مهلة اسبوعين او يضفوني على اقرب طيارة للسعودية

السلام عليكم ورحمة الله وبركاته

ياشينها لاصرت متحمس للدراسة واول ماتجي تصير عطله ٣ ايام


نرجع للمشكلة

انا طبعا معي قبول معهد CCEL لمدة ست شهور وحاليا موجود بكرايستشيرج يعني ببدا ادرس بعد كم يوم ، لاكن وانا جاي يد ورى ويد قدام اسحب شنطتي بالمطار لامعي فيزا ولا شي وقفون بالمطار يمكن حوالى ١٠ دقايق قالت المسؤولة معك اسبوعين تجيب الفيزا او تسفر بااقرب رحلة حتى كتبوا على جوازي بالختم ١٧ ابريل يعني آخر مهلة .


الحين وش العمل متوهق وش الاوراق المطلوبة للفيزا عشان ادبرها قبل الاسبوعين والله يستر ان رجعوني يمكن يصيبني شد عضلي بمخي ( بسم الله على )


هل الاسبوعين كافية لاستخراج الفيزا ؟
وهل اذا كملت اوراقي وانتظرت الفيزا وخلصت الاسبوعين يسفررروني ؟

احد مر بمثل هالحالة !


بالانتظار

مع اي مكتب جيت؟؟؟

لامكتب ولا شي

شف هالموضوع وتعرف شلون جيت

http://www.mbt3th.us/vb/forum121/thread170922.html

آمرك غريب

مالك الا تكلم المعهد ~ هو اللي يبي يدبر وضعك

ولاتشيل هم سهاله ان شاء الله

ادري ابكلم المعهد مانيب حاط رجل على رجل ، لاكن قلت يمكن احد عند حل كويس ويمشي الوضع .

والله مشكلة الله يسهل اموركم

انت كم مدة تذكرتك (العودة متى)

انا بجي هالاسبوع وش اقولهم

دراسة ولا سياحة ؟

اخوي الموضوع ابسط من انك تتصور

عادي جدا انا صار معي شبيه لك دخلت نيوزلندا بتاريخ ١٥ ديسمبر وفيزتي تنتهي ب ١٧ ديسمبر يعني بعد يومين من دخولي

قالو لي جددي بسرعه

رحت الجوازات عبيت ابليكيشن طلب فيزا ورميتها بصندوق طلب الفيز اللي في الجوازات

كلموني اخذوا مني رقم بطاقة الفيزا (اما ان صار علي غرامة تاخير او انها قيمة التجديد) المهم سحبو مني مبلغ بحدود ١٣٠ دولار وجددوا لي الفيزه.

يعني اسبوعين مو كافيه بس انا كمان قالو لي اسبوعين علما باني انتظرت تقريبا حوالي شهر الى ما ارسلو لي فيزنا على البريد.

لا تقلق اخوي الامر بسيط ماحد بيقضبك الباب اذا انت طلبت الفيزا بدري.

لكن الغريبه : انت ماختمت فيزة سائح ٣ شهور؟؟؟

اقتباس:

---

المشاركة الأصلية كتبت بواسطة نجمة الفجر

اخوي الموضوع ابسط من انك تتصور

عادي جدا انا صار معي شبيه لك دخلت نيوزلندا بتاريخ ١٥ ديسمبر وفيزتي تنتهي ب ١٧ ديسمبر يعني بعد يومين من دخولي

قالو لي جددي بسرعه

رحت الجوازات عبيت ابليكيشن طلب فيزا ورميتها بصندوق طلب الفيز اللي في الجوازات

كلموني اخذوا مني رقم بطاقة الفيزا (اما ان صار علي غرامة تاخير او انها قيمة التجديد) المهم سحبو مني مبلغ بحدود ١٣٠ دولار وجددوا لي الفيزه.

يعني اسبوعين مو كافيه بس انا كمان قالو لي اسبوعين علما باني انتظرت تقريبا حوالي شهر الى ما ارسلو لي فيزنا على البريد.

لا تقلق اخوي الامر بسيط ماحد بيقضبك الباب اذا انت طلبت الفيزا بدري.

لكن الغريبه : انت ماختمت فيزة سائح ٣ شهور؟؟؟

---

شفتي شلون هذا الى مخوفني

لايكون مستقعدين لي الله يستر بس

الله يكون بالعون

شاكر لكم المرور

اقتباس:

---

المشاركة الأصلية كتبت بواسطة الهاوس

والله مشكلة الله يسهل اموركم

انت كم مدة تذكرتك (العودة متى)

انا بجي هالاسبوع وش اقولهم

دراسة ولا سياحة ؟

---

مدة تذكرتي ست شهور

تعتمد على مده تذكرتك اذا اقل من ٣ شهور قل سياحة

يعني ماطلعت فيزا ؟

طلع فيزا وفك مخك من القروشة

السلام عليكم..

موضوعك غريب اخوي...

بس اقدر افيدكم من ناحية الفيزه ترى مالها مده محدده والاغلب تطول...

انا معطيني من المطار 3 اشهر فيزه زياره... وعملت الاوراق وكل شي وقدمتهم بنص الشهر الثاني يعني قدمتهم من 22 فبراير والى الان ماطلعت الفيزه تعدت الثلاثه اشهر والى الان ماجاني !! والحمدلله البعض يقولي ماعليك خوف دام انك معطيهم الاوراق وكل شي المشكله من عندهم

انت كل ماعليك اول ماتدخل المعهد على طووووول تعطيهم 200 ريال سوري دولار<< متعود على الريال وتخليهم يقدمون لك على الفيزه وخلاص ماعليك خوف