اختكم من امريكا .. تسألكم عن نيوزلندا ؟؟

التحويل الى نيوزلندا موقف من الوزارة من زمان
والتحويل اساسا ما يتم الا باسباب كافيه ومقنعة جدا للوزارة , مو لأن مليت او ماعجبتني .

اذا قادرة تجيبي قبول نهائي من امريكا وتعدي الجيمات او الجي ار اي انصحك تبقي مكانك.

اذا شفتي نفسك مو قادرة على المتطلبات اطلبي تحويل وشوفي.

التوفل والايلتس عادي كلها مقبوله سواء بامريكا ولا نيوزلندا.

حطي ببالك انك تحتاجي قبول نهائي للتحويل , مو مشروط.


المهم لا تضيعي وقت بعثتك في التنقل واجراءات النقل وغيرها. اشتغلي على القبول عندك بامريكا وبالدول الثانية للاحتياط وشوفي وين الله يكتب لك

خصوصا انك ماستر وزوجك بكالوريوس يعني صعب جدا فترة بعثتك تكفي الى ما هو يتخرج ولا يسمح له بالاكمال لحاله
فانتبهي ولا تضيعينها ولا تلعبين فيها , استغليها صح واشتغلي على متطلبات القبول من الان

يابنت الحلال امسكي في امريكا وعضي عليها بضروسك وانيابك وقواطعك ولثتك بعد
الطلاب هنا ماتجيبي طاري امريكا قدامهم الا ويتنهدوووا تنهيده تكسر الخاطر وتقطع القلب

النجاح للجميع والتميز لمن اراد لايكفيك هذا الشي

الله يوفقكم اجمعين

السلام عليكم معليش ياشباب بس فيه احد من الي يتكلمون دخل الجامعه مو الفاونديشن ؟؟؟؟؟؟؟ لنه صادقين سمعت انه الدراسه مره صعبه بس كل العالم الي تتكلم وتقلي ماحد منهم طب الجامعه ويقلك اعرف واحد ومناك هو سامع من واحد برضو يقله اعرف واحد ومن قالكم انه امريكا اسهل وليه اسهل ابي جاوب مقنع لنه انا باقي مامديت وجبت الدرجه حقت امريكا بالايلس يعني يمكن احول بس ابي احد يقنعني لنه ماودي اخش واتعقد هنا واخسر الدولتين والدراسه فلوسمحتو نبي كلام من مصدر موثوق واتمنى احد من الاخوان الي ردو يقولنا لو هو ف الجامعه وش الي صعب عليه لو في واحد يعرف ليه امريكا اسهل ؟؟؟؟؟؟؟؟؟؟؟؟؟؟ انا لي 5 شهور ابحث عن جواب وماقدرت

وعليكم السلام

خذ العلم مني انا ادرس بكلوريوس سنه ثانيه

انا مارحت امريكا ولا جربت الدراسه في امريكا فعشان كذا ماراح افتي مثل ما فقعوا روسنا بعض الاعضاء وهم ماقد طبوها.

راح اكلمك عن مرحلة البكلوريوس في نيوزيلندا
لانه الماجستير انا من الان اقولك لاتفكر تدرس في نيوزيلندا او اي جامعة في العالم تطلب دبلوم
وعلى فكره كثير من الجامعات في كل الدول تطلب من الطلاب دبلوم او ما شابه قبل الماجستير مو بس نيوزيلندا
واحد من اقربائي جلس يدرس في امريكا ماجستير ماخلص الا بعد 5 سنوات طلع فيه الشيب

