South Wales Boys & Girls pls Help

UPPPPPPPPPPPPPPPPPPPPPPPPPP

وعليكم السلام ورحمة الله وبركاته

هلا فيك أخوي .. الله يكتب لك الخير و يوفقك في دراستك

بالنسبة للجامعة بما اني أدرس حاليا ً فيها بس في تخصص غير اللي انت سألت عنه ..

الجامعة ممتازة وتصنيفها بالنسبة لجامعات استراليا عموما ممتاز وعالميا تعتبر من الجامعات المعتبرة

المدينة اللي فيها الجامعة ( سيدني ) مدينة رائعة والشعب ودود بس بصراحة ما أقدر أقارنها مع شيكاغو بما اني ولا مرة رحت أمريكا

بالنسبة لتخصص الـ IT في النيو ساوث ويلز أعرف واحد كان يدرس الماستر فيها وحول لجامعة مكواري ويقول الجامعة صعبة بسبب بعض المواد اللي ما كان عنده خلفية جيدة عنها

أتوقع ان المادة اللي كانت صعبة عليه البرمجة

وفيه بعد واحد أعرفه يدرس في نفس التخصص حاليا ً في النيو ساوث ويلز بس الحين فترة اختبارات فإذا ودك تاخذ معلومات منه عن التخصص بخليك تتواصل معه بس بعد 3أسابيع تقريبا

يكون فيها خلص اختبارات وروق

أتمنى أكون قدرت أفيدك لو بشي بسيط .. ولو عندك أي استفسارات ثانية لا يردك إلا الكيبورد

وبالتوفيق لك مرة ثانية والله يكتب لك اللي فيه الخير

نسلم اخوي ابو محمد

بعد اذن صاحب الموضوع بس عندي سؤال لأبو محمد وماقدر استخدم الرسائل الخاصه أو رسائل الزوار ..

السلام عليكم ,
أخوي بما إنك في جامعة UNSW بسألك كم سؤال ..
حبيت اسألك بخصوص السكن إيش أفضل مكان تسكن فيه ؟ , يعني يكون نوعاً ما قريب من الجامعه أو في باصات تودي للجامعه من جهته وسعره كويس .. أفضل يكون استيديو شخص واحد ,
شكراً مقدماً ,

الله يسلمك أخوي ( Chicago - lover )

على فكره ترا رديت على رسالتك الخاصة بس ما أدري إذا وصلتك ولا لا .. لأني أشيك عندي ولا ألقى رسالة صادرة ؟

على العموم للأسف ما أعرف أحد في التخصص اللي سألتني عنه وإن شاء الله بسأل اللي أعرفهم ولو لقيت أحد في تخصصك بخليه يتواصل معك .

وعليكم السلام ورحمة الله وبركاته

هلا فيك أخوي ( BarcaKid )

بالنسبة للسكن يعتمد إذا انت لحالك ولا مع عائلة

إذا لحالك سكن الجامعة أعتبره الأفضل بالنسبة لك وأريحلك بس انت وحظك تلقا فيه ولا لا بس أتوقع لو يتجي قريب بتلقا طلاب كثيرين طالعين فيمديك تسكن مكانهم

لو ما تيسرلك سكن الجامعة عااادي لا تشيل هم بتقدر تدبر نفسك في سكن قريب من الجامعة والباصات متوفرة بشكل ممتاز فلا تشيل هم هالموضوع .

إذا انت مع عائلة .. أحسن سكن بالنسبة لك أتوقع المجمعات الكبيرة مثل الباسفك سكوير والساوث بوينت وكابيلا ...

أنا الحين ساكن في الباسفك سكوير وعن نفسي أعتبره الأفضل لأسباب كثيرة منها توفر الباصات بشكل كبييير وتوفر كل الخدماااات اللي يحتاجها الشخص وفيه موضوع لي تقدر تشوف فيه التفاصيل

والأحلى أن المجمع آمن وملياااان سعوديين

على العموم انت توكل على الله وربي بيسرها لك إن شاء الله .. والله يوفقك وييسر أمورك