بخصوص فتح ملف مبتعث على حسابي الخاص
السلام عليكم أخواني أخواتي .. ؟
ياجماعة الخير .. أنا جهزت أموري وأغراضي عشان أدرس في أستراليا على حسابي الخاص
فجهزت الأوراق وجبت قبول اللغة والجامعة .. وقدمت على الفيزا .. ألحين أستنى متى تطلع الفيزا
بس سمعت بسالفة إني لازم أفتح ملف مبتعث على حسابي الخاص من هنا .. ؟
فعندي كم سؤال أتمنى الرد عليهم جميعا .. أو إعطائي الفكرة الكاملة عنهم ياريت
اولا : هل هذا الشي ضروري ..
ثانيا : هل لما أدخل الموقع وأعبي بياناتي وكل شي .. يآخد وقت .. وكم تقريبا الوقت الي ياخده ..
ثالثا : هل أقدر أعبي وأطلع أستراليا على طول .. ؟
رابعا: هل أقدر لما تطلع الفيزا .. أطلع أستراليا وبعدين أقدم على هالطلب من هناك لتوفير الوقت .. يعني أصير أدرس هناك وأنا مقدم الطلب وأستناه لين مـآ أتحول .. ؟
خامسا : وين أحسن .. أعبي البيانات من الموقع وأرسلها أون لاين .. ولآآ أطبعهـآ وأعبيها وأروح فيها الملحقية في الرياض .. ؟
أتمنى الرد السريع منكم أعزائي .. وآسف على الإطآآلة .. وشكرا فديتكم
رد: بخصوص فتح ملف مبتعث على حسابي الخاص
عليكم السلام اخوي ..
اولا : هل هذا الشي ضروري ..
ايه ضروري اخوي الملحقية باستراليا ماراح تفتح لك ملف لو ماخذت موافقه من التعليم العالي
ثانيا : هل لما أدخل الموقع وأعبي بياناتي وكل شي .. يآخد وقت .. وكم تقريبا الوقت الي ياخده .
ايوه اخوي ياخذ وقت بس لازم تكون اوراقك كامله قبول جامعي وقبول اللغه الخ .. ولازم تسوي كشف طبي
ثالثا : هل أقدر أعبي وأطلع أستراليا على طول .. ؟
تقدر اخوي بس ممكن يرفضونك بدون سبب افضل تقدم وترفع اوراقك اون لاين وتروح للتعليم العالي وتاخذ الموافقه من هناك
رابعا: هل أقدر لما تطلع الفيزا .. أطلع أستراليا وبعدين أقدم على هالطلب من هناك لتوفير الوقت .. يعني أصير أدرس هناك وأنا مقدم الطلب وأستناه لين مـآ أتحول .
تقدر اخوي بس الملحقية هناك ماراح تفتح لك ملف حتى تحصل موافقه من هنا
خامسا : وين أحسن .. أعبي البيانات من الموقع وأرسلها أون لاين .. ولآآ أطبعهـآ وأعبيها وأروح فيها الملحقية في الرياض .. ؟
مافيه الا طريقة وحده وهي الاون لاين اذا التعليم العالي وافق لك تدرس يبقى تفعل ملفك من الملحقية باستراليا ويفتحون لك ملف دارس على حسابه الخاص
* علماً بأن الملحقيات الثقافية السعودية بالخارج لن تقوم بفتح ملف دارس على الحساب الخاص، ولن تستقبل طلبات الإلحاق بالبعثة للدارسين على حسابهم الخاص ما لم يكن لديهم موافقة مسبقة من الوزارة قبل السفر، وذلك اعتباراً من تاريخ هذ الإعلان.
^^^^^^
http://safeer.mohe.gov.sa/Sites/Student/SInterested/Pages/StudyOwnAccountOutside.aspx
هذا رابط الشروط + التقديم + الكشف الطبي
http://workflow.mohe.gov.sa/WorkflowProcesses/%28S%283nsdbdbyax3xfalw2nrdzdv2%29%29/Pages/RequestStudyAbroad.aspx?param=VE8rK1lrQnJPcXc0ZEEy cWk4NlN4Wk9sdmZrbjlacFF2c0w2VGxRUVRnVExQcGgyai9Ycm wwckNld1VybUJYSg==&MinistryInitiate=true
تحياتي ..
