-
تعال وشاركنا .. من وين اخذت ملابسك قبل السفر ؟
السلام عليكم ورحمة الله وبركاتة
مساكم/ صبحكم الله بالخير لكل المبتعثين و الدارسين علي حسابهم الخاص سواء الاخوة الي سبقونا لامريكا و الي بعد ما راحوا
موضوعي اليوم اعتقد من وجهة نظري انه مهم بالنسبة للطلاب المسافرين ، فالبعض مايعرف افضل الماركات بالنسبة للملابس الثقيل او الخفيفة . فالمطلوب الان ... اذكر لنا التالي
1 - الولاية + المدينة الي بتروحها او التي انت فيها حاليا
2 - وكيف درجات الحرارة فيها
3 - ماهي ماركات الملابس الثقيلة او الخفيفة الي اشتريها
4 - وش المنطقة الي انت فيها حاليا ( او كنت فيها قبل لا تسافر ) في السعودية و من وين قضيت ( اسماء المولات او المحلات التجارية )
5 - بعد ماوصلت هل تضن ان الملابس الثقيلة او الخفيفة ارخص و اجود و افضل من السعودية
6 متوسط سعر الملابس الي اشتريها ( سواء داخلي او خارجي ) يعني كم توقع انك دفعت علي الملابس
٧- نصائحك و توصياتك سواء في التسوق بالسعودية او في امريكا
الهدف من هذا الموضوع انه يكون مرجع المحلات الي تبيع الملابس ، بحيث ان الشخص يحدد اقرب المحلات له ثم يروح و يقضي وهو عارف متوسط الاسعار قبل الشراء
اتمني المشاركة من الكل
وشكرا
-
رد: تعال وشاركنا .. من وين اخذت ملابسك قبل السفر ؟
لو انتا في السعودية اشتري منها أصرفلك لأن الملابس هنا توو اكسبينسيف
ترى اللي موجود هنا موجود هناك ماعدا ملابس البرد لأن المثل يقول اهل مكة أدرى بشعابها
انا في شيكاغو والجو مرررررره كولد الحاجات الخفيفه اشتريتها من جدة لكن ملابس البرد من شيكاغو طبعا.
-
رد: تعال وشاركنا .. من وين اخذت ملابسك قبل السفر ؟
شكرا لك و ننتظر باقي المشاركات
-
رد: تعال وشاركنا .. من وين اخذت ملابسك قبل السفر ؟
اذا كانت بتروح لمنطقه باردة أأهم شيء خذ بجايم داخليه من السعوديه لكن الجاكتات من أمريكا أفضل لانه في أنواع خاصه بالثلج وأنواع للمطر وبعضها للأثنين .خذلك جاكت واحد جلد سبور من السعوديه
والمحلات اللي فيها أشياء رجاليه حلوه بالسعوديه مثل محل نيو لوك - محل H&M -محل توب شوب - سنتر بوينت -أحيانا سيتي ماكس على حسب نوعيه قماشها .
-
رد: تعال وشاركنا .. من وين اخذت ملابسك قبل السفر ؟
^
^^
الله يعطيك العافية بس ياريت تذكري اسم المنطقة الي انت فيها ( جدة - الرياض - الدمام .. الخ )
-
رد: تعال وشاركنا .. من وين اخذت ملابسك قبل السفر ؟
والله خذ اللي يكفيك مبدئيا واذا كنت بمدينه بارده خذ معك بجامات
والملابس بأمريكا من وجهه نظري الخاصه احسن
-
رد: تعال وشاركنا .. من وين اخذت ملابسك قبل السفر ؟
الولاية : كاليفورنيا , المدينة سان دييغو
درجات الحرارة تشبه للرياض شوي < عدا الشمس التي هي حارقة خخخخ
الماركات : من كل بحر قطرة ما فيه محل معين
المكان : الرياض , المولات : من كل بحر قطرة .. مثلاً ستي ماكس .. صحارى .. سنتر بوينت ..ومحلات عشوائية حسب الفضاوة
الرحلة : بعد اسبوع , الى الآن في الرياض
المبالغ : والله انا احس اني كثرت , لأني ضايع ما بين نصايح الناس وكلام الوالدة خخخخ , طبعاً في الأول والأخير ما يمشي غير كلام الماما خخخخخ .. تقريباً ثلاثة ونص الى اربعة الاف
