تحذير مهم للمبتعثين او الراغبين في السكن في مدينة جالوي GALWAY

الله يجزاك الخير ..
مع اني ناويه ادرس في دبلن بس شدني الموضوع ..

ايش الخطوره فيه ؟؟

^^^
ذكرتني بشاحنات البترول!
خطــر!! ممنــــوع الإقتراب!!!
وش السالفة أخوي أبو خالد أخبرنا عن الخطر المحدق!!!!
وليتك تنصحنا بأفضل البدائل وخاصة الأماكن الصالحة لسكن العوائل!!!!!
ولا ننسى أن نحييك على حرصك وأهتمامك على سلامة الأهل والأخوان ومشكور ودمت بحفظ الرحمن.

ﺍﺧﻮﻱ ﻻ ﺯﻡ ﺗﻮﺿﺢ ﺍﻟﺴﺒﺐ ﻋﺸﺎﻥ ﻣﺎ ﻳﻜﻮﻥ ﻣﻦ ﺑﺎﺏ ﺍﻟﺘﺸﻔﻲ

للتوضيح: المجمع يتلاعب باسعار الكهرباء بشكل موب طبيعي ولا منطقي ولا فيه امانه
تخيل معي فاتورة الكهرباء تصل ل 500 يورو واكثر كل شهرين وهذا المبلغ للسعوديين الجدد بالذات

احد زملائي اخبرني انه اتته فاتوره فاقت 600 يورو لغرفتين فقط

ايضا بالنسبة ل 160 يورو الخاصة برخصة التلفزيون يتم ايعاز مندوب التحصيل الخاص بهذا الامر لبعض الشقق و بعضها لا

انا كنت اسكن في شقة غرفتين فقط واخر فاتورة اتتني 535 يورو لشهرين مع العلم اني لا اشغل المدفاة مطلقا

والفاتورة تزيد بشكل رهيب كل ماكانت قراءة العدادات من قبل المكتب المشغل لهذا المجمع

بعض الفواتير للاجانب او الناس اللي تعرف اصحاب المكتب لا تصل لهذه المبالغ ولا نصفها

الاشخاص الساكنين خارج المجمع فواتيرهم لا تصل لربع هذا المبالغ

اعرف شخص ساكن خارج المجمع تصله فاتورة الكهرباء لا تتعدى 70 يورو

بل اني اعرف شخص اخر وصلته فاتورته 49 يورو وهم ساكنين في بيت كبير

الامثله كثيرة و التجاوزات غريبة وانا ماعندي مكتب عقار حتى ابتلي على الاخرين

اللي يبي بيت يعرف كيف يجيبه من خلال مواقع الانترنت الخاصة بالبحث عن السكن

و الله من وراء القصد

اخوي مو بسهولة التلاعب في فواتير .. نظام شركات في ايرلندا ياخذ منك قراءة العدد لكم شهر ثم الشهر اللي بعده يعطيك فاتوره تقديريه المهم اخر شئ يسوي لك تصفية ويشوف اللي لك او اللي عليك

واول شهر احيانا بعض الشركات ياخذ ديوزيت منك 300 يورو تقريبا وينكتب من ضمن الفاتوره وبخصوص تلاعب انت اقر الطبلون كم تستهلك كهرب واحسب ويحق لك تشتكي لو صار فيه اي تلاعب

مثل ماقلت في اخر كلامك اخوي اللي يبي بيت بيحصل
انا ماادري ليه التجمع في جلينري
هو حتى لو ان البعض يبي يكون مع سعوديين بس بعض الاحيان الشقق نفسها ماتستاهل او ناقصه بعض الاشياء الاساسية بس يسكنو فيها عشان فيه سعوديين

وبامكانهم يلقون افضل منها