رد: بخصوص فتح ملف مبتعث على حسابي الخاص
أخي دبلوم صيدله ..
أشكرك كثير الشكر على ردك الوآفي مااشاء الله عليك ... الله يحفظك يارب ويوفقك
بس باقي شغلة وحدة مافهمتها عدل ..
الحين لما أعبي بياناتي اون لاين وارسلها للملحقية .. يرسلوا لي رسالة يقولون تعال خذ الموافقة ولا لازم أنا اقعد اتابع وراهم ولا كيف .. ؟؟
معليش أخي اسمح لي تعبناك معنا .. وتسلم ماتقصر
رد: بخصوص فتح ملف مبتعث على حسابي الخاص
العفو ماسوينا شئ يالغالي ..
تاخذ الموافقه اون لاين مو لازم تروح
اول شئ من التعليم العالي عن طريق الرابط هذا تاخذ موافقه مبدئيه
لان لو ماخذت موافقه من التعليم العالي من هنا الملحقية باستراليا ماراح يفتحون لك ملف وبيجيك هالكلام
هذه الخدمة مخصصة للطلبة الذين لديهم موافقه الكترونية سارية المفعول من الوزارة. للحصول على موافقة يمكنك زيارة الرابط التالي: الصفحة الرئيسية
http://workflow.mohe.gov.sa/WorkflowProcesses/%28S%283nsdbdbyax3xfalw2nrdzdv2%29%29/Pages/RequestStudyAbroad.aspx?param=VE8rK1lrQnJPcXc0ZEEy cWk4NlN4Wk9sdmZrbjlacFF2c0w2VGxRUVRnVExQcGgyai9Ycm wwckNld1VybUJYSg==&MinistryInitiate=true
ثاني شئ تسوي تفعيل للموافقه من الملحقية الثقافيه الاستراليه بعد ماتاخذ الموافقه من التعليم العالي
ولازم تكون سافرت وخذت خطاب من المعهد انك باشرت
عن طريق الرابط هذا
http://au.mohe.gov.sa/ar/Pages/default.aspx
او من هنا على طول
طلب دراسة على الحساب الخاص
وبس كذا ..
رد: بخصوص فتح ملف مبتعث على حسابي الخاص
حلو حلو ...
أخي دبلوم صيدله .. مادري كيف اشكرك أخي .. ماقصرت والله
أبشرك طلعت لي الفيزا .. ^_^
راح أبدي شغل وأمشي إن شاء الله
رد: بخصوص فتح ملف مبتعث على حسابي الخاص
بس اهم شئ صلح الكشف الطبي من اي مستشفى حكومي لانه ضروري وعبئ البيانات كامله ولاتخلي ولا فراغ فاضي حتى الفراغات الي مو مطلوبه عبيها
لانهم يرفضون على اي سبب تافهه ويتأخرون بالرد
ع البركه اخوي الفيزا كم خذت من يوم معك ؟؟
رد: بخصوص فتح ملف مبتعث على حسابي الخاص
آهـآآ .. خلآص .. آخـذ بنصيحتك إن شآء آلله
بتـوفيق من الله أخذت 5 أيـآم فقط ولله الحمد
وآلله طـآير من الفرحـة ^_^
رد: بخصوص فتح ملف مبتعث على حسابي الخاص
انا خلصت كل متطلبات الوزارة هل لازم انتظر موافقتهم ولااسافر لان بسافر بعد العيد دراستي تبدأ في سبتمبر انتظر ردهم ولابيتاخرو ولاعادي اروح وتجيني موافقتهم بعدين
رد: بخصوص فتح ملف مبتعث على حسابي الخاص
اقتباس:
المشاركة الأصلية كتبت بواسطة ليدي سوسو
انا خلصت كل متطلبات الوزارة هل لازم انتظر موافقتهم ولااسافر لان بسافر بعد العيد دراستي تبدأ في سبتمبر انتظر ردهم ولابيتاخرو ولاعادي اروح وتجيني موافقتهم بعدين
إجابتك سؤالك موجودة في المشاركة الثانية.
بالتوفيق.