أصحـاب الخبـرة .. مشورتكــمـ !!

السلام عليكم اختي الماستر في كندا سنة من غير لغة واذا حابة تذهبي عن طريق مكتب انا اعرف مكنب بالسعودية اسعاره حلوه مره هو يرتبلك كل امورك بالتوفيق

ها كيف الاسعار بس طريه ولا مش طريه ولا رديتي عليا يا شروق ابغا مكتب يسوي لي كل شي لاني ما اعرف شي ههههههههه


هذا الي فوق مو لكي يا صاحبه الموضوع

الي لكي يا صاحبه الموضوع شوفي

ايش افضل جامعه ما اعرررررررررررررف عشان انا لسا ما رحت كندا طيب هذا اول شي

الشي الثاني

ايش افضل تخصص برضوا ما اعرررررررف

طيب خلصنا وقول ايش الي تعرفوا وفكنا منك

المعاهد لو درستي في معهد تابع للجامعه راح يكون افضل طبعا لانه اكاديمي اما انك تخشي اي جامعه بس بنتيجه المعهد لا مافي دا الكلام الا في جامعات مررة قليل وما اعرفها اصلا

بس ما راح تدخلي اي جامعه الا اذا جبتي الايلتس يعني تجيبي الدرجه المطلوبه وتخشي غير كده مافي

واغلب الجامعات الي هناك حتى لو درستي في المعهد حقهم مالهم فيكي يعني مثلا جامعه تورنتو درستي في المعهد وكنتي متفوقه وفلم هندي تجي تقولي لهم ابغا اخش الجامعه وانا من معهدكم يقولوا لك زيك زي غيرك جيبي لنا ايلتس او توفل معلوم

اما في حاجه انتي يمكن ما تعرفيها او ما مرت عليكي وغايبه عنك وهي مربط اللفرسان كلها مو الفرس بس

انتي تخصصك انجليزي حلو
يعني انجليزيتك حلوة وما يحتاج ان شاء الله بحكم انها تخصصك

وعارف انك سالتي عن المعهد عشان تتعودي ع الوضوع وتمارسي الانجليزي ويروح منك الخوف الين هنا حلو جدا

في جامعات والله برضوا ما اعرف اسمائها بس غالب الجامعات يعني نسبه كبيرة منها تقبل الطلاب الي هما تخصصهم اصلا انجليزي على طول ما يحتاج لغه هذا على كلام الناس هنا في المنتدى تجيبي ورقه تثبت ان كل موادك انجليزي وتخصصك انجليزي والورقه هذي هي الشهاده ما يحتاج شي غيرها لانه تخصصك انجليزي فبكذا افتكيتي من موضوع المعهد مرررررررة

طبعا لازم تبحثي تخشي كل جامعه وتشوفي ايش المطلوب فيها كل وحدة لحالها وتشوفي ايش المطلوب بالزبط وممكن ترسلي لهم ايميل لو مو مذكور هذا الشي في موقعهم بس غالبا مذكور


كده خلصنا من المعهد صح

يبقى موضوع التعود والخوف والافلام الهنديه دي كلها
انا انصحك تجيبي قبول او تشوفي الجامعه الي ما تبغا انجليزي لانه تخصصك انتي اصلا انجليزي وتجيبي منها قبول
راح توصلي هناك بالسلامه ان شاء الله
وتكون الدراسه لسا ما بدات او بدان من اول يعني في كل الاحوال ما راح تقدري تخشي على طول

هنا لعبتك روحي معهد وفلي ابو جدها لا يحتاج اختبارات ولا بطيخ بس احضري في المعهد واستفييييييييدي قدر الامكان

واظن التخصصات الاداريه يحتاجو جيمات او جي ار اي والله ما ادري ما افتيكي بس اظن لازم واحد منهم بس اي واحد ما ادري
في هذا الوقت تروحي المعهد وتجهزي نفسك للاختبار جيمات او جي ار اي اذا كان مطلوب من جامعتك

والماستر في كندا الي اعرفه انه سنتييييييييين
ولو شديتي حيلك اكيد ممكن تخلصي في اقل يعتمد تاخذي مواد في الصيف ولا لا
مشيت امورك سهاله من بدري ولا لا
دخلتي الجامعه بسرعه ولا لا
يعني اشياء كثير تعتمد عليها السرعه مو بس تشدي حيلك اوقات تجيكي ظروف اكبر منك ولازم تتعايشي معاها

والجامعه مثلا هل عندها كورسات في الصيف ولا لا للماستر في جامعات مواد محدوده بس في الصيف الي تنزليها وهكذا تعتمد على اشياء كثير

والشي الاهم في اختيار الجامعه هل تخخصك موجود ولا لا


انتي ان شاء الله ما عليكي خوف من ناحيه الماستر والقبول
تخصصك انجليزي ومعدك ممتاز ما شاء الله يعني عندك مهؤهلات طيبه تساعدك بعد الله انشاء الله

اخر شي

انا ما احط في ذمتي لكن هذي شروق اظنها لا شروق ولا شي والله العالم انه مكتب وجالس يسوق هنا في المنتدى لاني كل ما اخش موضوع من مواضيع المنتدى الاقيها حاطه نفس الرد بالظبط

هذا بعد مطاردات ومحاربات سارت تحط كده ولا اول في رد كان بطران الاسعار طريه تقول لك والارقام والدنيا كلها تحطها هنا

عموما برضو ما ابغا احط في ذمتي ان شاء الله اني اطلع غلط بس لمن شفت الدنيا مقلوبه ما تخش تلاقي طالب يسال الا تقول انه عندها مكتب يسوي كلللللللللللللللللللللل شي ايش هوة كل شي الله العالم

المكتب يجيب سكن ولا يفتح حساب في البنك ولا ايش يسوس ما ندري الى الان حتى قبول المستر الي خبل الناس المكتب دا السحري يجيبه يعني بصراحه انتي واخواني هنا طلاب وانا زيي زيكم واحنا نخاف على بعض ما انصحك بالتعامل مع اي مكتب سواء دا المكتب الي فوق ولا غيروا

وخشي وشوفي واقري عن المكاتب وتعاملها مع الناس
الي جاب له قبول معهد ب 3000 ريال وقبول المعهد ما يكلف ولا حتى 500 ريال واصل الين بيتك
والي ما جاب لوا شي واخذ فلوسه
والي اجل الموعد بسبب تاخير المكتب

مافي احد احرص عليكي منك تابعي شغلك بنفسك هذي نصيحه مني لكي


اخر شي اتمنى من الادارة التحقق والتدخل في موضوع شروق هذا الي في كل موضوع لها دعايه عن المكتب
واذا كنت غلطان انا اقدم اعتذاري المسبق وما خلاني اقول الكلام دا الا حرصي على نفسي واخواني واخواتي الطلبه الي هنا انا مالي اي مصلحه شخصيه لا عندي مكتب ولا انا اجيب قبولات ولا لي في الموضوع لا من قريب ولا من بعيد بس اشم رائحه متاجرة هنا ودعايات واهيه

وجزاكم الله الف خير يا ادارتنا

وانتي الله يوفقك يا اختي وان شاء الله تخلصي وتزبطي امورك ونشوفك اكبر دكتورة ماليه

بس لا تنسينا عاد من القرض لمن تجي تشتغلي في البنك زبطينا بنسبه حلوة هههه

بالتوفيق