نرجع لموضوع البكلوريوس
نيوزيلندا مثلها مثل اي دوله في البكلوريوس فيها السهل وفيها الصعب
والي يقولك البكلوريوس في نيوزلندا اصعب من ادولة اخرى اعرف انه ماعنده سالفه
الصعوبه والسهوله تعتمد على مدرس الماده هو من يحدد صعوبة وسهولة الماده
اغلب المدرسين عندنا متعاونين لاقصى حد وما يحبون احد يرسب "ولكل قاعده شواذ" فيه مدرسين معقدين الموضوع حبتين لكن الاغلبيه ممتازين .
من تجربه شخصيه عشان تنجح ذاكر كويس وحل اسئلة اختبارات الاعوام الماضيه وتنجح بسهوله واذا تبغى تتفوق الشباب عندنا في الجامعه مبدعين ومتفوقين ماشاء الله تبارك الرحمن وجايبين الاوائل. بس يذاكرووووون


الفكره انه الصعوبه في كل مكان وليست محصوره في بلاد الكيوي

ما انصحك ابد تجي على نيوزلندا وخليك مع نجمة الفجر
وانا من طلاب الماستر والحين متوهق
الله يوفقك واذا بتحولي روحلي لايرلندا اللي الماستر عندهم سنة فقط
اما نيوزلندا من سنتين ونصف الى 3 وبصراحة طويلة جدا

ماعليش اخوي اسمح لي اخالفك الرأي :

بالنسبه لنيوزلندا : الجهد فيها مضاعف مرتين عن غيرها والرسوب مافيه بديل يعوضك عنه.

انا في الجامعه في الاستيج 3 ماقبل الدبلوم العالي يعني انا ابتديت من فووووق

واجبات الجامعه كثيره جدا ومبالغ فيها وبنزل لكم واجب من واجباتي تقيمون واجباتهم 35 صفحه حل ايش كل اسبوعين ثلاثه ينزل لنا واجب ماده جديد كل واجب يبي لي اكتب دفتر.

وبعد هذا التعب كله يقول لك كل واجب عليه 5% من درجة النجاح النهائيه

كل اسبوع عندنا كلاس التاتوريال : وهو عباره عن تطبيق عملي للدرس نحل قدام المدرس ويقيمنا واللي مايعجبهم حله ولا محاولاته مايسجلون اسمه بسجل الحضور.

بعد كذا عندنا اختبار منتصف السيميستر وعليه 20 بالميه تقريبا من درجة النجاح النهائي مشكلته الضغط بالجداول وممكن تلاقي عندك مادتين في نفس اليوم ولا تستغرب لو لقيت مادتين في نفس الوقت (clash) في هذي الحاله تسلم ورقة اختبار وينقلك مدرس لغرفه لتجيب على الاختبار الثاني.

الاختبار النهائي عليه 60% ومدته ساعه تحل فيها 8 اسئله تقريبا مع فقراتها وطبعا كل اسئلة الرياضيات حل بخطوات يعني مافيه اختر الاجابه الصحيحه.

طبعا هنا انا اتكلم عن جامعة اوكلاند.


بالنسبة للدراسة في امريكا : ترى اغلب اهلنا متخرجين من هناك.

خالي طلع الاول على الجامعه في بكالريوس ادارة الاعمال الدوليه مقره كان فلوريدا وبعدها اخذ الماستر بسنه بتقدير ممتاز وبعدها توظف واشتغل بامريكا 5 سنوات وجانا مكون نفسه عمر بيت واشترى سياره.

زوج اختي درس الماستر في الالكلورادوا كان يقول لنا انه رسب في ماده وكلم المدرس فطلب منه المدرس يحل واجب بدل الامتحان خلال 4 ايام وراح يسزله فيه المهم يقول حليت الواجب وسألني فيه يتأكد اني حال وعوضني عن درجة الرسوب ونجحت واخذ الماستر واللغه خلال 4 سنوات جلس في اللغه تقريبا سنتين يقول طلعت من السعوديه ما اعرف الا يس و نووو..

يعني استغرب كيف نقارن دولة رائدة التعليم بالعالم بدولة تصنف شهادتها مستوى ثالث في المملكه مثل استراليا ونيوزلندا.

امريكا اعتادت على الطلاب الدوليين منذ عشرات ان لم يكن مئات السنين.