استفسار عن كل متطلبات السفر والالحاق

ووش طريقة الشهادة البنكية؟.

السلام عليكم شوووف ي غالي بالنسبه للوثائق العربيه تترجمها كلها من اي مكتب ترجمه معتمد والوثائق الي نصفها عربي وانجليزي مايحتاج تترجمها والمكاتب مثل مكتب السالم بالرياض وغيرها كثييير والتقديم تقدر تقدم عن طريق مكتب idp او بنفسك بعد ماتشوف اعتراف الجامعه من موقع الملحقيه الثقافيه باستراليا - الجامعات الموصى بها بعد كذا لمن حصلت القبول المبدئي تتدفع للجامعه او المعهد حسب القبول الي معاك مشروط او غير مشروط اذا معاك الايلتس او التوفل ويتدرس على طول بدون للغه ويعطوك القبول النهائي بعد دفع مبلغ للمعهد 4 - 6شهور عشان تقدم فيزا طالب ومكتب idp يصلحها لك بس خذ معاك بطاقة فيزا اوماستركارد عشان يسدد لك رسوم الفيزا بالنسبه للإلحاق في البعثه ممكن وانت تدرس اللغه 4 شهور ويمكن بعد انهاء فترة اللغه ماتدري كل يوم عندهم نظام جديد بالتووووفيق اتمنى اكون افدتك

الف شكر لكن ابي معلومات عن الضمان البنكي لاني اسمع بالضمان البنكي كثير لكن ما اعرف كيف احصل عليه

مو ضروري الضمان البنك القبول النهائي coe يكفي ممكن يطلبوا الضمان البنكي اذا جيت تقدم على الفيزا

واغلب الي قدموا فقط يطلبون منهم القبول النهائي ومن خلاله يتحدد فترة الفيزا يعني مثلا لو معك قبول معهد 5 شهور يعطونك على المده هذي ولو معك قبول معهد وجامعه يعطونك المده كامل

وعلى كل حال للاحتياط روح لبنك الراجحي وقول ابغى شهادة بنكيه بالدولار لحسابي وخذ صوره من جوازك عشان الاسم والرقم يكتبها لك في الشهادة البنكيه

يعني مجرد ورقه بالانجليزي فيها معلومات عنك عند البنك وفيها رصيدك بالدولار والاسم بالانجليزي

انا اتكلم عن لو بتطلع على حسابك

لاكن لو مبتعث من جهة عملك فيه شئ ثاني اسمه ضمان مالي ويطلع من وزارة التعليم


موفق اخوووي..

الله يعطيك الف عافية دبلوم صيدلة وتحملوا شوي لاني بكثر عليكم
الشهادة البنكية لو باسم الوالد هل لازم يكون مكتوب انه موجهه لي؟

مو ضروريه الشهاده ترى بس للاحتياط يعني

خلي الوالد يحول مثلا 100 الف ريال لحسابك وخذ عليها شهادة بنكيه بالدولار الامريكي او الاسترالي حسب الي عندهم باسمك وبعد كذا حول الفلوس لابوك

او خذ شهادة بنكيه باسم ابوك وتكتب ان ابوك يتكفل بك << شغله

طيب الفيزا ما تحتاج كشف حساب؟؟
تحمل شوي لاني بكثر اسئلة

شوف حبيبي اول شئ تحصل على قبول مبدئي من معهد الجامعه او معهد خاص حسب الي تبغى


بعد كذا تدفع لهم رسوم الدراسه فصل دراسي او اكثر والمده الي بتدفعها مدة الفيزا بتطلع عليها يعني تدرس 5 شهور الفيزا تجيك 5 شهور وكذا افضل شئ تدفع فترة اللغه كامل
اذا كنت واثق من المعهد وبتكمل فيه + التامين الطبي المعهد او الجامعه تسويه لك وبعد ماتدفع يجيك القبول النهائي


بعد كذا تروح تقدم على الفيزا اونلاين وطلبات الفيزا هي


فحص طبي
سي او اي - قبول نهائي من معهد او جامعه- وللحصول عليه يجب دفع الحد الادني من الرسوم
او ضمان مالي ( للمبتعثين فقط )
كشف حساب او شهادة بنكيه بالانجليزي ( تدعم قبول الفيزا يمكن يرجعونك عشان الشهادة افضل شئ توفر الشهادة وتكمل اوراقك كامله )
صوره شخصيه ( العيادات الي عندها ارساليه اون لاين مايحتاج تجيب صوره هم يصورونك )
شهاداتك وسجل درجاتك مترجمه
الصوره الاولى من جوازك , والصفحات الاخرى من الجواز وخصوصا الصفحه الثانيه اللي فيها توقيعك
لو متزوج , مطلوب منك دفتر العائله عربي ومترجم , ومصدق من نفس مكتب الترجمه
ورسوم الفيزا ٥٥٠ دولار استرالي


كل هدي المتطلبات ممكن تسويها اون لاين , او عن طريق السفاره مع الحضور الشخصي


شاهد موضوع الاخت انسانه طموحه مثبت هنا بهالقسم يشرح طريقة التقديم

الله يعطيك الف عافية والله ما قصرت
يبدوا انك اختصرت كل شي بردك هذا وعطيتن الزبدة
عندي سؤال اخير
اذا اخذت قبول نهائي تكون الفيزة لكل مدة الدراسة صح؟