لـــكل طلاب ايرلندا تكفون ساعدوا اخوكم الصغير المتحطم :)

بصرحه انا ما عندي اي فكره بس اللي سمعته ان سنوات دراست الطب في ايرلندا اقل من امريكا وكندا والله اعلم
لا تتحطم توك في البدايه اسال واستشير اصحاب الخبره وان شاء الله بتلاقي كل شي
اسال الله الكريم رب العرش العظيم ان يوفقك وييسر امرك
بالتوفيق

السنة والنصف هذي بتدرس فيها مجموعة مواد في كلية تريلي .. ومجرد نجاحك بأي درجة كانت يعني مرورك للسنة التحضيرية .. الوضع بسيط ان شاء الله

ان شاء الله اخونا القيصر يرد عليك .. هو صآحب الخبرة الأولى في إيرلندا وان شاء الله ما يقصر معآك .. ^^

شكرا لكم لكن الى الأن لم اجد الأجابة الشافية و الوافية

اخواني تكفون احد يرد علينا

رايح يفيدك القيصر اكثر واحد

بس اللي عرفته قبل فتره ان الثانويه الأيرلنديه مايدرسونها طلاب السعوديين

ياخذون فاونديشن في جامعه ويدخلونها مع ايلس

ايه صح كلامك الثانويه السعوديه مو معترف فيها هناك

بس اذا ابتعثت ماتعيد الثانويه ... مجرد يعطونك سنه تاهليه تاخذ فيها مواد علميه بالانجلش

واذا نجحت منها تدخل الجامعه

هذا الي متاكده منه وشيك على موضوع تجمع طلاب الطب للمرحله السابعه

دعواتك^^

بأنتظار اجابة القيصر

القيصر مشغول باختبارات على ما أظن .. الله يوفقه ..

السلام عليكم ...
المعهد الي راح تدخله اسمه institute of technology. هذا المعهد بينه وبين الكليه الملكيه للجراحين اتفاقيه انه طلبة الطلب يسوون سنه الfoundation هناك.
سنه الفاونديشن للطلبه السعوديين سنه و نص تتكون من ثلاث سمسترات ..و تبدون بشهر واحد اول كورس عشان تنطرون الطلبه الكويتيين شهر تسعه و تبدون معاهم مواد العلوم ..لان الكويتيين بس كورسين ..
المواد عباره عن بيولوجي و كيميا و فيزيا و انجليزي و ايلتز و حاسب الي و مادتين تافهه...و تتقسم عالكورسات..الدراسه سهله ..و النجاح اسهل...بس البيولوجي يبيله شويت متابعه..يعني عندك بالاسبوع بس محاضرتين بيولوجي..*بس ساعتين* اتوقع انك تقدر تذاكر في 7 ايام محاضرتين بس* ...فالوضع سهل و اهم يبون بس نجاح ما يبون نسبه...بس لا تتساهل وايد لان ان تراكمت عليك ما راح تقدر تلحق..
الشي الثاني و الي اهو درجه الايلتز...الجامعه راح تحجز لك على حسابها في كل كورس امتحانين ايلتز..و عشان تدخل او تضمن دخولك للكليه الملكيه للجراحين لازم تييب 6.5 اوفر اول....و ما لا يقل عن 6 في كل مهاره...
السنه سهله... و الحياه هاديه في مدينه ترالي...لكن لا تتساهل وايد..
طبعا هذا اذا انت ناوي تدخل الكليه الملكيه للجراحين..
اما اذا ناوي على جامعه كورك او جالوي او جامعه ثانيه فاهم يعترفون بالشهاده الثانويه...و تدخلون سنه الفاونديشن في نفس الجامعه ..بس مو متأكد و لا عندي معلومات اكيده عن المتطلبات مالتهم...
و دمتم بود و الله ولي التوفيق