استفسار ايهم افضل في مسألة السكن بالنسبه للفتيات؟

الله يوفقك يااارب انا نفس حالتك الله يرشدنا

مااعرف اختي بالنسبة للسكن مع عائلة صعب الصراحة وانتي اكيد عرفتي لية
اسكني انتي واخوك لوحدكم افضل واذا على اللغة اكيد فية بنات اجانب تقدري تتكلمي معهم
انا عن نفسي اذا رحت بسكن لوحدي مع اخوي واذا سكن الجامعة فية مكان فالافضل في سكن الجامعة من وجهة نظري الشخصية البسيطة

وياربي وفقنا

السلام عليكم ورحمة الله
انا مثل حالتك انا رايحة مع اخوية
بس انا أفضل انك تسكني لوحدك مع اخوك في شقة
يكون اضمن وخلي اخوك اذا جاه يخبر الملحقية عشان يدرس لغة فقط
يكون استفاد من وقته واتعلم لغة جديدة وممكن يتعرف على أصدقاء في المعهد
لكن نصيحتي اسكنوا لوحدكم لانه سكن الجامعة ما راح ترتاحي كتير وانا قرأت انه مو مريح ابدا اللي معاه عائلة
وعند العائلة ممكن ما ترتاحوا ولا تاخذوا راحتكم ..
انا عن نفسي احب يكون لي شيئ خاص محد يدخل فيني
وان شاء الله اكون افتدك ولو شيئ بسيط
وبالبوفيق يا عسل

من وجهه نظري الشخصيه الواحد مايرتاح الا ببيته .. يعني تاخذو شقه يابعماره فيها سيكيورتي 24 ساعه او بسكن الجامعه اذا جامعتكم توفر هالشي

اما السكن مع عائله تعب لك وله لان الاغلبيه ماراح يكون في مكان الا لطالب واحد ففين يروح اخوك؟؟ وبما انك انتي الي بتتحملين المسؤليه كامله وهو ماعنده انجليزي كيف بتخلينه يسكن بمكان وانتي بمكان؟؟
واذا لقيتو غرفتين من ناحيه الراحه النفسيه ما احبذها .. والانجليزي ابعدي عن العرب وانتي تمارسين اللغه والشرق اسيوين يحبون يتعرفون على الشعوب الثانيه ويمارسون الانجليزي طول الوقت واستثني منهم الصينين مو كلهم طبعا بس لانهم يحبون يصيرون قروبات كبيره مع بعض
وهذولي راح تتعرفون عليهم بالمعهد

من وجهة نظري شقة او ستوديو خاص
ابعدي عن السكن الجامعي أو مع عايلة
بحكم الخصوصية ..أهم شي عدم مشاركة الحمام -تكرمي-

وعليكم السلام ورحمة الله وبركاته

مع احترامي الشديد للردود اللي قبلي ، اللي جرب المعيشة في كندا وعايشها راح هو اللي بفيدك بالموضوع ،

بما اني عايش بكندا وتقريبا زرت اكثر مدنها ومقاطعاتها فراح افصل الامر لك .

بالاول الامر راح يختلف من مدينة الى مدينة ، فكندا دولة كبيرة جدا "ثاني اكبر دولة بالعالم" بعدد سكان قليل جدا بالنسبة للمساحة

فمدينة تورنتو "اكبر مدينة في كندا" يختلف الامر فيها عن المدن الصغيرة الاخرى مثل هالي فاكس او لندن اونترايو .
لكن بشكل عام
السكن مع العائلة المقصود فيه هو ان عائلة كندية في بيتها الخاص تستقبل الطالب يعيش معها ويتشاركون البيت . والامر يختلف من عائلة الى عائلة ، ففي بعض العوائل تكون طريقتهم مثل الفنادق ، كل شخص له غرفة طول وقته فيها ومكان للطعام يحصل فيه وجبته على حسب طلبات الطالب وبالغالب يكون فيه اكثر من طالب من جنسيات مختلفة وكل الجنسين ،
لكن اللي يناسبك هو عائلة مكونه من امراءه كبيره في السن او امراءه مع اولاده الصغار بدون اب "بحيث مايكون في البيت رجال" والبيت مايشيل اكثر من طالبين فتسكيننه انت واخوك ، لكن انك تسكنين مع عائلة فيه رجال سواء من اهل العائل او طالبك مثل صعب
هذه تحصلينه في المدن الكبيرة لكن المدن الصغيرة صعب ،
ميزة العائلة انها ارخص يوفر لك كامل الخدمات ، يكون فيه اشخاص تختلطي معهم تستفيدي منهن ، فبرأيي انه افضل خيار للشهور الاولى
الخيار الثاني انك تستأجري شقة او مايسمى CONDOMINIUM ، شقة مستقلة بغالب يكون فيها ثلاجة وغسالة ملابس وبعض الاثاث. بس سعرها يعتبر غالي

الخيار الثالث ، انك تسكني بالقبو ، هذه فله اصحابه يعزلو القبو فيخلوه كانه شقة مستقلة وهي ارخص

الخيار الرابع : هو سكن الجامعة ، بعض الجامعات عندها سكن مفصول للبنات وسكن مفصول للرجال ، وبعضهم مختلط ، لكن مااتوقع انهم يسمحو لغير الطلاب الجامعة بالسكن فيها والمقصود هو اخوك .

هذه بشكل عام الخيارات ، اذا كنتي تبغي تفصيل اكثر او اي استفسار امكانك بالرسائل الخاصة او بالايميل
(تم حذف الإيميل لأن عرضه مخالف لشروط المنتدى)

وبالتوفيق ان شاء الله

معليش اختي من ردود انتبهت لشي
سكن الطلاب الي اقصده الي هو شقق مستقله بالكامبس الجامعي ما اقصد العماره الي فيها غرف لكل طالب او لكل طالبين هذا للطلاب العزاب او الي جايه لوحدها وانتي نظامك يختلف انتي جايه مع اخوك As a family واصلا اذا قدمتي انتي واخوك على سكن طلاب ماراح يحطونكم فيه

ومو كل الجامعات عندها هالنوع من السكن الي هو للعوائل علشان كذا قلتلك اذا في بجامعتكم

وكيف احصل على قبو الفيلا ؟؟؟