خريجي عام 1422/1423 مالهم بعثة

مااعرف بس زوجتي متخرجه في نفس العام تم قبولها مبدئيا وعند التدقيق مادخلوا معلوماتها في النظام قالوا بسبب سنة التخرج

المشكلة ان الوزير في اجازة ، وينوب عنه وزير آخر حالياً

احنا قدمنا خطاب للوزير و في الاغلب ان الوزير بالنيابة سيحوله لجهة الاختصاص لأنها ماهي شغلته ، و جهة الاختصاص طبعاً هي ادارة البعثات اللي رفضوا يفهموا و مصرين على خطأهم و تحميلنا نتيجة خطأهم

يعني تيتي تيتي زي ما رحتي زي ما جيتي

عشان كده لازم نصير مجموعة و نقدم شكوى جماعية ندعمها بتأييد من جهات رسمية مثل ادارات الكليات حتى نثبت اننا مستحقين للبعثة حسب شروط الوزارة ، مو طالبين صدقات و استثناءات

خيتو Fredom
وربي إنحرق دمي لمن شوفت موضوعك , وربي إنقهرت أجل كيف نفسيتك انتي وزوجك,,
لا وكمان مشاوير وخطابات ولجان وكلااااااااااااااااااااااااااااااااام فاضي وفي النهايه النتيجه ... ((مالك بعثه)) ...
وربي شي يققققققققققققققققققققققهر
حبيبتي إصحك تسكتي عن حقك طالبي في وزي ماقولتي مو طالبين صدقات دا حقك وحتاخدي إن شاء الله إنتي توكلي على الله وإدعي وإن شاء الله ربي معاكي
وقلبي معاكي
تحياتي
Nona Ta3oma

Nona Ta3oma .. ميرسي كتير لا الك على هالمشاعر ، والحمدلله لهلا في ناس طيبة وقلبها كبير

ولا يهمك ماراح اسكت عن حقي ويارب يجي الفرج قريب لان الوقت مأزم معايا لازم اخلص بسرعة

أخ Loay2008 .. ايام التدقيق كنت انا واكثر من وحده اعرفها في القاعة من نفس دفعتي سلمنا الاوراق ومشيت معانا لكن انا كنت متخوفة من بداية التقديم لان سنة التخرج ما كانت في النموذج قمت رجعت تاني للموظفة بعد ما اخذت الملف و قلت لها على سنة التخرج قالت لا استني لحظة و طلعت الوثيقة وشافتها و شرحت لها وجهة نظري وتحديد السنوات قالت لي خلاص اوكي

ومع كده ما قدرت ارتاح الين طلعت الاسماء وتم الترشيح النهائي والحمدلله كان اسمي منهم

يا أختي لقيتلك دا الرابط .. اقرئيه يمكن يفيدك ..

http://www.mbt3th.us/vb/showthread.php?t=44051

اختي احب اقلك شيء ..

قال تعالى :
" وعسى ان تحبوا شيئآ وهو شرٌ لكم "

شكراً ، جزاك الله خير

هو شكل الموضوع حيوصل للدكتور علي العطية زي ما قال لي موظف في مكتب الوزير في جدة

بس المشكلة مهي خاصة و انما مشكلة مجموعة بنحاول نحلها لجميع الدفعة

كما توقعنا

الوزير في اجازة ، والوزير بالنيابة حول الخطاب لادارة البعثات !!!

كتبنا الخطاب للوزير بعد ما يئسنا من ادارة البعثات ، رجعلهم الخطاب عشان يقرروا نستحق البعثة ولا لأ !!!!!

تيتي تيتي زي ما رحتي زي ماجيتي

حسبي الله و نعم الوكيل
حسبي الله و نعم الوكيل
حسبي الله و نعم الوكيل

أخ عبدالعزيز.. بشر اش صار معاك اليوم في الوزارة