استفسار بعض الأسئلة بخصوص دراسة اللغة في ايرلندا { على حسابي الخاص }

July 7th, 2014, 10:18 AM

بسم الله الرحمن الرحيم ..
السلام عليكم ورحمة الله وبركاتة ..

أحب أشكر كل من ساهم بهذا الموقع من اداريين ومشرفين واعضاء .. وكل من افادنا بَ معلومة بسيطة أو كبيرة ولآ يههون البقية .
جد استفدت واختصرت الكثير باللي قريته بالموقع وتبينت لي كل الامور وسهلت علي الله يسهل عليكم دنيا واخره .

طبعا تعرفون الواحد لما يكون اول مره يسافر تكون براسه افكار و وسواس و و و .. .

بس عندي كم استفسار أحب اطرحة
وبعض المعلومات اللي فهمتها اتمنا تأكدون لي هل هي صحيحة ولا خآطئة

ب البداية انا الحمد لله اتفقت مع مكتب سفريات وبحثت عن كل شي ب خصوص ايرلندا واستخرت والحمد لله وارتحت ل جالوي وقررت الدراسة بمعهد اتلانتك

عطيتة رابط الموقع وكل شي ابية من مده وسكن ودوره " 3 شهور انجليزي عام سكن مع عائلة " وبعدها احدد لو عجبني المعهد اكمل وانقل سكن طلاب بعد م استقوي باللغة شوي واعرف طبيعة البلد .

الحمد لله دفعت المبلغ حق ال 3 شهور بعد م جاب التسعيره ورتب لي القبول وحصلت علية بس بعد أسبوع تقريباً

وجيت ل مرحلة الفيزا وهنآ بديت اوسوس

راعي المكتب قالي بيساعدني ب متطلبات الفيزا ف ذكر لي التالي واللي بعضها م قريتة بالمتطلبات ب باقي المواضيع !!

1 - الجواز
2 - صور شخصية
3 - تعبئة النموذج وطباعتة
4 - كشف حساب للوالد لمدة 3 شهور
5 - تأمين سفر << يقول هذا توهم طالبينة هالسنة منهم .
6 - صورة الحوالة والقبول من المعهد
7 - حجز تذكرة وهمية


كتب لي البيانات عن طريق الانترنت ب موقع السفاره بس حط الفيزة قصيره !! مع العلم اني ناوي اكمل وامدد بس مبدئياً 3 شهور فهل فية امكآنية ؟
بداية دراستي بالمعهد 9 أغسطس ونهايتة 1 نوفمبر
ف حدد هالتاريخ ب الابلكيشن اتوقع كذا اسمة وانا ابي امشي قبلها تاريخ 6 اغسطس فهل فيه اشكالية ؟

رتبت اوراقي وبكرة بأذن الله رايح للرياض اقدمها بس حبيت أتاكد هل هذا المطلوب وهل فية مشكلة لآن م عندي اي خلفية عن هالامور وكلها جديده علي

ابي اتأكد ب خصوص اللي فوق جزاكم الله الف خير والسموحة طولت عليكم بس اعذرونآ ،

مع العلم اني يمني الجنسية لآكن من مواليد السعودية ، فهل فية اختلاف ولا نفس الشي .
وان كان عندكم اي معلومة او نصيحة أكتبوها ربي يحفظكم ،

تحيآتي لكم واسأل الله التوفيق لي ولكم .

• نشر عبر تويتر
• نشر عبر فيسبوك
• نشر عبر جوجل