استفسار لطلاب امركا اين انتم

ما حددت اي ولاية رايح ؟

لا تحسب الانظمام سهل لدرجه هذي عارررف فيه ناس انظمو من اول شهر وفيه ناس لسى لهم 8 شهور ! ولا تنسى ان بتطلع مصادف للمرحله السادسه للبعثات. يعني راح ت تاخر بالالتحاق.

اقولك اطلع مع اختك افضل لك , مجرد ما تخلص 75% امورك عواافي ,

لكن اذا طلعت مع اختك تاااكد انه لازم تجيب فيزا f1 فيزة طالب , وبكذا من اول ماتطلع تضمن ان لك راتب , محفول مكفول ,, احسن من انك تبقى على امل الانظمام, ويمكن ما تنظم, هل تقدر على المصاريف!

استخير افضل لك,, وربي يوفقك .

وعليكم السلا م ورحمة الله وبركاته اخوي



كل الكلام اللي سمعته او إنقال لك سليم وصحيح.


وبصراحة اهنيك على اصراراك وطموح ماشاء الله عليك تبارك الله


وخطوتك جداً ممتازة وجريئة ولكن فيها مجازفة إلا إذا بتضمن تكون انضميت للبعثة بوقت قصير اقولك توكل على الله

واذا ما انت ضامن شي فمرافقتك هي الحل الأنسب لك لأن المجازفة بالغربة مو سهلة ولا تحسب انك راح تقول ابعيش لحد ما يلحقوني بالبعثة إلا والله اذا عندك ميزانية قوية هذا شي ثاني ولكن اذا مثل ما ذكرت بتبيع سيارتك فما انصح بالتهور هذا خل الحل هذا هو الخيار الاخير لو قدر لك وما خلصت النسبة المحددة وترجع اللي انت بترافقها خله هو الحل الثاني لك مثل مايقولون الامريكان دايماً الخطة B يمكن تجي هنا وما تقدر تتأقلم بسهولة وترجع للسعودية ما تسوى عليك تكون خسرت الثنتين السيارة واكمال دراستك هذا رايي والقرار الأول والأخير لك ولكن صل صلاة الاستخارة قبل اي خطوة واكثر من مرة لحد ما تشوف انك ارتحت لقرار معين.

والله يكتب لك ما فيه خير ويوفقك ويوفق كل مبتعث ومبتعثة ويرجعون رافعين روسهم وتقر عيون والديهم فيها ويكونون مثلوا دينهم قبل كل شي ثم وطنهم خير تمثيل ونقلوا صورة مشرفة عن المسلمين والشعب السعودي.



وبالله التوفيق،،





أخوك/
*عظيم الصمت*