استفسار إستفسار عن تخصص فني أعضاء

,

مآفي رد =(

,

أفآآ صارلي فتره منزله الموضوع و صار بالصفحه الرابعه و لا رد فيه =(

لا هنتم

هلا أختي ،، كسرتي خاطري والله يوم قلتي الصفحه الرابعه وآسف اني ماشفت الموضوع الا الحين ،،
*هل يقدر يكمل دراسته معي و راتبه يمشي كامل و يبقى معي طول فترة الدراسه ؟
هذي تعتمد على نفس الجهه اللي يشتغل فيها ولكن التوقع الي معمول به في اغلب الجهات انهم يعطونه اجازه دراسيه بدون راتب ،، من ناحية صرف راتب كامل له ما أتوقع يصرفون له الا اذا كان مبتعث من نفس الجهه اللي هو فيها ،،
*هل فيه مجال لإكمال تخصصه بالولايات المتحده ؟
اكيد في مجال ،، ولكن اذا كان هناك توافق في جامعه تلقين فيها تخصصك انتي وتخصصه هو ،، أميركا فيها تخصصات كثيره جدا جدا لا تعد ولا تحصى ،، حتى تخصص ادارة المطاعم موجود ،،
* متى موعد التسجيل للإبتعاث درجة الماستر ؟
موعد التسجيل في هالصيفيه ،، ادخلي على موقع وزارة التعليم العالي ، اتوقع في شعبان كأني قريته ،،
،،
واذا عندك اي استفسار حاضرين ،،
بالتوفيق لك

طيب أنا قيل لي [أذا قبلك البرنامج و أخوك يبي يكمل معك و يبي يمشي راتبه مثل ماهو .. كلمي شخص أو أي أحد من المختصين بطلاب الابتعاث عشان يتفق مع قطاع أخوك ( يعني وزارة الصحه ) و تمشي أمورك تمام ]

و بصراحه يارائد المُثل Plato أنا مو متأكده من هالكلام .. و أبيك ياطيب تفسر لي الصوره و إن كان صحيح هل فيه حل أبسط من هالحوسه ؟

و موعد التسجيل معلش ياطيب تعطيني الرابط المباشر للأعلان ؟ .. لأني كل يوم أدخل لموقع وزارة التعليم العالي و أبحث فيه و ما أجد أي أعلان و أخاف يفوتني التسجيل

ياربي يسعدك ياطيب و يجبر بخاطرك و يناولك مرادك و يعلي مراتبك دنيا و آخره

من جد تخدمني الله يسهل لك كل أمورك و يفرح قلبك

هلا أختي ،،
هو بالواسطه كل شي يمشي بالواسطه يعطونك دبل راتب لو تبين
من ناحية الحل ماتوقع كل الناس اللي مرافقين هنا بدون راتب ،، بعضهم ياخذون الراتب الأساسي فقط لكن يكونون مبتعثين ،،
موعد التسجيل توه مانزل ،، بعد تقريبا حوالي الشهر اذا العالم طلعت شهاداتهم ،،
بالتوفيق لك يا أختي ،،
واي إستفسار اكتبي على حائط ملفي الشخصي لأني ممكن أنسى ما أخش الموضوع ،،
وشكرا على الدعوات ولكٍ مثلها

كلامك مطمأن

ربي يسعدك ياطيب و يوفقك يارب

و أبشر أن شالله لو أحتجت شي بغثك بالبروفايل =)

لك دعواتي

بالتوفيق لك ،،،،