استفسارات ارجو الرد عليها من قبل المختصين ....

بقولك عن تجربتي
جيت هنا و اخترت المعهد ودفعت 9 اسابيع وقدم لي المعهد على الفيزا وطلعت بعد 25 يوم. مستحيل تطلع فيزا دراسية بدون ما تلتحق بالمعهد, أي تدفع الرسوم, ملاحظة شروط الإنظمام هنا لازم تجيب 4 في الأيلتس وتدرس 4 أشهر وعندك موافقه مسبقة على الدراسة بالخارج, والموافقه ما تجيك الا بعد ما تجيب قبول لغة وجامعة وعندك فيزا دراسية وشروط اخرى, طبعا أنا جيت هنا قبل هذا النظام, وعلى فكرة أربع أشهر تقدم على البعثة مو تلتحق, الإلحاق أنت وحظك يمكن اسبوع الى شهر. أدرس الموضوع زين اخوي, وأي أستفسار حاضر, هنا أو على الخاص, أو ممكن ترجع لبعض ردودي بالمنتدى.
تحياتي بالتوفيق

حصلوك على فيزه الطالب لما تصول هنا تحول من فيزه ساءح الى طالب بعد سداد المصاريف كامله ولازم تكون مسدد كام شهر علشان تحصل على الفزيا مش اسابيع يعنى لو قدمت على فيزه 5 شهور تحصل عليها لو سددت مصاريف 5 شهور وفى ايضا شويه طلبات اخرى للحصول على الفيزا اشرحها لك لاحقا لو انت جاد فى الحضور

اكولاند مدينه زحمه وفيها عرب كثير اوةى وتعتبر غاليه عن باقى المدن فى عده مدن اخرى اهاداء وارخص فى المعيشه

لو عاوز اتصل بيا
بالتوفيق

وعليكم السلام ورحمة الله وبركاته

بإذن الله حاجاوبك على كل الاسئلة بالمعلومات اللي اعرفها واللي متأكد منها تماماً

صحيح بالنسبة لموضوع الالتحاق بالبعثة .. عشان تفتح ملف دارس على حسابك الخاص

لازم يكون عندك فيزا دراسية وموافقة الوزارة قبل ما تجي لنيوزلندا .. وطريقة فتح الملف عن طريق الوزارة في السعودية وليست الملحقية


س- كيف اقدر اطلع فيزة دراسية بدون قبول المعهد ؟ عشان اسافر واختار المعهد من هناك
ما تقدر تطلع فيزا دراسية من غير ما يكون دفعت رسوم المعهد كاملة .. لكن بعد اختيارك للمعهد ودفع جميع الرسوم تقدم على فيزا دراسية وتاخذها بإذن الله
لكن إذا ناوي تبتعث فلازم تختار المعهد وتدفع الفلوس وتاخذ الفيزا من مكتب دبي قبل لا تجي نيوزلندا .. أما إذا ناوي تجي فيزا سياحية وتختار المعهد وبعدين تطلع فيزا
دراسية من هنا وتقدم على البعثة .. فأتوقع الموضوع صعب ومقفل حالياً ولازم تاخذ الموافقة والفيزا قبل لا تجي



--------------

س2 - ماهي افضل المناطق للسكن في اوكلاند بالنسبة للواحد وعائلته من ناحية السعر والامان والافضل ؟ ونوع السكن الافضل ؟ وسعره ؟

أخوي طبعاً انواع السكن في أوكلاند تكون ما بين الشقق في وسط المدينة أو تكون البيوت في أحياء بعيدة شوي على وسط المدينة . أنا دائماً اقول ما في شيء اسمه الأفضل ولكن في شيء اسمه المناسب ليّ لأن كل واحد له وجهة نظر مختلفة عن الآخر وممكن يناسبني شي ما يناسبك .
ميزة الشقق : أنها في وسط البلد ، ما تحتاج مواصلات كثير ، الحياة في وسط البلد حركية أكثر
عيوب الشقق : أنها أغلى من البيوت ، جيران كثير في نفس العمارة ، ضيقة ، بعضها لا يوجد قراج للسيارات .
ميزة البيوت : أنك لك بيت مستقل لحالك ، واسعة ، تكون معاها حديقة صغيرة وقراج للسيارات ، ارخص من الشقق.
عيوبها : بعيدة عن وسط البلد ( على حسب المكان ) ، الخدمات في الأحياء تقفل بدري ، مو مثل وسط المدينة .

