنوي ؟ فيه مشكلة ثانية وهي ان جامعة الامام سكرت عشان عطلة الحج يعني ما اقدر اجيب كشف درجاتي منهم طيب يكفي شهادة الثنوي ؟ اترجمها مره ثانية؟
للاسف حنا كنا معتمدين على واحد قريب لنا يسوي لنا الاجراءات هذي بس ما صار يرد علينا يعني بالعربي سحب علينا جاب قبول الجامعة وبعدها قفل جواله يعني هل اروح لمكتب يخلص لي امور الفيزا او ما يحتاج الفيزا سهلة
والله لو اعرف كل هاللخبطة والحوسة والاوراق كان اخترت نيوزلند بس راحت علي والمشكلة احتمال يرفضون يعطوني فيزا بعد
الله يعين انا خايف تفوتني الدراسة لانها بعد 40 يوم وانا للان ما قدمت الفيزا
ارجوكم ساعدوني وش اسوي اتمنا كتابتي واضحة
اخوي مابي احطمك بس ابخليك في الامر الواقع مساله انك تخلص اوراق الفيزا خلال اربعين يوم اعتقد يحتاج لك معجزه
حاول تاجل دراستك ورح المكتب يعلمك في الاجراءات الفيزه الكنديه وريح بالك وهم فعلا ما يستقبلون احد ابد ابد ابد
فـهـد الزامل November 18th, 2009, 01:13 PM
7 " الفيزا ماتحتاج مقابلة واصلا السفارة الكندية ماتطلب مقابلة يعني ليش تتعب نفسك وتروح تطامر للسفارة كل اللي قدموا معي ماراحوا للسفارة وجاتهم الفيزا وان شاء الله اخوي ربك بيسهلها عليك ولا تيأس ولا تأجل القبول الا لما تشوف انه صعبة تسافر لاتستعجل وجهز اغراضك كأن الفيزا معاك لانهم عطوني الفيزا قبل سفرتي بكم يوم يعني ضبط امورك ولا تيأس اخوووي ان شاء الله بتتسهل امورك
abooodee2006 November 18th, 2009, 01:23 PM
7 " بخصوص كشف الحساب اتوقع عادي نفس كشف الحساب اللي قدمته للجامعه بس يكون الحساب فيه مبلغ من 60 الف وفوق لكن مدري اذا تقدر انت واخوك تقدمون بنفس الكشف مدري
اما بخصوص الدرجات فقدم لهم الثانوي اذا ماصار لك فترة طويلة متخرج اما انا اللي سويته اني قدمت لهم ورقه خبرة من مكتب قريب لي وورقه اني موظف وكل ورقة مدتها سنتين لاني ماسافرت الا بعد ماتخرجت باربع سنوات وبخصوص ترجمة الشهادات لو عندك صورة للشهاده المترجمه عادي بس ودها للمكتب اللي ترجمها يختمها ولا ترجم من جديد الله يعينك ياربي
وصدقني اخوي بتتسهل استانس هالايام وان شاء الله كل حاجة بتنحل يارب
abooodee2006 November 18th, 2009, 01:30 PM
7 " أخوي الغالي الفيزا ما يحتاج تروح للسفارة ولا شئ انت كمل الطلبات وعب البلكيشن وارسله عن طريق ارامكس وبالنسبة كم تاخذ على حسب السفارة والله مزاجية انا وخويي قدمنا مع بعض هو طلعت فيزته بأربع وعشرين يوم بالضبط وانا للحين مع العلم الضمان اللي من التعليم وهو كشف حساب ربك يسهلها
ونصيحة رح لمكتب وخله يعبي البلكيشن ويشوف اذا الاوراق كاملة ولا لا وانت ارسله لأرامكس ترى هم بعد يرسلونه لأارامكس وياخذ زيادة فلوس على الفاضي وغير كذا ارامكس اذا وصله شئ يرسل لك رساله واذا كان المكتب هو االي مرسلها يمكن توصله الرسالة وينساها كم يوم
بالتوفيق ولا تلخبط ولا شئ ان شاء الله سهالات
umar22 November 18th, 2009, 01:35 PM
7 " بالتوفيق اخوي ...
زي ماقالوا الشبااااب رح لمكتب فيفا لاعمال السفارات وخله يسوي لك الابلكيشن ويتاكد من الطلبات اللي ترفقها وهو يرسلها
بس علشااااان تضمن ان الموظف اللي بالمكتب راح يرسل اوراقك بالشكل الصحيح اطلب منه نسخة من الابلكيشن قبل يرسلها للسفااارة
ولا تستغرب ان في فيز صدرت خلال اسبوعين فقط . يعني المطلوب انك تروح للمكتب من بكرة وتخلص اوراقك ..
