الجمع بين الاجازه العادية والدراسيه

حياك الله أخوي ابا ريان،

نظاما زي ما تفضلت حسب لوائح الخدمة المدنية وضع الإجازتين لاغبار عليه (كإجازة)، لكن لأئحة الإبتعاث تشترط الحصول على إجازة "دراسية" للموظف الراغب في الدراسة فممكن إذا حبوا يمشون عليك النظام (لأنه للأسف يمشي على ناس و ناس لأ) يرفضون قبولها و يرفضون حتى يفتحون لك ملف في الملحقية.

النقطة الثانية من أهم شروط طلب الإلحاق بالبعثة (على حساب وزارة التعليم العالي و ليس على حساب جهة عملك) إنك ما تكون موظف حكومي (حتى لو كنت في إجازة إستثنائية دراسية)، و فيه موظفين درسوا على حسابهم و تم إلحاقهم بالبعثة على حساب وزارة التعليم العالي بطريقة من أثنين (الطرق الي أعرفهم قد يكون فيه طرق أخرى) ألأولى الواسطة و الثانية عدم الإفصاح للملحقية بأنهم موظفين و كل الطريقتين لها تبعاتها لو أكتشفوا إنك موظف (حتى بعد ما تنهي الدراسة) و الأسبوع الماضي رئيس قسم في الملحقية أعرفه معرفة شخصية نقل لي قصة أحد الموظفين كان يدرس هنا في بريطانيا و ألحق بالبعثة بعد ما أنهى اللغة و في نهاية دراسته أكتشفوا أنه موظف و بالرغم من أنه أنهى دراسته و رجع لعمله في السعودية يستقطع من راتبه شهريا (عن طريق جهة عمله) سداد كل ما دفعته له وزارة التعليم العالي من مستحقات و رسوم دراسية.

كثير يستهونون بالموضوع و يعتقدون أن أمورهم راح تمشي بسهوله بناء على تجارب سمعوا عنها عن موظفين ألحقوا بالبعثة على حساب وزارة التعليم العالي، بس أنا لو كنت مكانك أفكر في الموضوع من جميع النواحي و أحاول على قد ما أقدر في الإبتعاث عن طريق جهة العمل.

موفق،،،

مشكور اخوي د علي الاجابه فعلا مادمر وبيدمر هلبلد الا هالواسطات والعنصرية بين ابناء هذا البلد الشريف .. وبغيت انوه للنقطه الثانية الي كتبتها .. ما احد ذكر ان الموظف الحكومي ماينضم اذا احضر اجازة دراسية الا انت .. الوزارة تقول ينضم حتى انهم ذاكرينها في موقعهم ومذكوره بعد في موقع الملحقيه .. فآمل عدم تضليل اخوانك الذين لديهم الرغبه في مواصلة دراستهم ولم تتسنى لهم الفرصة عن طريق عملهم ..

يحق لك بس اتوقع امريكا بس بريطانيا مايقدر ينظم

يا دكتور علي ... ايش اللي يستهينون او مايفصحون للوزارة انهم موظفين وعلى اي اساس يقدم اجازة دراسية وهو ماقال انه موظف وبعدين كيف ما يقول؟؟؟؟ ليه ما عنده رقم هوية وطنية يعرفون من خلالها كل شي ..... صورت الناس مستغفلين وزارة التعليم العالي

وبعدين لو تشوف شروط الوزارة من قبل لاتدخل انت هالمنتدى وهو من شروط الالحاق بالبعثة للموظف ان يحضر ما يثبت موافقة جهة عملة وذلك بتقديم اجازة بدون راتب سواء استثنائية او يقدم اجازة دراسية والحين تجي تقول واسطة وتجارب البعض طيب لو ماثبت الخطا والصواب من تجارب الاخرين كيف بنوصل للمعلومة ونتاكد منها

او الوزارة ما تدري لا والله نايمة الوزارة ما عندها اوراق ثبوتية للدارسين في الخارج ولا كيف

مادري ليه تحاول تحبط الناس قول خيرا او اصمت .... من شروط الوزارة وتجارب الاخرين ثيت ان كلامك ليس فيه شي من الصواب

- - - مشاركة محدثة - - -

يا دكتور علي ... ايش اللي يستهينون او مايفصحون للوزارة انهم موظفين وعلى اي اساس يقدم اجازة دراسية وهو ماقال انه موظف وبعدين كيف ما يقول؟؟؟؟ ليه ما عنده رقم هوية وطنية يعرفون من خلالها كل شي ..... صورت الناس مستغفلين وزارة التعليم العالي

