استفسار عن ادليد

وينكم ياشباب ادليد

أبو الغلا انا خلصت اوراقي وشغلي ^^ ودراستي شهر 10 ^^

وانا الي اعرف عن الديره واعرف ناس فيها ولا قد صيفوا فيها

هي ارخص مدينه في استراليا وارخص من سدني وبرزبن وملبورن بواجد

وعلى الجامعه انا جامعتي "فلندرز" كنت ابي ادليد بس ماجاني قبول ولا رد لي الحين 4 شهور -__-

بس الي سمعته انه من اقوى المعاهد على مستوى استراليا والجامعه ماعليها غبار اكيد معروفه ^^

بنسبه للشقق إنشاء الله إن رحت بردلك ^^


أنتظر لين يجي "الوافي" يعلمك عن الشقق (رجال مايقصر مع أحد)


أتمنى إني أفدتك ^^

يعطيك العافيه اخوي المشكله شرط التحويل محددين 8 جامعات من ضمنها جامعة ادليد بس الي سمعته انا جامعة ادليد معقده في التعامل وكثير حولوا منها وراحوا فلندرز والقبول يطول فيها كم يقعد قبولهم والي عنده طريقه اخذ القبول بسرعه يرد ياليت لاني رجال مستعجل

والله وانا اخوك شوف ما فيه شيء اسمه جامعه معقده ولا صعبه
انت متغرب عشان تدرس ولو الواحد حط اي شيء براسه والله العظيم إن يسويه

وبنسبه للجامعه أغلب الناس تمدحها في قوتها
ونظام المعهد الي سمعته انه افضل من "فلندرز" لان فلندرز مفصول يعني (السنيج)و(الجرمر)و(رايتنج)
مفصله يعني كل واحده بحصه
بس معهد ادليد يتبع طريقه جديده وهي يخلط كل شيء مع بعض وعلى الي سمعته انه افضل

وبنسبه للقبول ردد ياليل طولك ^^ >>>انا عن نفسي قدمت اوراقي بالضبط تاريخ 16/1/2009
وماجاني شي وقبل شهر قدمت على فلندرز اسبوعين وجابوه
بس انا بكلوريس مدري عنك أنت يعني ^^



وبتوفيق ^^

انا معي دبلوم وبكمل البكالوريس المشكله الملحقيه حددت لي بس جامعة ادليد في مدينة ادليد كلمتهم عن فلندرز ورفضوا ياليت الاخوان طلاب جامعة ادليد يردون عن المدة المتوقعه للقبول

ابو غلا .. حياكـ الله حبيبي ..

معاهد اللغة بأديليد اللي معروفة اربعة معاهد ..!
1/ معهد IELI وهو بجامعة فلندرز وهو معهد خاص ومعتمد من الجامعة
2/ معهد أنسبري بالستي وهو معهد جامعة فلندرز التابع لها اي حكومي واكيد بيصير معتمد
3/ معهد برادفورد معهد جامعة أدليد وهو بنفس الجامعة على ما أظن بالستي ..
4/ معهد كلوسا بجامعة جنوب أستراليا ..

وفيه معاهد تجارية بس لاينصح بها ..

النظام يختلف من معهد الى معهد لكن المعروف للجميع بأن معهد IELI هو أقواها وأفضلها تأسيس للطلاب والحق يقال الواحد جاي يتعلم يعني مستعد للتعب والتعب مع هالمعهد شعارهم الواجبات اليومية والأختبارت كل اسبوع ..
وهو من صالح الطالب والحمد لله انا مرتاح والكثير من الشباب هنا يدرسون ومرتاحين ..
يوجد شباب حولوا للمعهد الحكومي انسبري وهي امور راجعه لهم لأنفسهم .. اما لا يريدون ضغط الدراسة او ممكن مايبون الأجازات الكثيرة .. او طريقة التدريس بنظرهم لاتناسبهم ..
لكن الواحد لايحكم من كلام غيره ربما لكل شخص طريقة بالفهم ..

وانت مدامكـ أجبروكـ على جامعة ادليد فلديكـ معهدين بأمكانكـ الدرساة فيهم برادفورد و IELI وياليت الأخوان يصححون لي المعلومة .. لأني سمعت بأن IELI معتمد لجامعة أدليد كذلكـ ..

وبالنسبة للشقق ما انصحكـ فيها فهي غالية ولاتناسب العوائل فالبيوت الآن أجارها بسعر ايجار الشقة .. وغالباُ البيوت تتكون من غرفتين او ثلاث غرف وصالة ودورتين مياه او دورة واحدة ولك الكرامة ومطبخ وكراج للسيارة .. وشاور اللي ساكنين بشقة او بيت والله ييسر لك الصالح يارب ..

والمكافأة تكفي الحمد لله وزود للي بيعرف يصرف ويدبر فلوسه وخصوصاً ان الديرة رخيصة مقارنة بغيره ..
وانت معكـ زوجة وطفلين يبي يعطونكـ 5567.18 دولار .. دبرها على كيفكـ
واذا كانت زوجتك بتدرس وتلحق بالبعثة لها مكافأة خاصة 3052.49 دولار وهي مكافأة الطالب المبتعث ..

والله التحويل ماعندي فكرة عنه اخوي بس اهم شي موافقة الملحقية مدام عطوكـ الضوء الأخضر للتحويل الحمد لله خلاص هاذي اكبر عقبة ..
ويبقى لك احضار القبول من جامعة أدليد واستخراج الفيزا ..

والله نظام السنة هذا سمعت عنه بأكثر الجامعات بأستراليا لطلاب البكالوريوس والظاهر اسمه الفاندويشن على ما أظن .. واللي فهمت انه اجباري وضروري ..

والله يسهل عليك اخوي ويوفقكـ ..

يعطيك العافيه اخوي ماقصرت بس كم ياخذ القبول في جامعة ادليد من وقت سمعت انه يطول مررررره فوق اربع اشهر صحيح اخوي

اخوي ابو غلا بالنسبة لتأخر القبول فهو غير ثابت للجميع اي كل شخص تختلف مدة قبوله عن الآخر :
مثلاً :

الجامعة تسرع بقبول من ترى سجله الأكاديمي ممتاز وتخصصه قوي ومطلوب ..
وتتأخر لمن معدله متوسط وذلك لدراسة سجله الأكاديمي جيداً قبل ارسال القبول ..

لأن معروف جامعة أدليد من Group 8 بأستراليا ويهمها كثيراً مستوى الطلاب الدارسين لديها ..

وأسئل الله لك التوفيق وان يعجل بقبولكـ .. ولكن لا مانع من أزعاجهمـ بكثرة الأيميلات فهم لايتذمرون بل يتبين لهم شدة حرصكـ ..!

فعليكـ بهم

يعطيك العافيه اخوي