الالتحاق بالبعثه

^^
جميل تحديث الشروط ومنطقي وفعليا ستساعد الطلاب الي مجتهدين ولهم فترة في الديرة, الله يوفقك ان شاء الله والجميع

مشكورين ع الرد

بس لو سمحت اخوي

ممكن تقول لي رآسلت مين ؟
واذا ماعليك امر تعطيني الرآبط
علشان اراسلهم
انا ابي اتأكد علشان اتطمن

آهلين اختي .. انا راسلت المشرف الدراسي ( عصمت التوم ) ..

ولكن لازم تفتحي ملف دارس على حسابه الخاص عشان تقدري تراسليهم ..

بس دي الشروط انا ماخذها من الملحق والمشرف الدراسي وغير كدا أكثر من شخص اعرفهم شخصياً جاتهم البعثة ..

بس ما ادري عن الطب كيف لأن نظام المقاعد في نيوزلندا للتخصصات الطبية محدودة جداً .. بالنسبة للطلاب الغير نيوزلنديين ..

بس لو عندك قبول جامعة ان شاء الله امورك في السليم ..

بالتوفيق

^
يعني لو جبت قبول من الجامعه اضمن نفسي طب ؟
ولا بعد التحضيريه في احتمال يتغير ؟

ما عندي أي خلفية لكن قبول الجامعة اتوقع كافي .. بس أتأكدي من الموضوع دا ..

وممكن تجي هنا وتاخذي البعثة وبعدين تحولي بس افضلك انك تروحي على الدولة اللي ناويه عليها على طول

عموماً راسلي المكتب هذا ممكن يفيديك كثير ..

http://globalstudent.co.nz/

بالتوفيق يا رب ..

ادري اقلقتك معي
بس يقولون علشان شرط اختبار الايلتس هذا للتخصصات الثانيه
يعني البعثه ماتشمل الطب :s

لازم اكون مبتعثه بالاساس مو ملتحقه

شي ثآني تعرف حد ب جامعة اوتاغو ؟؟

هلا اختي لا اقلقتيني ولا شي ..

انا ما اعرف عن الطب كثير .. بس ممكن تكتبي هنا كل الاسئلة اللي ببالك وترتبيها .. ؟ انا رايح الملحقية بعد كم يوم فممكن اخذها معايا واجيبلك الجواب من عندهم هناك ..

بس يا ليت تكون جميع الاسئلة مرتبة وواضحة وغير مكررة .. وان شاء الله ربي ييسر ونعرف ايش الجواب ..

لا والله ما اعرف الجامعة ولا احد فيها ..

بالتوفيق يا رب

مشكور اخوي ومآتقصر
بس ابي اعرف شروط الالتحاق بالبعثه للطب
وهل شرط اختبار الايتلس ينطبق على جميع التخصصات

ششكراً مره ثآنيه
جعله في موآزين حسنآتك

اختي الكريمة،

وضعت لك في ردي السابق رابط يحتوى على ردود عن دراسة الطب في نيوزلندا تحديداً للمبتعثين، غير المبتعثين و الملتحقين =)،
أعتقد من المهم قبل التفكير في الالتحاق في البعثة، التفكير في واقعية/فرص دخول الطب في نيوزلندا للطالب الاجنبي،
اتمنى تقرئي الردود الموجودة في الموضوع الي وضعته لك و راح تلاقي اجوبة لأسئلتك ان شاء الله.

بالتوفيق

اختي مثل ما قال اخونا Zeid.A مشكلة الطب في نيوزلندا انه صعب تلاقي مقاعد بحكم المنافسة على المقاعد هنا ..

انا اتواصلت مع الملحقية وقالولي بالنسبة للطب ما نقبل قبول جامعة طب على فاونديشن بحكم انه بعد ما يخلص المبتعث اللغة والفاونديشن في احتمالية

انه ما ينقبل في الجامعة فعشان كدا ما صرنا نقبل طب من الاساس .. والسنة الماضية على كلامهم مافي غير شخصين اللي انقبلوا طب سعوديين في نيوزلندا ..

بس قالولي اذا أحد جاي على حسابه لأي تخصص له علاقة بالطب مثل ( اشعة - اسنان - تخصصات لها علاقة بالطب ) وعدى الفاونديشن وقدر يجيب درجة في الفاونديشن

تخليه يضمن مقعده في الطب .. فإن طلب التحويل من التخصص إلى طب ما ياخذ عشرة دقايق ..!!

وبالنسبة للالتحاق بالبعثة يبغالك قبول جامعة اي تخصص له علاقة بالطب بس مو طب والفيزا و4 شهور هنا و4 في الايلتس وان شاء الله تلتحقي ..

فكري في الموضوع واتواصلي مع اخونا Zeid.A هو يدرس طب وبيفيديك اكثر مني ..

بالتوفيق يا رب ان شاء الله