تونا واصلين !! إلى كرايس تشيرج

معليش عن تأخري على الرد للجميع الردود وذالك بسبب الأرهاق الذي عانيته من الرحله ( مسوي اتكلم لغه عربيه)
والله يا اخوان من التعب ضربتلكم نوووومــه يحبها قلوبكم لا وبعد الجو في كرابس يعطيك ،،،
يعني يخليك غصب تنام ولا ودك تقووووم ،،،،،،

واحد من العيال
مبارك الحربي
الدراسه فراسه
ابو حمد2
العنزي
الماسي
نجمة الفجر
ابو غلااا

جميعكم الله يسلمك وما قصرتو على الردود الحلوه ويكفي بس انكم تحمدُ لنا بالسلامه
الله يوفق الجميع وعسى الله يفتحلنا ابواب رزقه

شباب انا السراحه معي خاشع على الجوال ومافيه الى توقيت هاميلتون وهاميلتون ستي
هل توقيتهم واحد للمواعيد اذان الصلاه ام يختلف ؟؟
واذا كان يختلف !! ممكن منكم تحطون لي مواعيد الأذان من الفجر للين العشاء طبعن بتوقيت كرايس ؟؟؟

شاكر ومقدر حبايبي

اخي شقاوي حب مساء الخير
احمد الله العلي القدير على سلامتك انت ومن معك في الرحله
والنادي السعودي يرحب بكم جميعا
واي خدمه نحن تحت امرك 02102199909

تحياتي لك

الله يسلمك حبيب قلبي ،،،
بعدين تعال بسألك وش هذا الخنزير ؟؟ لا يكون قصدك (pig) مسوي اعرف انجليزي

اول ما وصلت وقبل لا انام تغديت مع العايله الزبده اشوف اشياء غريبه على الصحون واخونا في الله ما وده ياكلها تصير خنزير ولا لحم كلاب الله يعزكم ،،،
وعاد بالغداء خذلك ضرب بالطماط والخيار والزيتون والجبن ( هذا الي عرفته على الطاوله) وانا بقلبي اقول طلع فطور ذا مهب غدا ،،، يعني غاشين ام امي ( برجع للمعهد وأفقع أم وجهه)
الزبده عاد يسألني الشايب على الغدا هل انت تحب تاكل باق ( يعني خنزير) وانا طبعن ما فهمت وش يبي وقلتله أقين ورجع وقالي السؤال !! اخوكم في الله احسبه يقول معك بوك لأننا قبل كنا نتكلم عن الفلوس الي معي ويقولي لا تشيل في جيبك مبلغ كثير ،،، فعاد انا قمت وطلعت له البوك ( المحفظه) تعرف النطق كلمت باق وهو يقولها قريبه من بوك الشايب يحسبني ابحاسب على الأكل وقالي نو نو قلتله لا ما والله تدفع على الحساب(امزح) قلتله انا هل قصدك هذا؟؟ قلي نو نو وقام ابو الشباب وراح وجاب صور كثيره وبدا يوريني هل تاكل هذا ويوريني الصوره ؟؟ وبدا يوريني الصور وراني سمكه وقالي تحب تاكل هذا قلتله نعم ووراني دجاج وغنم وجينا للمهم قام ووراني صوره خنزير وقالي هذا PIGتحب تاكله ؟؟ قلتله هنا عاد وتوي افهم وش تبي !!! وبيني وبينكم حسيت اني كنت في وادي وكان يتكلم في وادي !!!
وهذي قصتي يا شباب مع الخنزير قصدي (الـ PIG ) باركولي اول كلمه حفظتها من العايله باااااق ،،،

الحمدلله على السلامة
ايش صار معك في المطار من ناحية الفيزا بالتفصيل الممل الله يرحم واالديك؟
تحياتي

انا ياطويل العمر ما معي فيزا

فكنت ما شي بشكل نظامي حاجز تذكره وطالب الرجوع بعد ثلاث شهور

فيوم جيت للمطار سألتني انت كم راح تجلس في نيوزيلندا قلتلها ثلاث شهور قالتلي وش راح تسوي قلتلها راح ادرس انجليزي في معهد وقالتلي وين راح تسكن ووريتها عنوان العيله
وطبعن شافو الحجز الي معي عشان يتأكدون من موعد الرجوع ؟؟
وبس

وقالولي ادخل الديره طال عمرك وقدمت رجلي اليمين وقلت بسم الله توكلت على الله

مشكور الله يوفقك
وبالتوفيق

الحمد الله على السلامة يا غالي .. وإذا محتاح خدمة ولا حاجة .. ترى كلنا أخوانك ..

وأضحك الله سنك على سالفتك مع الشايب ..,

الحمد لله على السلامه

اخوي شقاوي الحب

كيف الجو عندك وعطنى اخبار المعهد اول باول واخبار كريست تشيرج

بالله من وين حجزت للمعهد وكيف الاسعار للتكلفه لمدة 3 اشهر

الله يردك بالسلامه وجميع اخوان المسلمين
اااااااااااااااااممممممممممممممممممييييين

المعهد يا اخوي حجزته عن طريق واحد من الجماعه
حسبلي اربع اسابيع شامل كل شي مع فل تايم 2250 دولار نيوزيلندي

شباب أنا ودي استفسر انا حاجز تذكرة لمدة ست اشهر ولا معي فيزا
وطبعا المسموح لي ثلاث اشهر بدون فيزا
هل راح يصير فيها تدقيق المسألة هذي (اقصد يدققون على التذاكر إلى أنا حاجزها ) ؟
ارجو الأجابة على استفساري حتى يمديني أعدل تاريخ العودة
افيدونا جزاكم الله خير