ابي مساعده تكفووون

ممكن تحددون لي الجامعات المعترف فيها والي تقبل مقبول وفي اي مدينه هل دراسة المرافق للغه على حسابه ولا على حساب الدوله وكم الراتب للمبتعث وللمرافق وهل يكفي للمعيشه هناك من سكن وهل هناك تامين طبي للمبتعثين اسفه ع الاطاله

الجامعات المعترف فيها في استراليا ممكن تتعرفين عليها من موقع وزارة التعليم العالي، طبعا اللي ممكن تقبل بتقدير زوجك تقريبا اغلب الجامعات الاسترالية ماعدا الجامعات الثمانية الكبار مثل جامعة ملبورن، موناش، الجامعة الاسترالية، آدليد وغيرها، طبعا اللي يساعده على القبول اذا كان فيه خبرة سابقة وبمدة معقوله ٣-٤ سنوات او اكثر ويكون لها علاقة بالتخصص المطلوب في الماجستير ومهم الحصول على توصية من احد المدراء في العمل، وممكن يقدم على جامعة كانبرا بمدينة كانبرا او فكتوريا بمدينة ملبورن او نيوكاسل بمدينة نيوكاسل وغيرها.

ودراسة المرافق كاملة لغة لمدة سنة فقط والجامعة على حساب الدولة.

مكافأة المبتعث والمرافق في فترة اللغة توصل الى ٤٦٠٠ دولار استرالي تقريبا، وعند انضمام المرافق للدراسة الجامعية ترتفع المكافأة الى ٦٠٠٠ دولار تقريبا لانه يصرف له مكافأة مبتعث كاملة.

المكافأة تكفي وتزود ان شاء الله حسب كلام كثير من الاخوة اللي هناك.

نعم هناك تأمين طبي تتكفل فيه الدولة.

طبعا من المهم ان ينهي المرافق ٧٥٪ أو اكثر من دراسته الجامعية عند تخرج المبتعث الاساسي من دراسته اقل من كذا تلغى بعثته ويعود مع المبتعث الاساسي.

تحياتي

شاكره على المعلومات الاكثر من مفيده