الإخوة السعودين الدارسين في RCSI تفضلوا،،

اخوي اتوقع انك طالع على حسابك الخاص
لان شروط البعثه غالبا 90 ثانوي 80 قدرات 80 تحصيلي

اذا راح تطلع على حسابك الخاص
عندك طريقين
اما انه يحالفك الحظ وتلقى قبول في كليه اسمها تريلي (عشان تعادل الثانويه العامه بالايرلنديه) ومددتها سنه ونص
وبعدها تبدا الطب 6 سنوات غير الامتياز
وهذا الخيار جدا صعب خصوصا ان اغلب مقاعد تريلي تخصص لمن قدم عن طريق البعثات
وممكن تتاخر سنه كامله على ما تحصل المقعد في تريلي (يعني راح تتاخر حول 3 سنوات حتى تدخل طب)

الحل الثاني انك تجي مباشره وتبدا في الثانويه الايرلنديه تدرس 6 مواد تقريبا مثل الثانوي ولكن بالانقليزي
اعتقد لازم تجيب 3 مواد A والباقي B
والمقعد غير مضمون بعد التخرج. ربما تحصل وربما لا. الغالب الي يجيبون الدرجه المطلوبه يحصلون ولكن هذا يختلف من سنه الى سنه
اذا تبي تسال هل الثانويه سهله ام لا. بقول الله اعلم لاني ما جربت هذا النظام. ولكن مع الاجتهاد ممكن انك تخلصها.

اذا مره مصمم طب. انصحك انك ماتحصر نفسك في مكان معين.
اذا لقيت قبول في السعوديه فتوكل على الله (مافيه دوله اقوى من دوله في الطب العام. الي يفرق هو التخصص الدقيق يعني بعد التخرج ممكن تكمل الدراسه في كندا او امريكا للتخصص الدقيق)
ويوجد بعض الدول توفر قبول طب اسهل من ايرلندا مثل بولندا او التشيك او هولندا الدراسه بالانقليزي ولكن لازم تتعلم لغتم عشان تتخاطب في المتشفى في السنوات الاخيره

أخوي القيصر الله يعطيك ألف عافية،،

إذا كانت هذه هي الطرق المتاحة لي، أشوف إني أتلزم بالطريقة الثانية افضل لي، مع إني متخوف من كون عدم توفر مقاعد دراسة،،

بالنسبة لي أنا راح أدرس على حسابي الخاص بعدها بإذن الله راح أقدم طلب الإنضمام للبعثة، تتوقع ألاقي مقعد دراسي إذا إنضميت للبعثة؟

أنا عشقي الطب وحلم حياتي، مشكلتي إني ما كنت أدري بإنه النسبة تكون نسبة موزونة في الثانوية كنت أحسب ثالث ثانوي وبس، ومع الأسف، ما شديت حيلي إلا هذآ الترم ومتندم أشد الندم،،
السبب اللي خلاني أختار إيرلندا هو قلة السعودين والعرب فيها خصوصا هذه الجامعة وهذآ الشي شجعني لأن ودي أروح هناك وأثبت نفسي، أيضآ هذه الجامعة تعتبر أحد أفضل الجامعات المتخصصة في الطب ومتحمس لها بشكل جدآ كبير،،
الله يسهل أمري ويوفقني وياكم، وشكرآ لك عزيزي،،

اخوي العرب والسعوديين عددهم يمكن اكثر من الطلبه الايرلندين انفسهم في هذه الكليه

ومثل ما قلت لك الطب العام لا يهم من فين اخذته
من باكستان الصومال الهند نيجيريا بريطانيا ايرلندا كله واحد اذا الشهاده معترف فيها.
الراتب ما راح يختلف وحتى الخبره ما راح تختلف
لانه الطب العام راح تتخرج طبيب عام ( و اكيد ما عمرك راح تسمع واحد يقولك والله في دكتور عام انصحك فيه مره جيد
لان الطبيب العام يعالج الامراض البسيطه غير الجراحيه وكذلك الامراض المنتشره في المجتمع بشكل عام.

الي يختلف هو التخصص الدقيق. يعني مثلا جراحه عظام و عمود فقري. جراحه قلب و زراعه قلب هذا لازم تاخذه في امريكا او كندا المانيا
غير كذا ابدا ما يفرق

لكن اذا تعرف نفسك واكيد انك راح تعدي الثانويه الايرلنديه
فأقولك توكل على الله

اقلك هذا الكلام لاني شفت ناس جت على مثل هذي الطريقه ولن تفلح وضام فتره من عمرها. ولكن في ناس كانوا شادين حيلهم وجابوا درجات حلوه ودخلوه كليه الرويال
الي عنده اصرار ما راح احد يرده عنه

بعد الاختبارات سوي اختبار الايلتس وحاول تجيب 5 الى 5.5 عشان تدخل الثانويه الايرلنديه (اذا لغتك زينه فإن شاء الله انها موب صعب تحصل 5 وفوق