وبعدين لو تشوف شروط الوزارة من قبل لاتدخل انت هالمنتدى وهو من شروط الالحاق بالبعثة للموظف ان يحضر ما يثبت موافقة جهة عملة وذلك بتقديم اجازة بدون راتب سواء استثنائية او يقدم اجازة دراسية والحين تجي تقول واسطة وتجارب البعض طيب لو ماثبت الخطا والصواب من تجارب الاخرين كيف بنوصل للمعلومة ونتاكد منها

او الوزارة ما تدري لا والله نايمة الوزارة ما عندها اوراق ثبوتية للدارسين في الخارج ولا كيف

مادري ليه تحاول تحبط الناس قول خيرا او اصمت .... من شروط الوزارة وتجارب الاخرين ثيت ان كلامك ليس فيه شي من الصواب

يا خوان لا تستعجلوا بالحكم على اخونا الدكتور علي .... يمكن قصده ان النظام ما يطبق حتى لو تجيب اجازه دراسية ..وللاسف هذا الحاصل في بلادنا الغاليه اغلب الانظمه ما تطبق الا بالواسطه وانت هنا فما بالك وانت في بلد الغربه .

انا كنت ناوي اخذ اجازة دراسية واكمل دراستي بحيث انضم للبعثه لان عندي ما يثبت حصولي على اجازه دراسية من جهة عملي وهذه احد شروط الانضمام للبعثه .. بس شلت هالفكره من راسي نهائيا , ولي الان اكثر من سنتين من يوم بدأت اجراءات معاملتي عشان اقدر ابتعث عن طريق جهة عملي بحيث يكون وضعي مضمون

طبعا اللي خلاني اشيل فكرة الاجازة الدارسية من راسي ,, صديق لي في العمل ( نفس الادارة والتخصص ) اخذ اجازه دراسية وراح على حسابه الخاص لبريطانيا وجامعه معتمده ولم تضمه الملحقيه والحمدالله ان وضعه المادي كويس ولا كان قطع دراسته ورجع

ممكن البعض يقول بريطانيا موقفه بس اعتقد انها موقفه لطلاب برنامج خادم الحرمين والله اعلم

عشان كذا خفت اخوض التجربه وقلت ابتعث عن طريق عملي وافتك من القروشه ووجع الراس

وابشركم المعامله الان في وزارة الخدمة

الله يسهل امري وامركم

طيب هي موقفة لطلاب بعثة خادم الحرمين الشريفين ودام انا بطلب ضم للبعثة على حساب خادم الحرمين الشريفين مو ابغى اصير مثلي مثل طالب مبتعث
وحتى اللي مو موظفين وعلى حسابهم الخاص ما يتم الحاقهم لان الالحاق فيها اصلا موقوف وانت تريد انضمام لتعامل معاملة مبتعث بعثة خادم الحرمين الشريفين فاكيد راح ينطبق عليك اللي ينطبق عليهم
موقف عليهم فاكيد موقوف عليك وعلى غيرك ليه طلاب امريكا وكندا يتم ضمهم وماعندهم مشاكل

بيض الله وجهك يا اختي العزيزه leave me alone والله يكثر من امثالك .. اتمنى من الاخوان عدم الجواب على الاستفسارات من دون التيقن من الاجابه الصحيحه .. والصكوت يكون الافضل من التضليل ..

نبي من اهل الخبرة افادتي عن سؤالي الرئيسي الي هو الجمع بين الاجازتين .. والدال على الخير كفاعله ..

اخوي ابو ريان ووجهك ابيض

والله يوفقك ...

بالنسبة للاجازة تقصد ان عندك اجازة استثنائي وبتطلب اجازة دراسية ؟؟؟

او تقصد عندك استثنائية وبتحولها دراسية

او تقصد انك تبي تاخذ اجازتين مره وحدة ؟؟

وضح اكثر الله يجزاك خير عشان نفهم ونستفيد ونحاول نبحث معك ونساعدك ونساعد انفسنا

اذا كان قصدك بتحول من اجازة استثنائية لدراسية ترى ماعندك اي مشكله قدم قبول جامعي وباقي الطلبات وابشر بالاجازة الدراسية .. اذا كان غير كذا ياليت تفهمنا

بالتوفيق لك