شرح المقابلة الشخصية و الفيزا الأمريكية

March 12th, 2010, 05:40 PM

السلام عليكم و رحمة الله و بركاتة .. وبعد :

اليوم ابي أشرح لكم المقابلة الشخصية و الفيزا في السفارة الأمريكية بحكم إنة موعدي و مقابلتي معهم كانت قبل يومين ^^

بالبداية راح أقول الأوراق و الأشياء المهمة إلي لازم تخذها معك :
1) ورق الموعد
2) نموذج السفارة DS-160
3) I-20 (( وصورة من أول ورقة من I-20 ))
4)جواز سفرك
5)صورة شخصية لك (( تكون مطابقة لشروط السفارة ))
6) ورقة دفع رسوم الجمارك من بنك سامبا (( مهمة )) و الرسوم المطلوبة 500 ريال

هذا أهم شي و إن شاء الله ما أكون نسيت شي
و الحين راح أشرح لكم وش إلي صار معي
أنا كان موعدي مع السفارة الساعة 10:30ص وصلت للسفارة الساعة 8 تقربياً و طلعت من السفارة الساعة 10:00 عشان كذا روح بدري تطلع بدري
طبعاً أول ما أخذ مني ورقة الموعد عشان يتأكد من إنة موعدي في نفس اليوم و من بعدها طلب مني أحط جوال و المحفضة و أغرضي في الأمانات لأنها ممنوع تدخل السفارة فيها .

ومن بعدها فتشوني و بعد التفتيش خلاص رحت أبي أدخل للسفارة قبل لا أدخل من الباب طلب مني الموظف
DS-160 و ورقة رسوم سامبا و الصورة الشخصية و I-20 وجواز السفر تأكد من إنة أوراقي كلها كاملة بس أخد من ورقة رسوم سامبا

ومن بعدها قالي تفضل إدخل أول ما دخلت عطوني رقم و قالي إنتظر رقمك إنتظرت إلين ما جا رقمي ومن بعدها رحت للكونتر طلب مني نموذج DS-160 و I-20 و صورة من أول صفحة من I-20 و جواز السفر و سألني كم سؤال و من بعدها قالي تفضل إستريح إنتظر دورك عشان المقابلة *
وفي المقابلة راح يسألك كم سؤال وبعدين راح يطلب منك نموذج السفارةDS-160 و جواز سفرك وI-20 وبعدين راح يعطيك كرت أصفر و يقولك تفضل لمكتب الفديكس عشان راح يرسلون جواز سفرك و i-20 عليه بعد ما تطلع الفيزا وبعدين تروح لمكتب الفيدكس و يعطيك ورقة تعبي بياناتك فيها و بكذا تكون خلصت بس عليك تنتظر إسبوع عشان يرسلون لك جواز سفرك و التأشيرة و I-20.

أنا عن نفسي جبت كل شي و صورت من قل شي نسخة و جبت شهادة تخرجي من الثانوية وجبت أكثر من صورة شخصية و كل شي ممكن يطلبونة مني يعني إحتطت قد ما أقدر عشان ما يكون فيه خطأ .

و إن شاء الله يكون الشررررح واااافي
و أي سؤال أنا جاهز

• نشر عبر تويتر
• نشر عبر فيسبوك
• نشر عبر جوجل