التقديم على الجامعات الكندية والمدة الطويلة للتخرج من الثانوية

وعليكم السلام .

بخصوص الجامعات ما أعتقد ان لهم دخل وش كنت تسوي الفترة الماضية ،، يعني ابعطيك مثال بسيط ،، انا قدمت على جامعه وكنت مخلص الثانوية من 7 سنوات تقريبا وعطوني القبول فمالهم دخل بهالشغلات فقدم انت وتوكل على الله والله أعلم .

اما بالنسبة للسفارة هذا بصراحة بوجهة نظري أهم سؤال للسفارة الكندية ويهتمون فيه جدا جدا ،، فلازم تثبت لهم من فترة تخرجك من الثانوية لحد يومنا هذا وش كنت تسوي بالضبط ،، هل كنت تدرس ؟ من متى لمتى وتعطيهم الاثبات .
هل كنت تشتغل ؟ من متى لمتى وتعطيهم الاثبات .

بس ماقلت لنا انت مخلص الجامعه او لساء ؟ وكم نسبتك ؟

أفهم من كلامك إنك بتقدم على البكالريوس
لا زم تأكد من وضعك زين
وأنت طبعاً بتقدم على برنامج الملك
فلازم تأكد إنهم بيقبلونك سواء في هذه الدفعة القادمة
أو إذا رحت بيلتحقونك بعد ما تدرس على حسابك الفترة المطلوبة

لا ماخلصت لسا.

بس سؤالي هو: هل اقول لهم اني درست بالسعودية طيلة الفترة الي راحت (اذا سالوني)؟ ولا مااقول لهم شي؟

بالنسبة للسفارة، انا درست فقط ومااشتغلت، هل اوريهم سجلي الاكاديمي بالجامعة؟ (مع العلم اني حملت مواد اكثر مما عديت بكثير)، والمعدل حوالي ٢،١٧ من ٥.

انا ناوي ادرس بكالوريوس ادارة اعمال.

برنامج الملك راح علي، قدمت عليه قبل سنتين بس مانقبلت بسبب دنو درجتي باختبار التحصيلي.

فراح ادرس على حسابي الخاص.

اسهل من هالموضوع مافي

روح لى اي شخص تعرفه عنده مؤسسة مقاولات او شركه لو صغيره

يكتب لك ورقه انك كنت شغال عنده من تاريخ الى تاريخ ويختمها وصدقها من الغرفه التجاريه التصديق فقط لمطابقة التوقيع يعنى ما لهم شغل بشي غير تدفع لهم 20 ريال

وترجمها واعطيهم الورقه

انا جبت قبول من جامعه بكالوريوس وفترة التخرج كانت 8 سنين
وطلبو مني اثبات وين اشتغلت في الفتره هذي ..
وبعدها عطوني قبول
ترى لكل جامعه سياسه معينه .. ولكن خذ معك اثبات احتياط

خوفي يشيكون بالكمبيوتر ويلقون اني درست بالجامعة (بالنسبة للسفارة الكندية بالرياض).

وش كنت تسوي والاثبات اللي جبته؟

نصيحة لا تكذب على السفاره قول كنت في الجامعه هم بس يبغون اثبات انك مو عاطل ما لهم شغل بالدرجات وبالنسبة للجامعه اطلب برنت منهم بلوقت الي انت جلسته بالجامعه وصدقني غسر تمشي امورك بكل سهوله وانت ادرى . والله يوفقك

جبت شهادات الخبره

جامعات النخبة تبي تسأل لكن جامعات الدرجة الثانية ما عندهم مشكلة