النصايح والتوصيات : لا تاخذ امك معك لأنها ما عليها أبد من النصايح خخخخ + رتب امورك بنفسك واحرص على انك ترتب شنطك بنفسك عشان تعرف وين حطيت اشيائك + خذ لك 5 الى 6 جينزات وكثر تي شيرتات وبلوفرات وشكل بالألوان < نصيحة الوالدة ما لي دخل
-
رد: تعال وشاركنا .. من وين اخذت ملابسك قبل السفر ؟
شوف على حسب ميزانيتك اذا يهم اللبس وفلوسك مبحبه شوي
عندك طريق العليا العام فيه كل شي تبيه وتراء حط في باللك اقل شي 200ريال مثلا رباعيات و ماكسفورت و ليمون ومحلات كثيره
اما الجنزات تختلف اسعارها
اما اذا ميزانيتك محدوده عندك لوكا لايزر فيه بعض المحلات مثل زارا و سيليو و بول اند بير و بيرشكا
وفيه سوق لاتروح له ابدا الشعله اسعارها مقاربه لي زارا واقل شوي منها
بس ملااااابسه ماتنفع ابداااااااااااااااااااااااااااا
-
رد: تعال وشاركنا .. من وين اخذت ملابسك قبل السفر ؟
لسى انتظر القبول على اساسه بشوف متطلبات الولاية من المناخ الخ
موضوعك حلوو وهادف
ان شاءالله لي عوده
جزاك الله خير
-
رد: تعال وشاركنا .. من وين اخذت ملابسك قبل السفر ؟
رح التحليه سوق لوكالايزر فيه كم محل
وفي العليا العام فيه محلات
وفيه عندك سنتر بوينت وستي ماكس رخيصه
فيه عندك سوق غرناطه في كم محل بطل
-
رد: تعال وشاركنا .. من وين اخذت ملابسك قبل السفر ؟
محل city plaza ,.... ومحل red tag ,,, من افضل المحلات
-
رد: تعال وشاركنا .. من وين اخذت ملابسك قبل السفر ؟
وزي ماقالو الأخوان ..... الملابس اللي من هناك راح تكون احسن .... بس هذا لا يعني انك تروح كلش على الحديده (^_^) .. والله يوفق انشاء الله .
-
رد: تعال وشاركنا .. من وين اخذت ملابسك قبل السفر ؟
مسهله ان شاء الله لاتشيلوهم
-
رد: تعال وشاركنا .. من وين اخذت ملابسك قبل السفر ؟
الولاية : wyoming
اسم المنطقة : laramie
البرد فيها مو طبيعي جدا زي ماهو معروف انها 8 شهور برد
المشتريات : من اكثر من محل بالشرقية بول اند بير . زارا . اكسبرس . اي سبرت . ديزانجول . ديزل . اكشنج ارماني .. والايس كاب من ريبوك . فوت لوكر . ونايكـ . وارماني اكشنج
القفازات من نايكـ افضل شي و ادي داس
الشوز وانتو بكرامة . جاك اند جونز . بول اند بير
والله يعين مستعدين للبرد وتكسير العظام خخخخخ
-
رد: تعال وشاركنا .. من وين اخذت ملابسك قبل السفر ؟
شكرا لجميع الاخوان الي شاركوا و الله يجعلها بميزان حسناتكم
عندي ملاحظة :
معقول لك الي سافروا و الي بيسافروا راحوا ويدهم فاضية ؟ يعني اكتفى كل واحد انه ياخذ لابتوب و كاميرا و جواله و اوراقه المهمة ؟
-
رد: تعال وشاركنا .. من وين اخذت ملابسك قبل السفر ؟
انا تقضيت من محل ابو 10
هههههههههههههههههههههههههههه
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة a7la_nany
انا تقضيت من محل ابو 10
هههههههههههههههههههههههههههه
زين وأنت تضحكين خليك تنسين عوار البطن...
متابعة للموضوع للاستفادة من خبراتكم .. إلى أن يأتي وقت السفر..
بالتوفيق للجميع..
