ليش كذا...........

كلمهم تليفون او ارسل لهم فاكس
او كلم المكتب الي انت مراسل عن طريقه سواء ارامكس او فيفا
او مكتب القبولات نفسه
موفق وان شاء الله في الامر خيرة لك

الله يسهل عليك ياااارب
وجي فيزتي وفيزتك وفيزت كل متعثر
عليك بالدعاء
افضل لك ادخل موضوع اخونا المايسترو هوا الي راح يفيدك

انا كنت اتصفح من جهاز واحد من اخوياي وصدفه طبيت على موضوعك..

اخوي انا جلست ثلاث شهور وبعدين وصلت الفيزا بعد نقص بالطلبات وبهذله..

اسمعني هم ارسلوا لك شي على الايميل ولا لا...؟

ثاني شي راجع المكتب الي مرسلها لك سوا كان ارامكس ولا المكتب الي متعامل معك بعض الاحيان تاصل الفيزا لأرامكس ويكون رقم جوالك غلط..


انا ياطويل العمر رحت للسفاره وابي اقولك وش صار...

رحت لحي السفارات واخذت واحد من اخوياي يعرف انجليزي جينا عند البوابه الي تدخلك على حي السفارات قال العسكري وين قلنا موعد مع السفاره الكنديه ومشت عليه المهم قمنا ندور لما لقينا السفاره الكنديه...

المهم جينا عند شباك برا وموجود واحد بس مادخلنا قال انا استفسرلكم.......علمناه السالفه ودق عليهم وكلمهم وقفل وقالي يبون الشهايد اصل الاصل وريته الشهايد قلت هذي قال ايه وكان فيه ارامكس واقف عند البوابه اخذت ورقه وعبيتها وارسلتها من عندم ودخلت بالسفاره..

بعد يومين وصلت الفيزا...


ادري انك تعاني وعايش بقلق الله يعينك....

رح للسفاره بنفسك لاترسل ايميل ولا شي راح تطفش وهم مايردون عليك...

واي سؤال انا بالخدمه واعتذر على السالفه الطويله..

الله يوفقك ويسهل امرك


اتبع طريقة الاخ جودة وان شاء الله خير

اشكر الجميع على المشاركه
الاخ Jodah
اشكرك على تفاعلك مع الموضوع وهذا يدل على حبك للخير الله يوفقك لكل خير
ياحبيبي انا قصتي قصه
ارسلو لي السفارة الكشف الطبي لي ولزوجتي واولادي
سويت الكشف الطبي لي انا فقط
وزوجتي طلعت حامل في الاسبوعيين الاولى ؟؟؟؟؟؟؟
اللي صار رفضنا اشعة اكس بسبب حمل الزوجه
قلت خلاص اروح انا لوحدي
العيادة الله يسامحهم ارسلو اوراقي فقط
وورقة الكشف الطبي تبع زوجتي واولادي قالوا خذها معاك
بعد ستين يوم ارسلت ايميلات مافيه فايده
ارسلت بايميل ثاني ردوعليه رسالة فوريه
يعني ارسلت ودايركت ارسلو معلومات عامه ماني فاهم شي
والان اجلت الدراسه قرابة 22 يوم
يويوم السبت ناوي اتصل عليهم

والله ياخوان نفسيتي تعبت لان هناك وظائف راحت عليه

وارجو من الجميع ادلاء اراء او اقتراحات وشكر لكم

لا شكر على واجب اخوي...

ياخوي لاتشيل هم ان شالله تجي الفيزا..

والنسبه للرساله الي ارسلت وردوا عليك دايركت يعني لاترسل مره ثاني ترا مانرد عليك.. اذا هي نفس الرساله الي جتني منهم اسدحها هنا وخلنا نشوفهااااا..

والله ياخوي ان اتصلت عليهم وصرفوني على تحويله محد يرد اذا انت بالرياض رح لهم بنفسك وخذ اوراقك كامله من باب الاحتياط..

والبانسبه للوظايف انا راحت علي اربع وظايف يوم ندور الوظايف ماتجي وكنت متخوف انه تنرفض الفيزا بس الحمدلله جت بعد طلعت الروح..

لا تتحسف على شي راح ولا تندم المهم تاصل للي تبغاااه...


الله يوفقك اخوي وعلمنا وش يصير معاك ومعليش على التأخير....

الله يفرج عني وعنك وعن كل متعثر ياااارب

الله يفكهااا عليك وعلللي صار لنا شهر ننتظر والله يستر

عسى ما يطلع انتظاار ع الفاضي =( يااخي حححرق اعصاااب ذي الفيزاا

دراستي 11-5 تبدى +(

هذا نص الرسالة من قبل السفارة ( رسالة فورية)
-----Original Message to RYADH (VISA)/Message d'origine à RYADH
> (VISA) -----
>
> This acknowledges receipt of your email. All applications must await
> clearance from our central administration. Applications must be submitted
> at least; 30 days for visitors (TRV), 8 to 10 weeks for students and 26
> weeks for workers. Status Inquiries within this time period can't be
> answered. Inquiries sent by E-mail or FAX after this time will be
> replied to.
> Visit the Visa and Immigration section of Welcome Page | Page d'accueil or
> Welcome Page | Page d'accueil.
> +++++++++++++++++++++++++++++++++++++
> Ceci est un accusé de réception de votre courriel. Aucune demande de visa
> ne peut être finalisée sans l'approbation de l'Administration Centrale.
> Prévoyez nous faire parvenir vos formulaires de demande de visa dûment
> conmplétés, 30 jours pour les visiteurs, 8 à 10 semaines pour les
> étudiants, 26 semaines pour les travailleurs. Vous pouvez faire vos
> demandes éctrites à (تم حذف الإيميل لأن عرضه مخالف لشروط المنتدى) , après l'expiration
> des délais ci-haut.
> Veuillez consulter notre site internet au Welcome Page | Page d'accueil ou