باركوووووووووولي صدر قرار ابتعاثي

June 9th, 2007, 02:22 PM

الحمد لله رب العالمين , حمدا يليق بجلالة قدرة وعظيم سلطانة , احمدة سبحانة واشكرة واتوب الية واستغفرية .


اخواني لا ادري ماذا اقول وما افعل , فإن فرحتي بهذا الشئ لا تسعني ان اقول اي شئ الا ان اقول الحمد لله رب العاملين على ما سهل لي من اموري .

اخواني الحمد لله تم اصدرا قرار ابتعاثي لكندا بعد ان سلمت الاوراق اليوم السبت , والحمد لله عندما دخلت على متابعة الطلب وجدت انه تم طباعة قرار الإبتعاث .


طبعا ياشباب انا استلمت الفيزا يوم الثلاثاء , ثم رحت الوزارة يوم الإربعاء ورحت مركز القبول عند دكتور اسمه محمد وهذا الدكتور طيب جدا جدا جدا , المهم اني عطيتة اوراقي ثم قعد يشيك بالجهاز وقال لي انه ما فية عندي الا اربع جامعات في كندا موجوده في الجهاز , قلت له طيب انا جامعتي هذي معترف فيها , قال لي ما ادري بس رح لمعادلة الشهادات عند محمد ابا الخيل وخلة يوقع انه معترف فية , رحت لمحمد ابا الخيل والله يجزاه خير وقع على ان القبول معترف فية , رجعت لدكتور محمد وقلت ابا الخيل وقع على القبول , قال لي انا الان ما اقدر اسوي لك شئ لاني ما عندي بالجهاز الا اربع جامعات واذا تبي يضيفون جامعاتك روح صالة خدمة المبتعثين عند منصور المنصور , رحت لصالة المبتعثين وقلت وين منصور, قالوا لي انه ماخذ اجازة اضطرارية الى يوم الأحد , قلت الشكوى لله نجي يوم الاحد .

طبعا ما ابي اقول لكم كيف مرت علي ايام الاربعاء والخميس والجمعة , المهم اليوم السبت رحت للوزراة وسألت عن منصور المنصور قالوا لي الى الان ما جاء , رجعت مرة ثانية عند الدكتور محمد وقلت له منصور ماخذ اجازة , قال لي رح عند واحد اسمة سلطان بالحاسب الالي , رحت لمبنى الحاسب وسألت عن سلطان قالوا لي ماخذ اجازة , قلت وش هالوزارة اللي كل موظفيها في اجازة , طبعا سألت من المسؤول عن اضافة الجامعات قالوا لي واحد اسمه فهد المطيري , رحت لفهد وقلت له ابي تضيف الجامعه ,قال لي روح لمحمد الاخضر (مصري) , رحت لمحمد وكان انسان طيب جدا وقلت له ابي تضيف الجامعه لان مركز القبول ما عندهم الا اربع جامعات بالجهاز قال لي ابشر , بعد دقيقتين قال لي خلاص اضفت الجامعة , ما تصدقون سعادتي يوم قال لي اضفت الجامعة كيف كانت .

طبعا بعدها طرت الى الدكتور محمد وقلت له تراهم اضافوا الجامعة , قال لي روح لدكتور احمد علشان يعتمد القبول رحت لدكتور احمد وعطيتة اوراقي وقعد شوي يطقطق على الجهاز ثم ختم علية وقال خلاص روح لصالة علشان يصدرون قرار ابتعاثك .

رحت لصالة المبتعثين وعطيتهم الأوراق ( صورة من القبول المختوم علية من مركز القبول ختم اخضر - صورة من الفيزا - صورة من الجواز - صورة من بطاقة الاحوال -صورة من اخر شهاده اخذتها) , وقالوا لي تعال بعد اسبوع .

طبعا الكلام هذا كان الصباح .

يوم جت الساعة 2 الظهر دخلت على متابعة الطلب ولقيت انه تم طباعة قرار الابتعاث .


هذي قصتي من قرار الابتعاث وعقبال الجميع ان شاء الله وبالتوفيق للجميع .

معليش ان اذا ما فهمتوا كلامي لاني كتبتة ومن الفرحة ما ادري وش اقول



تحياتي

شد بلد

• نشر عبر تويتر
• نشر عبر فيسبوك
• نشر عبر جوجل