استفسار بعض الاسئلة عن استراليا قادم من امريكا ان شالله

والله ماشاء الله عليك كفيتي ووفيتي
الله يكتب لك كل خير
بس بصراحه انا صدمت من اسعار الشقق لانها تعتبر نااار بالنسبه لكندا

انا وضعت لك اسعار تقريبية..... علي حسب خبرتي
وممكن فعلا تحصلي شي ارخص.... علي حسب قت تواجدك.... يعني علي حسب الموسم فمثلا علي نهاية ديسمبر كل الطلاب بيروحوا ايجازة فمايسير في طلب علي الشقق فممكن اصحاب الشقق يرخص الايجار عشان يبغو الشقة تتسكن وما تجلس فاضية

بس اذا جيتي علي بداية السنه الدراسية في فبراير.... صعب انك تلاقيشقق وكمان السعر بيرتفع

تحتاجي وقت عشان تدوري.....

انا في كندا وفي تورنتو (سياحيه) شقه بغرفتين تترواح من 1300 الى 1700 وفيها غساله ةبوتقاز وثلاجه كمان بس اللي عليك تجيبي غرفه نومك والصاله لو حابه
انا من خلال بحثي في مواقع النت لقيت اسعار ارخص تترواح من 1400 الي 1900 ومفروشة كمان وهذه بغرفتين

زي ما ذكرت لك.... الموقع و حداثة العمارة والتوقيت كلها عوامل تاثر في السعر وممكن تلاقي الغالي وممكن تلاقي الرخيص
بس ما اعتقد تلاقي شقق مفروشة من غرفتين بأقل من 2000$ بالذات في منطقة السيتي

خارجها ممكن تلاقي ارخص بكثير


بالنسبه لسكن الطلاب اليونيلودج , انا فتحت موقعهم وشفت بس حابه استفسر عن السعر , الحين هم كاتبين السعر ومثلا مكتوب الشقة تتكون من غرفه مع مشاركه طالب واحد وحاطين السعر . هل السعر يكون شامل الشخصين او كل شخص يدفع نفس السعر ؟

؟؟؟؟؟ صراحة اول مره اسمع انه اليونيلودج يعمل مشاركة في الغرف!!!
اليونيلودج نظام وحدات سكنية للطلاب مو شيرينغ
انا اول ما جيت استراليا سكن 6 شهور في اليونيلودج في غرفة وحدة بـ 1350$ في الشهر بدون الكهرباء
والاستيديو كان أرخص بي انا كنت حابة اتوسع
وبعد اربع سنين سارت الان نفس الشقة بـ 1668$ تقريبا
ودا رابط الاسعار
Melbourne student apartments: UniLodge Swanston weekly rents



يعني انا واخوي لو شفت شقة بغرفين وطبعا مكتوب فيها مشاركة شخصين او 3 اشخاص وكانت مكتوبة ب 1800 هل معناته انا ادفع 1800 واخوي نفس السعر والا كلنا ندفع 1800 ؟ لاني قريت كمان في مواقع ثانية من قبل نكون عارضين الشقة بغرفتين وفجاه من بين السطور تلقين مكتوب السعر وجنبها مكتوب بير بيرسون !!!!!!!

والله ما قد سمعت عن اللي انت تقولية دا!!! بس يمكن موجود في انواع اخري من السكن اللي للطلاب عبارة عن غرف مشتركة ..... ودا النوع أعتقد انه يناسب الشباب اكثر مو البنات


معلي اعذريني لان شكله نظام استراليا يتخلف تمام عن كندا واحس انه راح يلخبطني

بجد حووووسه الله يعين
الله يسهل لك دوربك ؛)