ما رأيكم في الملحقيّة .. ؟

في فكره تراودني من سنه ونصف وهيا كتابه خطاب وتوجيهه للجهات المختصه بتوظيف السعوديين المتخرجيين في الملحقيات الثقافيه لانهم اهل البلد وهم احق من غيرهم في الاموال الي تصرف على الغير حاملين للجنسيه السعوديه.

شكرا لكم

السلام عليكم ورحمة الله وبركاته

مشكور اخوي عباد عالموضوع

حقيقة انا من الطلاب الي قدموا عالبرنامج وحبيت استفسر من الملحقية امس وراسلت اعضاء الملحقية واليوم جتني رسالة وافادوني صراحة وما في اي تاخير منهم ولا شفت منهم تجاهل ابدا.

تحياتي

نفس اللي حصل لي

حنا والله جالسين نقول الحقيقة .. ومالنا صالح إننا نتبلى عليهم ..

ولو ردوا على واحد أو اثنين أو عشرة .. فلا يكون مبرر لهم إنهم يتجاهلون المئاااات ..

انتم في البداية .. وجايكم الخير .. لا تستعجلون على رزقكم

دام هناك معاناة .. و بالفعل هي حاصلة للاغلبية ... ليش ما تكون هناك زيارة للسفير السعودي بدبلن ..
احنا عارفين الملحقية بلندن، لكن اكيد السفير السعودي بدبلن بكون له تاثير ،

ليش ما تقوموا يا اهل دبلن و تنتخبوا لكم عدد معين من الاشخاص و تحكوا مآسي الجميع و المشاكل
و انا متاكد باذن الله انه سيكون هناك حل.

اتوقع ان هالحل العملي افضل بكثير من الكتابة فقط!

صراحه مر علي اكثر من مشرف بحكم اني مبتعثه من 2007 والشهاده لله
احسن مشرف مر على الدكتور محمد ضياء اخلاق وتعامل وسرعه في الأجابه عن الأستفسارات
طبعا تعاملي معاه عن طريق الأيميل وفي كم مره دق علي بنفسه
وفي ايضا محمد الفوزان في الملحقيه انسان جدا خدوم

محمد ضياء لا يختلف عليه اثنان ( ما شاء الله تبارك الله ) ... الله يوفقه الله يوفقه الله يوفقه ..

فعلاً عن عشرة من ( نوعية ) ربعنا ..

اتصالهم عليك أو على غيرك .. ليس بمقياس .. ويشهد الله إننا لا ننتقم لأنفسنا !!

وش بيننا وبينهم ؟

هل نعرف أحد من قبل ؟!

كل اللي نبيه ( نص ) معاملة وإنجاز الدول ( العادية ) لمبتعثيها ..

الصور الموجودة في الملحقيّة .. والمجاملات (( ويتصل بنفسه في المواضيع الحساسة اللي وغصبن عن أبو اللي جابه إن يسوي كذا )) .. هذي كلها لأن وراها أشياء أعظم ..

لكن في الأمور العاديّة .. !!

هل حرام إن إنسان يطلب طلب من أبسط حقوقه ؟

هل حرام إن المبتعث يطلب إجازة لأمرٍ ما ؟؟ ردوا على الأقل ..

هل حرام إن طالب يطلب تعويض مالي لأنه خسر ومحتاج ما يعيّشه ؟

هل حرام إن إنسان يستفسر عن معهد هو معتمد ولا لأ ؟

هل .. هل ( مجرد أمثلة ) واسألوا الدكتور أنس

حاب اسئلك اخوي عباد وين موقع الملحقية السعودية بايرلندا هل هي بدبلن ام بلندن ؟؟

الملحقية في لندن ..

وإيرلندا دولة مستقلة .. ليس كما فهمت من بعض المشاركات أظن في هذا الموضوع أنهم يظنونها إيرلندا الشماليّة ..

لو كانت في دبلن رحنا لهم وراجعنا ,, ولا حطينا معقّب !!

ما تلاحظ اخوي عباد انها متعبه وصعبة لايوجد ملحقية بايرلندا, وانا اقول ليه مواضيعكمم مثيرة ههه الله يوفق الجميع يارب