عزيزتي لو تبين نصيحتي وضعك صعب وأنتي تخسرين فلوس ووقت
أشوف إنك تراسلين مكتب قبولات بالرياض والأفضل انه يكون عن طريق شخص من طرفك هنا بالرياض يروح لهم ويتفق معاهم انهم يجيبون لك قبول تقريباً بـ 2500 ريال أو اقل حتى بس يجيب القبول في ظرف 3 اسابيع
ولو تبين تكونين عملية أكثر بطرح لك رابط تحت ادخلي عليه واختاري الدولة أمريكا واختاري أي ولاية وشوفي تخصصك بأي جامعة وتحت تخصصك بتلاقي خيار بخط صغير مكتوب جامعات أخرى تدرس نفس التخصص
إذا ضغطتي عليه راح يستعرض لك جميع الجامعات بأمريكا إلي تدرس هالتخصص
لو تبين ابدأي راسليها جامعة بجامعة وشوفي شو الردود
ولو تبين كلمي أي أحد بالرياض يروح للمكتب ويتفاهم معاهم يجيبون لك القبول ويظل كل يوم والثاني يروح لهم ويكلمهم عشان يعرفون انه مهتم ولا يطنشون
ولو تبين عندي ايميل مدير المكتب واعرفه وامون عليه أعطيني معلوماتك كاملة وأنا أسأله لك (مجرد استفسار)
أكيد تعرفين انه يلزمك جميع الشهادات وسي في خاص للجامعات الأمريكية لطلاب الماستر للتقديم وخطاب الغرض من الدراسة
ولو تبين خطاب الغرض من الدراسة عندي نسخة ممكن تدخلين عليها تعديلاتك لو حبيتي
أنا كنت بنفس وضعك وأعرف نفسيتك وإلي بيدي وبقدر عليه أنا تحت أمرك
انتبهي من المكاتب الوهمية إلي يسوقون لأنفسهم عن طريق الخاص بهالمنتدى وغيره من المنتديات, بعضهم يدعي أن موقعه بمصر وبعضهم يدعي أنهم بالسعودية وكلهم مجموعة نصبة
موقع الوزارة للجامعات المعترف بها
الجامعات الموصى بها
تحياتي
Anas J June 23rd, 2012, 05:52 AM
7 "
June 21st, 2012, 03:27 AM
للحين مالقيت قبول ماجستير ..هل أستطيع أن أقدم على الملحقية أني أدرس بكالريوس وأنا عندي اصلاً بكالريوس من قبل ؟!
وغير هذا أني فاتحه ملف لدراسة ماجستير
أرجوكم أفيدوني محتاره جداً
قررت أرجع السعودية والسبب أن للحين ماعندي قبول ماستر وللحين مانضميت