عاااااجل ....... لكل اللي يحملون فيزا استرالية

انا قصدي هالسؤال للطلبة الدارسين على حسابهم الخاص
لان الدارسين على حساب الملحقية يقدروا ياخذوا رساله منها تفيد بانها تتكفل بالمصاريف
يعني ما يحتاج كشف حساب

والله ياليت اقدر افيدك بس ان شاء الله يتفاعلو معك الاخوان
بس اعتقد لو معك اصال او شيك مدفوع للجامعه او المعهد للمدة اللي تدرسيها يمكن تتيسر امورك
بالتوفيق

اختي حسب علمي انه لازم يتضمن كشف الحساب الي تبين تقدمينه تكت الطياره المرجع والي يقدر ب 2000 دولار استرالي بالاضافه لتكاليف دراستج لاول سنتين و تكاليف المعيشه لاول سنتين ايضا والي تقدر ب 12000 دولار بالسنه يعني لازم يكون عندج تقريبا 60000 دولار استرالي (بالمناسبه انا بس قدمت على الفيزا كانت مستوى تقيمي لفل 3 واتوقع انو انتي تكوني لفل 2 لانه من دول الخليج) فبيكونون متساهلين معاك اكثر من ناحية كشف الحساب على العموم اتمنى اكون افدج بالمعلومات والله يسر امرج

هلابك اختي

انا ماصار لي اسبوعين مطلع الفيزا .. ومايحتاج كشف حساب ثلاث شهور لاني ارسلت لهم شهادة بنكية والمبلغ اللي فيها كان 50 الف ريال .
انا اشوف انك تقدمين اون لاين افضل لك من المكاتب عشان تتابعين امورك بنفسك .

واي استفسار انا حاضر

واعذريني اذا تأخرت بالرد لان طيارتي بعد يومين لكن بحاول قد ما اقدر اني اشيك وارد على استفساراتك

’,

هلا
ممكن سؤال : تدرس على حسابك ؟
متأكد بس قدمت 50 الف ريال من غير ما تقدم ورقة من الملحقية السعودية تثبت انها راح تتكفل بجزء من الرسوم؟
لان الاخahmad90 اللي رد عالموضوع قال لازم تكاليف سنتين يعني تقريبا 170 الف ريال
ارجو الرد للاهمية

60000 دولار استرالي يعني تقريبا 170000 ريال و هالمبلغ وايد كبير

انا دخلت على موقع الهجرة الاسترالي و اخترت البحرين و طلع Assessment Level 1

عندك فكرة؟

والله مدام انو البحرين ليفل1 فاتوقع انو مابيكون المبلغ كبير مثل الي اعطيتك اياه بس كنصيحة خلي يكون يتضمن مصاريف دراسه ومعيشه اول سنه على الاقل

اي نعم اختي ادرس على حسابي ومافيه اي اوراق من الملحقية ولا شيء

واللي ذكر اخونا احمد فلوس الدراسة والمعيشة كاملة لكن يسمح لي اعاتبه شوي لانه مستحيل يصير هالمبلغ والسبب :

انه عشان تقدمي على الفيزا لازم يصير عندك قبول نهائي وعشان يصير عندك قبول نهائي لازم تسددين رسوم الدراسة ومن كذا يتضح ان رسوم الدراسة خارج الموضوع .
اضف لهذا انه ما احد يقدر يحدد مصروفك او مبلغ السكن لانه يضعون احتمال ان فيه حوالات او ان رسوم السكن تم تسديدها .

اعتقد ان 50 او 60 الف كفاية

وانا حتى المبلغ كان 49 الف وعليها فكه يعني ماوصل 50 الف

توكلي على الله ولاتنسينا من الدعاء

وان شاء الله اقدر افتح النت وارد على استفساراتك اذا عندك استفسارات او الشباب مايقصرون .

’,

هلا والله أختنا الكريمة ..

طيب الحين خذي العلم الأكيد .. من واقع تجربة سابقة ..

شوفي أنا رحت لأستراليا في الأساس بفيزا سائح وبعدها من هناك قمت وغيرت فيزتي لطالب .. بعد ماراجعت الأمقريشن أكثر من خمس مرات ..
مشكلتي إنه السعودية قبل أكثر من سنة كانت ليفل توو بينما كل دول الخليج كانت ليفل ون ... بس الحين الحمدلله صارت ليفل ون زي باقي دول الخليج .

المهم في الموضوع .. اعتماداً على مراجعتي هناك .. كان المطلوب وبحسب كلام الموظف إن الحساب البنكي أولا بيغطي رسوم الدراسة خلال الفترة اللي أنت راح تكوني فيها هناك .. يعني لو بتدرسي لغة وماستر مثلاً .. مفترض المبلغ بيغطي رسوم فترة اللغة ورسوم فترة الماستر .. وأظن النظام الحين وقبل مايعطونك CoE بيطلبون منك دفع تكاليف الرسوم مقدماً ..

وذا النظام المعمول فيه حاليا للدراسين على حسابهم الخاص .. بس أنا اعرف ناس ياخذون استثناءات وبيدفون قبل كل فصل دراسي .. مدري يمكن يعاملون دول الخليج غير وباقي الدول بيصبرون عليهم !!

عموماً ..
سواءً دفعتي مبلغ الدراسة مقدماً .. أو لا .. مفترض تكاليف الدارسة بتكون متوفرة معاك وذا شرط أساسي ..

الموضوع الآخر وهو المهم .. واللي حصل معايه وحصل مع كثير من الزملاء اللي كانوا دارسين على حسابهم الخاص .. واللي سمعته من كلام موظف الأمقريشن حرفياً .. هو لازم بيكون معاك مبلغ بيغطي تكاليف المعيشة من غير رسوم الدراسة ..
ومبلغ تكاليف المعيشة المطلوب هناك .. هو ألف دولار أسترالي لكل شهر ..

يعني لو أنتي تبغي تستخرجي الفيزا لفترة سنتين .. مفروض بيكون معاك 24000 ألف دولار أسترالي في حسابك أو مايعادل ذلك المبلغ .

أخيراً ..
هذه مخرجات اللي حصل معايه شخصياُ قبل سنة من خلال خبرتي مع الامقريشن .. وأي استفسارات أخرى أنا بالخدمة ..

وبالتوفيق،،