قصة ابتعاثي من الالف الى الياء

March 24th, 2009, 07:52 AM

بسم الله الرحمن الرحيم
السلام عليكم ورحمة الله وبركاته
طبعا هذه قصة ابتعاثي من الالف الى الياء
طبعا انا ابكتب بالعامية لا تفهمون غلط انا خريج لغة عربية وراح ادرس ماستر كيمياء وانا احب الفيزياء طبعا بدينا باللخبطة مو مهم بتفهمون عليه

المرحلة الاولى :وهي التقديم والانتظار

طبعا اول شيء قمت به هو التقديم عن طريق النت بعد الاعلان في الجرايد , قدمنا مع الناس وجلسنا فترة ما يقارب 3 اشهر يقال انها فترة الفرز ( طبعا قدمة في شهر 7 وطلعت الاسماء في اواخر شهر 8) وبعدين قدمت اوراقي في ردسون ساس وفي اواخر شهر 10 طلعت الاسماء في الجرايد في جريدة المدينة ( لا تقولون يسوي دعااية )

المرحلة الثانية : وهي تقديم الاوراق
طبعا اذا طلع اسمك ترسل الوزارة ايميل على البريد المهم ارسلت الوزارة بريد عليه وفيه موعد تقديم الاوراق وانا من سكان جدة قدمة الاوراق يوم الاحد في فندق (اسمه ريدسون ساس )
سلمت الاوراق المطلوبة مني وهي( صورة طبق الاصل من الشهادة ومن كشف الدرجات ومن البطاقة من الجواز , وفيه نموذج يعطونك ايها انت تعبيه ) سلمت الاوراق وخرجت من الفندق


المرحلة الثالثة : صدور الاسماء في الجرايد
طلع اسمي في الجريدة والدولة اللي انا مبتعث اليها وهي استراليا عند الكنغر وارسلت الوزارة عليه ايميل فيه موعد المحاضراات اللي في فندق مرديان تقاطع التحليه مع المدينة وكان في شهر الحج مزبوط الكلام هالحين المهم الله يطو في اعماركم حضرت المحاظرة ويااهي غثا من الدكاترة للي يقولون المحاظرة ولا من الاسئلة حقت البنات ( مع احترامي لهم ) طبعا خلص هذا اليوم وكان موعد المحاظرة من الساعة 3 ونص الى 10 مساء كان يوم جمعة وطبعا يوم السبت موعد المحاظرة الثانية وتوزيع القبولات طبعا انا ما جاني القبول حقي في الملتقى وقلت في نفسي
لا والله ما انقبلت وجلست اسب في الوزارة وبعدين قالوا للي ما جاه القبول ينتظر بيجيه

المرحلة الرابعة : مطاردة القبول من مكتب الوكالة
طبعا انا ما اقول الا حسبي الله ونعم الوكيل على هذا المكتب وعلى شادي اللي مسوي محترم وهو اكبر نصاب اتصلت على المكتب وسئلتهم عن قبولي قال انت قبولك مو عندنا ممكن يكون عند مكتب ثاني وبحكم ان مكتب ايجكت قريب رحت وسئلته وقال قبولك مو عندنا طبعا واحد من الشباب اتصل على مكتب الوكالة وقالوله ان قبولك وصل (وخليت صاحبي يسئلهم عن اسمي وقالو موجود عندنا ) طيب قليل الحياء والمروة ليه ما قال ان قبولك وصل وش بيخسر اذا اخرني لا
وفوق هذا موعد بدء الدراسة يوم 12 / 1 /2009 واقول ما بقي على الدراسة غير اسبوعين (يقول شادي عادي اصلا الفيزا ماتاخذ اكثر من 10 ايام والله انه كذاب ونصاب )

المرحلة الخامسة : وصول القبول والتقديم على الفيزا
طبعا ارسل عليه القبول على الايميل وبدأت اجراءت االفيزا سويت الكشف الطبي وقدمت على الفيزا من مكتب ارمكس (وهذا المكتب يقول بتجلس من 15 الى 20 يوم )
طبعا جلست مع الشباب اللي ينتظرون الفيزا والحمد لله طلعت الفيزا بعد 28 يوم
ملاحظة (واحد من الشباب قدم على الفيزا قبل لي ب4 ايام عن طريق الوكالة وانا قدمت عن طريق ارمكس صدرت فيزتي قبله ب3 اسابيع مع ان شادي يقول احنا بنجيبها في اسرع وقت وان شاء الله بالكثير 10 ايام والله انه كذاب )

المرحلة السادسة : الذهاب الى الوزارة
جات الفيزا وذهبت الى الوزارة في الرياض وقدمت اوراقي وقال الموظف اللي اخذ اوراقي وين ختم المكتب واروح اختم الاوراق وارجع للموظف واعطيه اوراقي ماقصر بعد صلاة الظهر اخذت قرار الابتعاث (لا تنسون في اوراق يطلبونها منكم صورة من الجواز صورة من الفيزا صورة من الشهادة وكشف الدرجات طبق الاصل والقبولات طبعا فيه ورقة تعبيها عندهم ) اخذت القرار وقدمت على امر الاركاب طبعا في نفس الوزارة وجلس حدود 7 دقائق ورحت لمكتب الطيار واصدرت التذاكر (طبعا الموظف خيرني على اي خطوط ابغى اقلع ) واخترت الاماراتيه

المرحلة السابعة : البحث عن سكن
والله اني ما قصرت كتبت في هالمنتديات ابي سكن ( ابحث عن سكن , اهل الفزعه . ......الخ )
وما قصررو الشباب والله اني ما اظلمهم في منتدى نادي الطلاب السعوديين ببرزبن
اني غثيتهم اللين جابوا لي سكن والحمد لله عند عائلة كويسه

المرحلة الثامنة : وهي الاخيرة وصولي وفتح حساب وشريحة
طبعا مثل ما علمتكم اللي حصل معي في الرحلة وصلت المطار لقيت شباب شرواااكم سعوديين
استقبلوني في المطار ووزعوا علينا مثل الشنط فيها خرائط لبرزبن وبطائق جوال يعني فكوني من حكاية اني ادور على الشركة واروح اطلع رقم جاااني جاهز وفعلوه لي الشباب ما قصرو والله يعطيهم العافية ويمدهم بالصحة وبعدين ودوني عند العائلة ( كهلة او عجيز ما عندها سنون وتسوق سيارة فلللله)
هههههه
طبعا انا جيت يوم اجازة وهو السبت والاحد نوم والاثنين رحت ادورعلى البنك ابي افتح حساب
والحمد لله خلصت والثلاثاء اللي هو اليوم رحت الى الجامعة والله انها كبيرة وحلوووووووة مرة
تقول انها من التراث لو بس يحطونها في الجنادرية وقابلة الاستقبال وقالو لي الثلاثاء القادم نتصل عليك لان المعهد عندهم زحمة وفي شباب رحوا امس وقالو يمكن المعهد يتأجل الى شهر 5 والله انهم يبطون اني ااجل الدراسة

هذه علومي وسلامتكم
واعذروني على التقصير ان كان حصل مني تقصير والله يوفقكم جميعا
وانا في خدمتكم لا يردك الا الكيبورد مثل مايقولون الشباب

• نشر عبر تويتر
• نشر عبر فيسبوك
• نشر عبر جوجل