-
رد: تعال وشاركنا .. من وين اخذت ملابسك قبل السفر ؟
انا ؤحلتي يوم الاربعاء القادم
ولاية/ اريزونا مدينة/ فلاق ستاف
درجة الحراره تقريبا اقل من الصفر
الشباب هناك موصيني على البجايم الداخلية مثل دروش وبرمان وانصحك تكون ملونه مو ابيض افضل
اما عاااااد الملابس ما ازيد على اخواني لكن اذا كنت بالرياض افضل (مجمع لوكالايزر) راح تحصل فيه الاشياء اللي تبيها من بناطيل وتيشيرتات وجيكتات وابوات وبلوفرات بس مشكلته غويلي في السعر بس ملابسة كلها ماركات حلوه
طبعا فيه اللي على طريق العليا محل زارى ومقابله محل انيو كويس وكذلك جنبة سنتر بوينت وفيه بعد على نفس الطريق بعد المملكة محلات حلوه وسعرها مناسب الي حد ما
لا اوصيك على البوت يكون مثل البوسطار مثل حق العسكر في شكله يكون طويل ادف لك وعشان الثلج مايدخل في رجولك
اوكد على نقطه البناطيل لابد تكون خفيفه ومريحه مو تاخذ شي تقيل ويابس يتعبك في التنقل والحركة ولاتنسى بجايم النوم توص فيها
ملاحظة / المجمعات بامريكا تختلف من مكان لمكان يعني في مدينة فلاق ستاف فيه مجمع عادي جدا
على كلا الربع هناك لكن المدن الكبيره مثل كالفورنيا او لوس انجلس راح تلقى اللي تبي بس ارخ الجيب
تقبل تحياتي
-
رد: تعال وشاركنا .. من وين اخذت ملابسك قبل السفر ؟
يعني من ردودكم نستنتج أن الملابس في أمريكا مو رخيصه مثل ما سمعنا !!!!
صح ؟؟
والله يعيطيك الف عافيه يا صاحب الموضوع على موضوعك الخطير والي جا في وقته
-
رد: تعال وشاركنا .. من وين اخذت ملابسك قبل السفر ؟
وان طرا لك تعتب على البطحاء فماهي بشينه وكلها ملابس والسلام
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة ابوعبدالعزيز1
وان طرا لك تعتب على البطحاء فماهي بشينه وكلها ملابس والسلام
ههههههههههههههههههههههههههههههههه
ياخوي لاتكثر ملابس نصيحه
خذ لك جاكيت واحد يدفي
وشويت ملابس تمشي حالك بها اسبوعين بالكثير
الملابس هنا رخيصه وخامتها ممتازه
-
رد: تعال وشاركنا .. من وين اخذت ملابسك قبل السفر ؟
الحمد لله قرب موعد سفري .. و راح اشارك معاكم
................
المدينة : جدة
الماركة : سنتر بوينت :
1 - اخذت كل البلايز منها ( اليوم )
2 - اخذت كم سويتر خفيف منهم
الماركة : CAT
1 - اخذت منهم جاكيت ممتاز جدا و ضد الموية و فيه مليون جيب !!!
2 - باخذ منهم بإذن الله ( الله يكرمكم ) الجزمة لانها سيفتي .
البناطيل : فما اضن اني حخرج عن مكانين :
1 - جوردانو
2 - محلات الخالدية ( نهاية شارع الروضة بالقرب من مبنى الخطوط )
........................
بس عندي سؤال مره مهم ..
من وين اجيب القفازات مع الـ ايس كاب ! بس ابي شي عليه الكلام يعني يدفني اليدين و الراس
........................
انتظر باقي مشاركاتكم
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة a7la_nany
انا تقضيت من محل ابو 10
هههههههههههههههههههههههههههه
رحتي تشتري ملابس ولا مراسم و برايات :wallbash:
اقتباس:
المشاركة الأصلية كتبت بواسطة faho0ody
يعني من ردودكم نستنتج أن الملابس في أمريكا مو رخيصه مثل ما سمعنا !!!!
صح ؟؟
والله يعيطيك الف عافيه يا صاحب الموضوع على موضوعك الخطير والي جا في وقته
ميزة الملابس في امريكا اجود ، لانها تصنع حسب مواصفات معينة ، بعكس بلدنا الحبيب الي كانك لابس كيس او خيشة رز !!
