سؤوال بخصوص معهد جامهة فكتوريا للأخ أحمد الجهني

اخي الكريم انا بعطيك نصيحة وانت بكيفك

هالحين انت رايح على حسابك ؟ يعني لو لا قدر الله ماضموك للبعثة يمكن تكمل ويمكن ترجع السعودية

عشان كذا انصحك بالاتي

خذ لك قبول في معهد خاص قوي لمدة 6 شهور وأسس نفسك في اللغة صح وبعد الستة اشهر عندك خيارين
الاول : ياتدرس في معهد فكتوريا وهذاك الوقت تكون لغتك قوية وتدخل ليفيل متقدم ويمديك تعدي الليفيل المطلوب عندهم عشان تخش الجامعة لان اغلب معاهد الجامعات ماهي قوية في تأسيس اللغة للطالب الغير ناطق باللغة الانجليزية

الثاني : انك ترجع السعودية وما تكمل وهذاك الوقت تكون لغتك ممتازة واستفدت من هالستة شهور الاولى وصارت عندك لغة من معهد قوي وتقدر تفيدك بطلبك لاي وظيفة في السعودية

طبعا اخوي مو شرط اقول لك معهد خاص تكون في مالبورن ، مثلا خلها في القولد كوست ولا بريزبن لانها ارخص عليك المعاهد الخاصة هناك والعوائل ايضا ارخص لك
وغير كذا الاجواء هناك احلى في الشتاء يعني اجمل مناظر في استراليا هي في ولاية كوينزلاند اللي فيها القولد كوست وبريزبن ولا بينها الا 60 كيلو ...

هذا نصيحتي لك وكلامي مجرد وجهة نظر من واقع تجربة وواقع خبرة

هلا وسهلا اخوي

بالنسبة لمدة الدراسة وكم يطلب منك معهد اللغة عادة هي اما تكون مستويات الجنرال فقط اذا كنت تدخل على اول سنة دبلوما ومن ثم تدخل من خلال الدبلوما على البكالريوس مثال انا ادرس بكالريوس محاسبة حالياً انا في آخر مستوى باللغة في الجنرال وراح أبدأ بشهر 7 الجامعة اول سنة دبلوما وبعيدين سنتين تخصص محاسبة المجموع كله 3سنوات،،، وممكن يطلبوا منك اول مستى اكاديمي اللي هو اسمه up2 ،،،الدوام بالفعل من الساعة 9 الى 4 لكن في ساعتين بريك منفصلة كل بريك ساعة وبالنسبة لي مااشوف انه مشكلة الدوام لية اشوفه كويس،،، وانا انصحك اخوي مادامك بالسعودية زور احد مكاتب الـidp وتاخذ منهم كل شئ وكل استفساراتك وحتى القبولات مجاناً من عندهم وبالنسبة للهندسة شوف ممكن سوينبرن افضل من فكتوريا واسأل عن هذه النقطة في المكتب ومن خلال هذا الرابط اختار المدينة اللي انت فيها ودق عليهم او مرهم المكتب أفضل
IDP Middle East, Dubai, UAE

واذا في اي استفسار آخر اتفضل وياريت لو ماريدت ترسله لي رسالة خاصة لأنه ممكن أنسى لا سمح الله....

اخوي احمد الجهني

السلام عليكم

كورس اللغة عندي كان من المفترض انه يبدأ في 27 /5 وطلبت تاجيله الى
27/6 بواسطة رسالة للجامعة هل هذا الاجراء يكفي ام هناك خطوات اخرى يجب
ان اقوم بها خصوصا انني قادم في 17/6 ارجو الرد وشكراللك

وما هو افضل موقع للسكن الموقت بجوار معهد الجامعة

وعليكم السلام

بصراحة لا اعطيك علم مؤكد ولكن هل هم ارسلوا لك الرد بالموافقة على ذلك أم لا وافضل لك ارجع تواصل معاهم وتأكد منهم من كل شئ ،،،بالنسبة للسكن تم طرح الاجابة في موضوعك اللي انت طرحته

لك تحيتي...