دكتورك يهودي؟؟؟ إستطلاع رأي !!

والله أخوي مهما كان دينه او لونه او اصله الشرع يأمرنا بحترام الانسان وبلعكس فرصه تظهر لهم جمال الدين بحسن الاخلاق والله اني درسني مدرس يهودي قمة في الاخلاق وكان يتعلم كلمات عربية عشان يمزح معانا وقت الصلاة يوم الجمعة هو يحرصنا للصلاة تخيل فحتى لو كان يهودي انا ادعو بإظهار حسن الخلق لقول النبي صلى الله عليه وسلم ( ماكان الرفق في شيئ الا زانه وما نزع منه الا شانه ) أو كما قال .

انا اختار التعامل بالخيار الثاني ودرسوني يهود كثير واخر حلاوه. لا تعمم..مو كل اليهود سيئين ومو كل اليهود اسرائيلين.

تحياتي

أنا يدرسني دكتور يهودي .. والحمدلله عادي جدا واحترام متبادل ..
وبالعكس حتى مرة فتح لي الباب
عاد وقتها قعدت أفكرر سبحاان الله شوف الفرق .. هذا يهودي يفتح الباب لمسلمة .. ويهودي ثاني يهد الباب فوق مسلمة !!

اذا كان الشخص ذو علم وبصيره يدخل معاه في نقااش ايجابي وان كان علمه بسيط فيكون ايجابي بأخلاقه وتعامله
وشكر للكاتب على التنبيه في التعامل مع غير المسلمين...
وفق الله الجميع

انت حطيت خيارين واحد مثالي جدا وواحد سلبي جدا ما اعتقد أحد بيختار السلبي كل واحد بشوف نفسه مثالي إلا أنا إذا كان معي واحد يهودي و وقاعد يظهر حركات مالها داعي راح أقتلة مو بس نقاش لأن لو لو لو يفيد النقاش كان ريحونا من زمان

خخخخ Just kidding but I've chose the first choice

ياخوي اليهودية دين مثل المسيحية دين بس ذحين الدين هوالإسلام


اما إذا قصدك على الإسرائيلين فالله يلعنهم

أنا درس معايا طالب إسرائيلي في معهد اللغة كان لاصق فينا إحنا العرب لصقة غير طبيعية
ويقول أنتوا عيال عمنا خخخخ

وكان يموت بالعرب...يسمع أغاني عربية ويحب الأكل العربي وماشفنا منه شر الحمدلله

ودرست على يد أكثر من يهودي وكانت الحمدلله العلاقة ممتازة لأن القوانين هنا في إستراليا تمنع العنصرية بجميع أنواعها ومن أهمها عنصرية الدين ... وتقدر تشتكي الدكتور لو غلط عليك وعاااايدي ممكن يفصلوه بسبب الموضوع دا

تحياتي

اولا : ماراح اسأل او اطالع او اهتم هالشخص ايش يؤمن ولا مايؤمن هذا غلط غلط غلط

المعاملة فوق كل شي

وكلنا شفنا اساتذة وطلاب وزملاء مش بس يهوديين الا كانوا مش مؤمنين اطلاقا اي ملحدين ، لكن كانوا قمة في الاخلاق والتعامل فلو طبقت النظرية اللي علمونا اياها من وحنا صغار ان - الغير مسلم شر مستطير يبغي لك الاذية ليل ونهار فعامله بجلافة فهو كافر في النار - لكنا اغبى ناس ، وكلنا طلعنا برا وعرفنا ان هذا غلط في غلط والاسلام يأمرنا بالاحسان اصلا لكل شخص بغض النظر عن معتقده خصوصا اهل الكتاب ،

حتى بالمقارنة شوفوا هناك المدرسين ماعندهم طبقية او قبلية مثل اللي عندنا في الجامعات لما تمشي امور اناس لانهم من قبيلة او منطقة فلانية واناس تتعثر امورهم لنفس السبب ،

عالاقل الناس برا ماعندهم مدرسين مزاجيين ينجحك بمزاجه ويرسبك بمزاجه بغض النظر عن مستواك الحقيقي .

وعلى فكرة
خيارات التصويت غير منطقيين ابد

يعني كأنك تقول تصير شرير ولا غير شرير فاالخيار الثاني اكيد الكل بيختاره

يقول الله تعالى :
( ولعبد مؤمن خير من مشرك ولو اعجبكم )
وقال ايضاً ( وإن يقولوا تسمع لقولهم كأنهم خشب مسندة)
فأوصيكم أخواني وأخواتي بعدم الأفتتان بأخلاقهم وتوددهم لكم ولو كان بيدهم لشردوا بكم من خلفكم ولقاتلوكم ولكنهم ........
يقول الله عزوجل ( ولن ترضى عنك اليهود والنصارى حتى تتبع ملتهم )
ويقول أيضاً ( لتجدن اشد الناس عداوة للذين أمنو اليهود والذين اشركوا )
فهم وإن تحببوا إلينا ومالوا الينا يبقى الخبث في داخلهم ولكم سمعنا قصص يندى لها الجبين عن أولئك اليهود وكيف تعاملوا مع شباب مبتعثين أمثالكم ..
والله ولي التوفيق