اقتباس:
المشاركة الأصلية كتبت بواسطة ابوعبدالعزيز1
وان طرا لك تعتب على البطحاء فماهي بشينه وكلها ملابس والسلام
لا يا استاذي مو ملابس و السلام :) ، مو معقولة اخذ ملابس من اول غسلة يخلص عمرها :(
اقتباس:
المشاركة الأصلية كتبت بواسطة node
ههههههههههههههههههههههههههههههههه
ياخوي لاتكثر ملابس نصيحه
خذ لك جاكيت واحد يدفي
وشويت ملابس تمشي حالك بها اسبوعين بالكثير
الملابس هنا رخيصه وخامتها ممتازه
كيف ما اخذ ملابس الي تبع اسبوعين بس ؟ يعني مثلا 4 بلايز و جنزين فقط ؟ .. بالعكس انا اشوف اني اقضي من هنا و بعد 6 شهور او سنة ( يالله من فضلك ) روح قضي ، و بعدين عندهم يوم اسمه ( بلاك فرايدي ) هذا اليوم كل شي فيه مجنون و تلاقي الشي ابو 100 دولار بـ 20 دولار ! لا و كل الماركات بعد !!
..............
شكرا لمروركم جميعا
-
رد: تعال وشاركنا .. من وين اخذت ملابسك قبل السفر ؟
الصراحة الله يخلي " البطحـــــــــــــــاء "
طبعاً السوق معروف عندنا في الرياض
كل شي تحصله هناكـ سواء ماركة والا غيـره وبأسعار مناسبة ومعقولة
وبأذن الله أن بسري عن قريب
والله ييسر أمور كل مبتعث ومبتعثة يارب
-
رد: تعال وشاركنا .. من وين اخذت ملابسك قبل السفر ؟
^^^^^^^
مايحتاج البطحا معروفة ..
يعطيك العافية
-
رد: تعال وشاركنا .. من وين اخذت ملابسك قبل السفر ؟
مميز أياد كالعادة
بالنسبة لي أنا يوم وصلت على أمريكا ماكان معي غير كم جنز
يعني ينعدون على الأصابع بسبب بسيط أني راح مكان الجو والبيئة
تختلف عن السعودية وكمان كان كل تخطيطي أشترى ملابسي من امريكا (وطبعاً هذي عادة فيني )
أي دولة أروح لها ما أخذ ملابس واجد معي بسبب الى ذكرته أعلاه
بالنسبة للبعض المحلات والاسواق في مدينتي ( نسيت المدينة المنورة..يابندر http://www.mbt3th.us/vb/imgcache/120375.png) فـ عندك أماكن التسوق في واشنطن
M-Street وهذا مشهور في منطقة تسمى جورج تاون وفيه كمان أسواق قريبه
كبيرة في فريجينا مثل البنتاجون ستي والتايسون كورنر وخصوصاً التايسون كورنر
هذا تحصلون العائلات الخليجية فيه بكثرة ويجون من الولاية القريبه على شان يتسوقون
بالتوفيق للجميع
-
رد: تعال وشاركنا .. من وين اخذت ملابسك قبل السفر ؟
والله مدري وش اقوووول...؟؟!!
قبل اسبوع تقريبا نزلت اخوووي السووووووق ومافي شي مرا حلووو تستاهل تدفع ليه وربي بالقطاره اشتري له
اول شي رحنا الفيصليه السامج اتشرى بس من GAP شي واحد بس واتشرى من محل FIFA شورت رياضه و شريت الاهلي المصري هههههههههههه .. ومن محل NIKE شيرت تركيا ومن محل اسمه CLIVEN اشترى شيرتين من عنده لانه كمان شوي غااالي يعني اقل شيرت ب300 ريال وبعدين رحنا حياه مول اللي كله هيئه اشترى من محل مدري وش اسمه بس ماركته اسبانيه بس شووي غااالي اشترى 3 جنزات من عنده وبعدها رحنا لوكلايزر اللي تقدر تقول انه سوق الشباب فيه اكثر من ماركه طبعا ZARA وربي مافيه فرق بينه وبين الهرم مدري وش جاه خاس فجاه كذا ..؟؟!! وكمان اشترى من محل BERSHKAطبعا هذا المحل اكثر محل سعره مناسب مايشطح كثير وعنده اشياء حلوووه بس مو دايم وبصراحه هذا المحل يعتمد على الشخص و ذوقه او بالاصح كيف اهو ستايله يعني ستايل رسمي او يحب ينوع بس هالمحل اكثره هبال شوي من ناحيه الالوان وهييك وكمان اشترى من محلPULLAND BEARهذا حلوووو يعجبني بكل شي فيه شوزات(وانتم بكرامه) او اي شي ثاني بس يشطح احيان بالسعربس مايشطح كثير يعني انت تشوووف بنفسك وتقييم الشي اذا يستاهل او لا..!!
