السلام عليكم ورحمة الله وبركاته ..
فرصة حلوة انك تتعلم اللغة في نيوزلندا وبإذن الله تحبها وتعشقها كمان ..!! دولة والله تدخل القلب وصعب تخرج منه
مشكلة المكاتب وانا اخوك في السعودية انهم مو مثلنا هنا عايشين الوضع ويحاولوا يدلوا الشخص على المربح الأكبر لهم همّ ..
عموماً معهد LSI يعتبر معهد غالي تقريباً الاسبوع فيه 405 دولار .. هذا وانت اخذ 3 شهور وبصراحة انا عندي حزازية شوية من المعاهد
اللي تكون فرانشايز ( علامة تجارية ) مثل نيوهورايزن او انقلش فيرست .. مو عشان شي بس عشان بصراحة يكون عندهم سيستم واحد في كل المعاهد
وهذا الشي ( وجهة نظري ) يمحي جانب الابداع من المدرس نفسه بحيث انه لازم يمشي على المنهج اللي في يده وما يقدر يضيف اي شي من عنده ..
عموماً انا عندي كم نصيحة لك .. بحكم انك طلبت النصح ( <--- قام يتفلسف )
اول شي انا متأكد انه اي شخص نوى في باله انه يحسن لغته ويطورها هو شخص طموح وأكيد حيستفيد لو مشي في الطريق اللي يساعده على الاستفادة المرجوة ..
اذا انت لغتك 0 في الانجليزي ، ما فيها كلام من 3 إلى 6 شهور حتوصلك إلى مستوى تقدر تتخاطب فيه وتعرف كلمات تخارجك في حياتك ..
ثاني شي حاول تبتعد عن المكاتب اللي في السعودية لأنهم بيضيفوا مصاريف عليك انت في غنى عنها ( عندهم ايجار - رواتب - مستلزمات وهذه كلها بياخذوها من جيبك )
فممكن تراسل المعاهد بنفسك وتجيب القبولات وترتب امورك بنفسك او انا ممكن اساعدك في هذا الموضوع لأي معهد تختاره واي مدينة تختارها ..
بالنسبة لموضوع المصاريف اليومية .. تقريباً 20 دولار تكفيك في اليوم اكل وشرب ومواصلات وجوال كمان ..
يعني في الشهر تقريباً 600 دولار تغطي مصاريفك ..
عندي موضوع هنا في نفس القسم يشرحلك جميع مصاريفك في نيوزلندا بالدولار وبالريال حيساعدك كثير جداً ..
عموماً يا قلبي ، اذا عندك اي استفسار او سؤال انا في الخدمة
الله يوفقك وييسرلك امرك يا رب
November 13th, 2012, 02:12 AM
بسم الله الرحمن الرحيمالسلام عليكم ورحمة الله وبركاته ..
ابيكم تفيدوني الله لا يهينكم
انا حاب اتعلم اللغلة الانجليزية بـ نيوزلندا لمدة 3 اشهر أو 6 اشهر
ورحت لمكتب واعطاني مجلة عن المعهد واسمه lsi
اللي بسأل عنه
كم المصاريف اليوميه
وكيف اسعارها
طبعاً انا ماعرف حتى اكتب اسمي بالانجليزي
يعني ماعرف شي وبتعلم بالفترة ذي او لا
اللي عنده خلفيه عن الموضوع ذا لا يبخل علي