للمعلومية انا الفيزا الخاصة بي لم تصدر رغم تقديمي عليها من اواخر شهر رمضان ومن نفس المكتب ..
zhrani November 19th, 2009, 12:16 AM
7 " حالتك مررره صعبه
هذي مشكلة الي ما يقراء
يفكر ان الدنيا مطامر وبالكلام تغلق كل الامور
اخي الفاضل اول شيء اتمنى انك تعتمد على الله اولاً ثم بعد ذالك لا تعتمد على احد اعتمد على نفسك
اسئل كيف واقرء وابحث في هذا المنتدى الجميل صدقني لو انك بحثت خلال خمس دقائق راح تحصل اكثر من موضوع يتكلم عن اجرائات الفيزا وطلباتها وكم الوقت الي تاخذه والفحص الطبي
والحين راجع من جديد تأكد لنفسك انك ما تقرء بطرحك موضوعك هذا
خذ لك فره على المنتدى وشوف بتحصل الي انت مو عارفه او لا
لا تنتظر احد يجي يجلس جنبك يقلك سو كذا وكذا او احد يجاوب على سؤالك
المتعنصر November 19th, 2009, 12:26 AM
7 " يارجال روح لمكتب يخلصها لك بـ 35 يوم باذن الله
واذا قبولك باقي له 40 يوم
يطلعون لك الفيزا 15 يوم عادي في ناس طلعوها 15 يوم عشانهم مستعجلين
روح لمكتب يسويها لك لا تسويها انت
[ابوغلا] November 19th, 2009, 02:54 AM
7 " آخوي والله آنـآ كنت مثلك
خآيف من طلبآت السفآرة
بس وربي كلهآـآ سهلهة
الي آصعب شيء وآحس آني تعبت فيه الشيك خخخ
لآني جلست آعدله ثلات مرآت مع الموظف كل شوي غلطآن بالآسم
يعني لآ تشيل هم كلهآ تسآهيل إن شآء الله
متآمل الآلم November 19th, 2009, 03:14 AM
7 "
November 18th, 2009, 12:35 PM
السلامو عليكميا اخوان انا وصلني قبول جامعة ولله الحمد لي ولاخوي ودراستي راح تبدا بـ شهر يناير 2010 يعني بعد فترة قصيرة !! القبول وصلني امس ومن خذيته وانا متجه للسفارة الكندية ويوم وصلت الهندي الي ع البوابة رفض يدخلني قال وش تبغا قلت ابغا فيزا قال كم سنة ؟ قلتله لغة + بكالوريس وعطاني اوراق وعطا اخوي اوراق(اخوي بيدرس معي) قال اقروها "كيرفولي" وعبو البيانات وارسلوها باراميكس قلنا اوكي ويوم اتصلنا على واحد عنده خبرة بالسفارات والفيز قال لا غلطانين انتم المفروض تدخلون جوا السفارة وتكلمونهم جوا *رحنا رجعنا للهندي عند البوابة وقلنا بندخل عصب وقعد يصارخ بالانجلش وهددنا قلنا نادي لنا سعودي او موظف يتكلم عربي وعصب زيادة وطردنا لقينا ولد سعودي سمين شوي برى السفارة يتهاوش مع البواب رحنا سألناه قال انا مثلكم ما دخلوني وخذيت الاوراق وعبتها وارسلولي اوراق الفحص وسويته وما ردو علي لهم شهرين
قريت الاوراق بصراحة تخوف مره مطلوب حاجات كثير يعني مثلاً الضمان المالي او كشف الحساب هذا حنا سويناه قبل شهر وارسلناه للجامعة عشان القبول وقبلونا الجامعة الحمد لله.. طيب كيف الحين نسوي واحد ثاني ولا وشلون ؟ كم يكون في الحساب بالظبط ؟ طالبين بعد خطاب مالي او ولي امر ماني عارف يعني نكتب لهم خطاب من ابونا ويوقعه ولا وشلون ؟ وطالبين كشف باخر درجات طيب حنا ترجمنا شهادة الثنوي وارسلناها للجامعة كيف نترجم مره ثانية وانا خلصت ترم في جامعة الامام بالرياض طيب اجيب لهم درجاتي الي هنا ولا يكفي درجات الثنوي ؟ فيه مشكلة ثانية وهي ان جامعة الامام سكرت عشان عطلة الحج يعني ما اقدر اجيب كشف درجاتي منهم طيب يكفي شهادة الثنوي ؟ اترجمها مره ثانية؟
للاسف حنا كنا معتمدين على واحد قريب لنا يسوي لنا الاجراءات هذي بس ما صار يرد علينا يعني بالعربي سحب علينا جاب قبول الجامعة وبعدها قفل جواله يعني هل اروح لمكتب يخلص لي امور الفيزا او ما يحتاج الفيزا سهلة
والله لو اعرف كل هاللخبطة والحوسة والاوراق كان اخترت نيوزلند بس راحت علي والمشكلة احتمال يرفضون يعطوني فيزا بعد
الله يعين انا خايف تفوتني الدراسة لانها بعد 40 يوم وانا للان ما قدمت الفيزا
ارجوكم ساعدوني وش اسوي اتمنا كتابتي واضحة