الأسعار تختلف على حسب نوع الشقة أو البيت اللي بتدور عليها ؟ معليه اخوي لازم تدينا معلومات مثلاً كم غرفة ؟
ووين تبعد . وهل حتشتري سيارة ولا لأ ؟

هذا موقع حيفيدك كثير

http://www.realestate.co.nz/rental/all/auckland




-------------

س3 - تكلفه معهد معتمد لمده خمسة شهور ؟

برضوا على حسب المعهد ، الحدود 350 دولار في الأسبوع يعني في حدود 7 الاف دولار نيوزلندي

لكن ممكن تكون أكثر ممكن تكون أقل على حسب أي معهد ووين موقعه وقوته

أما بالنسبة لسؤال كثير من الجدد أنه أروح أوكلاند أو غيرها . فأنا نصيحتي لازم تختار مدينة مناسبة لشخصيتك

وما تختارها بحكم احد مدحها لك .. أما بالنسبة لموضوع العرب فأنا اقول انه نيوزلندا نسبة العرب فيها واحدة مو مختلفة

في كل المدن نفس النسبة موجودة ..

فملاً لو قلنا في أوكلاند في 10 الآف عربي ! فيعني نسبة العرب في المدينة أقل من واحد في المية ( 0.7% )

لأن عدد السكان في حدود مليون وثلثمائة ألف

ولو قلنا في ولينقتون مثلاً في ثلاثة ألاف عربي فقط !

فعدد سكان ولينقتون تقريباً 400 ألف فحتكون نسبة العرب أقل من واحد في المية برضوا (0.7)

وهكذا يا قلبي موضوع نسبة العرب .. كل المدن مثل بعضها J

عموماً انا في الخدمة وفي مواضيع كثيرة انا حاطها ممكن تفيدك وإذا عندك اي استفسار أو سؤال أو تحتاج أي خدمة

فأنا حاضر وفي الخدمة

الله يعطيكم العااااااافية ومشكوووور على تفاعلكم وعلى ردودكم


بالنسبه لتحويل الفيزة من سياحية الى دراسية احسها معقده شوي

احسن اطلع بفيزة دراسه
بخصوص المدن كان اختياري اوكلاند لان مافيها احتكار للمعاهد او المطاعم الخ يعني مافية زي بعض المدن في المعهد هذا وهذا تبي تبي هذا الي موجود
ممكن ناس تقول ابعد عن المعاهد اللي فيها عرب وزحمه لاكن انا عندي اللي يبي يتعلم يتعلم لو في بلده

بالنسبه للمطاعم الحلال

والنسبه للمنتزهات اشوف اوكلاند احسن من غيرههاا

لان انا كنت مبتعث على جامعه اوتاقو في دنيدن بس صارت لي ضروف وما طلعت البعثه واكيد انها خيره
وكانت عندي معلومات عن دنيدن اسوف انها قرية يعني مافيها اي شيء

وبعدين لو انكتبلك انك تنضم للبعثه اشوف ثلاث سنين في قرية احسها اليمه عكس لو كن في مدينه مثل اوكلاند حتكون عندك حلول كثيره للترفية

اكرر ثاني يعطيكم العافية ومانستغني عن خدماتكم


وشكرا

شوف معهد الكرواون في اوكلاند .. انا مادرست فيه بس الشباب اللي درسو فيه مدحوه لي خصوصا بختباره التوفل موفق اخوي وزي ماقالو الشباب

وتحويل الفيزا من سياحيه الى دراسيه غير صعبه وامورها بسيطه انا معهدي خلصها بأسبوع فقط .. بس يشترطون يكون في حسابك النيوزلاندي عن كل شهر الف دولار حسب مده الفيزا اللي تبيها .. مثلا شهرين الفين ثلاث شهور ثلاث الالف ... وهكذا

اذا تطمح للأبتعاث يجب ان تأخذ الاذن من الوزاره اولا وتقدم من السعوديه على فيزا طالب

تحياتي لك وموفق اخوي

كلامك عين العقل ..

انا رحت الكراون وشفته .. بصراحة المعهد باين عليه مررره جيد وتدريسه حلو ..

نظيف ومرتب ومنظم .. اتوقع من الخيارات الجيدة اللي الواحد ممكن يختارها في أوكلاند ..

بس ملاحظة بسيطة على موضوع الفيزا .. انهم يطلبوا يكون في الحساب 1250 دولار مو الف دولار ..

شكراً جزيلاً