وبنفس السوق هذا فيه محلات كثيره و حلوووه ... بس بعدين بعد ماداخ راسي وكرهت نفسي اني اطلع اخوي السوق معاي واشتري له كاني امه جاني اخوي الثاني اللي في بريطانيا يدرس قالي خلاص وقفي شرا ملابس اكيد هناك بتلاقون الافضل و الحسن وكمان الارخص طبعا وهذي الفروع كلها بالرياااااض بس مثلNIKE ZARA GAP BERSHKA هذي لها فروع اكيد ثانيه بس مدري اذا الباقي اللي ذكرتهم لها فروع ثانيه اولا..!!
و بالتوووفييييييييييييييق لللجميييييييييييييييع...
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة a7la_nany
انا تقضيت من محل ابو 10
هههههههههههههههههههههههههههه
ههههههههههههههه
حلوة بس لا تعيدهااا...
-
رد: تعال وشاركنا .. من وين اخذت ملابسك قبل السفر ؟
لأهـــنت أخوي آيآآد على هالمووضع بس مبيين لوه شهريين ’’
مشآءالله علييك نضرتك لبعييد الله يوفقك ’’’’ بس يالله موب مهم قد قضييييت
بس لحد يسآلني من ويين لاني نآسي أسآمي المحلأت لامحل وآآحد أعرفوه ههههه
لأنهم بالمختصر زرفني NEXT {{{ أهب ....
&&سؤال شآآطح <<< أيآآد متى سفرتك يالغلا ؟؟ ..
-
رد: تعال وشاركنا .. من وين اخذت ملابسك قبل السفر ؟
الرياض
zara مرره حلو واللحين فموقعم كاتبين انه فيه خصم اسعاهم مرره رخيصه وعندهم شوزات وتي شيرتات ..الخ
بس الظاهر لازم تروح للمحل عجزت اطلب من الموقع
T-shirts - Man - Sale - ZARA Saudi Arabia
كمان الجنز اشتريه من السعوديه لان امريكا الى الان مالقيت شي مناسب كلهم يابسين وشكلهم قبيح تحصلهم عند..
سنتر بوينت<<جنزاته وشوزاتهم مرره خطيرات حتى الشيرتات عندهم حلوه
مع انه افضل الشوز يكون ماركه نايك او دداس وبوما عشاان انت راح تستهلكهم
لاتنسى تجيب لك حزام لان كلها شهر ووزنك يتغير وتنحف يبيلك حزام يمسك البنطلون هههههههههه
بجامات البيت بسيتي ماكس ..
عالعموم الشتاء ينتهي بمنتصف شهر 3 ميلادي يعني لاتكثر مرره شتوي خله ربيعي صيفي مع جاكيت واحد او 2
-
رد: تعال وشاركنا .. من وين اخذت ملابسك قبل السفر ؟
خذ لك شي يقزرك اسبوعين والباقي اشتره من امريكا
امريكا ملابسها وماركاتها اكثر ونفس اسعار السعودية .. السعودية تروح ريفر ايلاند تشوف قمصان مثل وجيهم على 250 وانت طالع .. تجي هنا محل اسمه A&F عنده تشكيلة ملابس بنت كلب .. والقمصان تحتار وش تشتري وش تخلي والجاكيتات برضو كلام .. والاسعار كل شي على حسب قماشه وقوته .. عندك القمصان اسعارها على 70$ والجاكيتات غالية شوي .. زي اللي عندنا بالسعودية .. وهالمحل يسوي تخفيضات يصك الاسعار لين النص .. يعني القمصان تصير على 45$ يابلاش !!
انا ما اشوف ان امريكا اغلى .. يعني اذا كان نفس الماركة بتشوفه نفس السعر يفرق شي بسيط عشان العملة ولا تشتري الا من امريكا اصرف لك واحسن .. من زين محلات السعودية .. مافيه الا زارا اللي مايجيب الا جاكيت واحد زين كل سنة وبول اند بير تلقط منه كم شغلة وجاك ان جونز يالموت تطلع منه شي ينلبس اما الباقي وخصوصا سنتر بوينت مايبيع الا الخمام مع احترامي واشياء غالية احيانا والناس تشتري مدري شلون .. التسوق بامريكا امتع واحسن .. اشترو الاشياء المهمة والداخلية .. بجايم مابجايم والباقي اشتروه من هنا ..
