استفسار من جاء موعد دراسته والفيزا ما جت؟(إستفسارات)

يعني ابفهم
لمى نجي نطلع الفيزا لازم قبل الاي توني << ترى مو فاهمه وش سالفه الاي توني
لان الكل يقولي طلعيه وانا ماني فاهمه
يعني اقدم ع القيزا قبل لا اجيب القبول ولا كيف الطريقه بالظبط
لاني الاسبوع الجاي ببدا اروح مكتب القبول واعطيه الجامعات والمناطق اللي ابيها عل وعسى القى قبول
وماني عارفه الخطوات ياليت احد يساعدني ويفهمني وش ابدا اسوي

الله لايهينكم

أهلا وسهلا أختي

الله يسلمك الآي توني هو الورقة اللي عن طريقها تدخلين أمريكا والفيزا طبعا

بس لما تروحين تقدمين ع الفيزا لازم يكون معاك اآي توني(يعني الآي توني قبل الفيزا)
لأن السفارة راح يطلبون صولاة من الآي توني تبعك وبرضه راح يطلبوا رقم السيفس وتسديد رسوم الفيزا

وخليني أشرح لك حبه حبه :

أولا : لازم إذا إنك ترغبي في الحصول على بعثه (سواءا على حسابك الخاص أو بعثه حكومية) لازم تخاطبين معهد لدراسة اللغة(إذا بكالوريوس)أو إذا ما خاطبتيهم أنتي ممكن أي مكتب قبولات وبعثات يخاطبهم عموما الخطاب وما فيه هو أنو أنا أرغب في الدراسة عندكم وإلخ وبعدين هم يرسلوا لك الآي توني والسيفس

ثانيا : تقدمين طلب فيزا وهذا يتم عن طريق النت تدخلي موقع السفارة وتعبي الأبليكيشن (الأبليكيشن هو نموذج طلب فيزا) ولما تنتهي من تعبئة الطلب يعطيك النظام موعد مقابلة ولما يجي الموعد تروحي للسفارة وتقدمي لهم الأوراق المطلوبة وهي

1- صورة من الآي توني
2- صورة من تسديد رسوم الفيزا من بنك سامبا

والطريقه طبعا تروحي للبنك هذا وتقولي لهم أني أبغى أسدد رسوم الفيزا الأمريكية يعطوك نموذج تعبينه وتعطينهم الدراهم ^_^ (الظاهر 438) أو قريب من هالمبلغ

3- قبول تعبئة الأبليكيشن وهذا يطلع لك بعد ما تعبي الأبليكيشن وفيه الموعد والأسم وباقي المعلومات وترى على فكرة أغلب الشباب والشابات يعبي الطلب من أحد المكات لأن شغلته شغلة يعني من مكتب أحسن لك

أخيرا : صورة من السيفس وهو أوراق تجي مع الآي توني من المعهد

وخلاص على كذا

وبعدين تنتظري افيزا لما تجي وإذا جت تروحي بالسلامة ^_^

وإذا كانت بعثتك حكومية طبعا لازم تروحي للتعليم العالي وتأخذي أمر إركاب وتذاكر وضمان مالي وإلخ

إن شاء الله كل شيء واضح

وأي خدمة أنا حاضر

وشكرا

الف شكر لك يا اخ عبدالله والله انك ماقصرت
الله يجعله بميزان حسناتك يخوي

يعني اول شي اروح للمكتب واقدم ع المعهد والجامعه
واستنى الاي توني
ولمى يجي الاي توني والسيفس اروح اسويلي موعد
للفيزا صح ؟!

طيب على موضوع الدارسين على حسابهم او البعثه
انا عند طلب الحاق بالبعثه
يعني هنا كيف اموري يقولون احتاج ضمان مالي ومدري ايش
انا لسى مارحت بقدم على بكالوريس ان شاء الله
بس عندي طلب الحاق من الوزاره وقالولي
جيبي القبول اوالفيزا وتعالي

لاهنت

الله لايهينك يخووي
ماصرت والله
الله يجعله بميزان حسناتك

..

أختي Tulip-89

طبعا الضمان المالي ما تحصلين عليه إلا بعد ما تنضمين للبعثة الحكومية


يعني متى ما قبلوك بالطلب (طلب الإلحاق) راح يعطوك الضمان

وبالتوفييييق إن شاء الله

وأتمنى أنني أكون قد أجبتك على أكمل وجه وأي خدمة ثانيه أنا حاضر

وبالنسبة للكلام اللي ذكرتيه فهو عين الصواب

وشكرا