هذي وجهة نظري واسف على الاطالة
-
رد: تعال وشاركنا .. من وين اخذت ملابسك قبل السفر ؟
والله يشباب يمكن انا اكثر انسان فريت اسواق جدة
عندكم البلد مركز المحمل والكرنيش فية كل الي تتمناة واسعار جداااا مناسبة ورخيصة كمان بس احسهم نصابين في الشوزات
بنسبة للكرنيش فية محلات كلها جكيتات مررررة ثقيلة
وفية اكثر الماركات
فية عندكم عزيز مول ولاندلس عندك فية كل المحلات والمراكات سنتر بوينت عندهم الشوزات حلوة ومريحة
وفية سوق قد شفتة اسمة هاير في غليل بجنب البيك بصراااااااااااااااااحة في اشياء حلو ومرررررررررررررررررررة رخيص انصح تاخذو الملابس الداخلية منو
طبعا الي يحب البولو مالك غير جردانو مررة حلوووة
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة Bu Flex
خذ لك شي يقزرك اسبوعين والباقي اشتره من امريكا
امريكا ملابسها وماركاتها اكثر ونفس اسعار السعودية .. السعودية تروح ريفر ايلاند تشوف قمصان مثل وجيهم على 250 وانت طالع .. تجي هنا محل اسمه A&F عنده تشكيلة ملابس بنت كلب .. والقمصان تحتار وش تشتري وش تخلي والجاكيتات برضو كلام .. والاسعار كل شي على حسب قماشه وقوته .. عندك القمصان اسعارها على 70$ والجاكيتات غالية شوي .. زي اللي عندنا بالسعودية .. وهالمحل يسوي تخفيضات يصك الاسعار لين النص .. يعني القمصان تصير على 45$ يابلاش !!
انا ما اشوف ان امريكا اغلى .. يعني اذا كان نفس الماركة بتشوفه نفس السعر يفرق شي بسيط عشان العملة ولا تشتري الا من امريكا اصرف لك واحسن .. من زين محلات السعودية .. مافيه الا زارا اللي مايجيب الا جاكيت واحد زين كل سنة وبول اند بير تلقط منه كم شغلة وجاك ان جونز يالموت تطلع منه شي ينلبس اما الباقي وخصوصا سنتر بوينت مايبيع الا الخمام مع احترامي واشياء غالية احيانا والناس تشتري مدري شلون .. التسوق بامريكا امتع واحسن .. اشترو الاشياء المهمة والداخلية .. بجايم مابجايم والباقي اشتروه من هنا ..
هذي وجهة نظري واسف على الاطالة
فعلا مجموعة من اصحابي بيقولوا لي نفس كلامك ، ولكن انا انسان ما اصدق الين اجرب بنفسي .
اقتباس:
المشاركة الأصلية كتبت بواسطة عبد الرحمن الشري
والله يشباب يمكن انا اكثر انسان فريت اسواق جدة
عندكم البلد مركز المحمل والكرنيش فية كل الي تتمناة واسعار جداااا مناسبة ورخيصة كمان بس احسهم نصابين في الشوزات
بنسبة للكرنيش فية محلات كلها جكيتات مررررة ثقيلة
وفية اكثر الماركات
فية عندكم عزيز مول ولاندلس عندك فية كل المحلات والمراكات سنتر بوينت عندهم الشوزات حلوة ومريحة
وفية سوق قد شفتة اسمة هاير في غليل بجنب البيك بصراااااااااااااااااحة في اشياء حلو ومرررررررررررررررررررة رخيص انصح تاخذو الملابس الداخلية منو
طبعا الي يحب البولو مالك غير جردانو مررة حلوووة
الحمد لله باقي لي شغلات بسيطة و من يوم الثلاثاء الماضي مكسل اروح اجيبها ، بس بإذن الله بكرة كلها بروح اخلصها لاني ما احب اترك شي فوق راسي و مقلقني
شكرا لكم
-
رد: تعال وشاركنا .. من وين اخذت ملابسك قبل السفر ؟
رحلتي في 24/2 ان شاء الله
المدينة المتواجد فيها / الخبر
والمتجه لها / تكساس هيوستن
بصراحة كل الشباب يقلون لاتشتري شي من هنا بس خذ لك جاكيت يدفي اهم شي وجيب لك شنطه كبيره واشتري من امريكا افضل لكـ
وانا بصراحة ما شفت جاكيت يدفي الى الحين كلها خفيفة وعاديه
اخذت وحده من جردانو
وجيز من زارا
بس
ادور لي شي حلو يدفي مالقيت ابد
وشكلها باخذ الشنطه وبحط فيها الاغراض اللي بدولاب
وبتوكل على اللهـ
واشكرك على طرحك للموقع المفيد
-
رد: تعال وشاركنا .. من وين اخذت ملابسك قبل السفر ؟
^^^^^^^^^^
خذ جاكيت الكات و توكل على الله .. مره ممتاز
-
رد: تعال وشاركنا .. من وين اخذت ملابسك قبل السفر ؟
والله مافكرت في دا الموضوع
عن نفسي اخر اسبوع بروح الخالديه يمدحونه والاندلس مول والبلد وصلى الله وسلم على محمد .. مااحب الاسواق
-
رد: تعال وشاركنا .. من وين اخذت ملابسك قبل السفر ؟
^^^^^^
فعلا انا ما احب الفرفرة بالاسواق لانها مملة و عاد الباعة هل يومين الا يبي يقنعك بالقوة انه البلوزة ايطالي و قيمتها ٤٥ ريال !! اجل ايطالي اصلي ب ٤٥ او البناطيل الي يجي يقول لك هذه اصلية و تاخذها بـ٩٠ ريال !!
شكرا لمرورك
-
رد: تعال وشاركنا .. من وين اخذت ملابسك قبل السفر ؟
السلام عليكم
انا رايح لدنفر بعد 3 اسابيع باذن الله
حاب اعرف ايش تلبسون بالضبط
يعني ice cup والشالات
والبجايم والجاكيتات
واذا دخلت المعهد والا مطعم والا بيت
راح يكون دافي واضطر افصخ الجاكيت او بارد
واقعد على لبسي عشان اعرف اشتري شي ينفصخ
زي الجاكيتات والبلايز او t-shirt
وفنايل مسكره
-
رد: تعال وشاركنا .. من وين اخذت ملابسك قبل السفر ؟
اقتباس:
المشاركة الأصلية كتبت بواسطة sulaiman-m
السلام عليكم
انا رايح لدنفر بعد 3 اسابيع باذن الله
حاب اعرف ايش تلبسون بالضبط
يعني ice cup والشالات
والبجايم والجاكيتات
واذا دخلت المعهد والا مطعم والا بيت
راح يكون دافي واضطر افصخ الجاكيت او بارد
واقعد على لبسي عشان اعرف اشتري شي ينفصخ
زي الجاكيتات والبلايز او t-shirt
وفنايل مسكره
وعليكم السلام و رحمة الله و بركاتة
بالنسبة لوش يلبسون .. هذه تعتمد علي المنطقة نفسها و كيف وضعها !! يعني برد او حر او معتدل
اذا دخلت مطعم ولا بيت عاد انت بكيفك محد يحكمك و ممكن تنزل الجاكيت و ممكن لا
-
رد: تعال وشاركنا .. من وين اخذت ملابسك قبل السفر ؟
سلاااام عليكووو..^^
أنا لسى ماوصل قبولي :( :jumpon:بس بدأت أشتري ملابس لأني سويت لي قبول بولاية تكساس وبروح لها لانها مو غاليه أخوي كان فيها ويقول بالبرد تثلللج وتجي فيها عواصف>>وناااصه..^^
أما قبول الوزاره ماني رايحه في ولايتهم حتى لو كشخه لان كل ولاياتهم غاليه زي نيو يورك ولوس انجلوس
الموهم ..
أنا بالشرقيه قضيت لي بالطوين بس واحد شتوي لاني رايحه ع نهاية الشتا ..^^
والتاني صيفي مع بلايز طويله كثيره صيفيه وكم جينز..^^ طبعا مع ملحقاتهم من جزم(وانتو بكرامه) وحجابات مالذ وطااب من الالوان.. D: :) :D :)
وباقي الملابس بأخذها من امريكا وخصوصآ وقت التخفيضات لحد يشوووفك ماشاء الله تخفيضاتهم تتسمى تخفيضات عن حق وحقيق يعني إختي كانت هناك تقول لي فستان مررره شياكه يجي ب 4$ مو هنا سعرها هو نفسه مايتيغير 200 يكتبو فوقها 400 ويحطو عليها خط عشان يسموها تخفيض وللا يجيك جينز 105 صار ب 99 :wallbash:>>قد إيش حنا مساكين خخخ
بالتوفيق للجميع..^^:greedy: