استفسار مخطط ابتعث على حسابي بس قدامي عقبتين بخصوص التخصص + الفيزا والسفر .. ارجو المساعده

September 16th, 2012, 11:21 PM

السلام عليككم اخواني

انا تو مسجل وصراحه محتار جدا بخصوص السفر للدراسه بامريكا .. انا محتار بين المعهد التقني السعودي لخدمات البترول ممكن ادرس فيه وعند اهلي واتوظف بمنطقتي ودراسه سهله سنتين ووظيفه مضمونه
او ابتعث برى وما ادري وش بيصير صراحه خايف

تقريبا انا حلمي اني ادرس بامريكا بس فيه عقبتين لو قدرت اتجاوزها راح اجهز اغراضي واتوكل على الله واسافر
وانا هنا عشان اطلب مساعدتكم وبتفدوني باذن الله من بعد الله اكيد

الشيء الاول الي مانعني اسافر الي هو التخصص .. عشان التحق يقولون بشروط الملحقيه لازم تكون من التخصصات التاليه : الطب – العلوم الطبية – الهندسة الميكانيكية – الهندسة الكهربائية – تقنية الهندسة الكهربائية – تقنية الهندسة الميكانيكية – المحاسبة – القانون – هندسة وعلوم الحاسب الآلي – السياحة والفندقة
هذا هو الشرط الثالث للالتحاق

السؤال هنا هل انا مجبور ادرس احد هالتخصصات عشان التحق لاني صراحه ما ابي ولا وحده منها .. ابغى هندسة سلامه او تسويق او على الاقل هندسه معماريه
هالتخصصات الثلالث يقبلونها بالتحاق ؟ رجاء ابي الكلام الموثوق 100% وما ابي توقعات او نظريات
راسلت الملحقيه بخصوص هالموضوع اكثر من مره واكثر من شخص ماردو اذا تعرفون شخص يرد بسرعه ياليت تعطوني صفحته او طريقة التواصل معه
اذا اكتشفت ان مو لازم احد هالتخصصات احتمال 95% اني اسافر


الشيء الثاني مو متأكد منه بس سمعت ان بامريكا في شيء له علاقه بالفيزا او مدري وش , الزبده انك لما تتبعث وتدرس ماتقدر ترجع للسعوديه الا بعد سنه وفي ناس يجلسون سنتين وفي ناس اكثر مو على كيفك ترجع باي عطله او متى ما تبي هل هالكلام صحيح او في شيء مقارب لهالكلام ؟ لاني اكيد اي اجازه بقابلها برجع هنا .. فهل هالكلام الي سمعته صحيح ؟

لو اقدر اختار التخصص الي ابي غير من تخصصات الشرط الثالث ولو كلام الفيزا وعدم القدره على زيارة السعوديه كلام غلط فأنتظريني يا امريكا
لو التخصصات محصوره احتمال 5% اسافر واحتمال كبير اكنسل .. لو صدق مقدر ارجع للسعوديه الا بعد فتره وحوسه فبلالها ابتعاث

• نشر عبر تويتر
• نشر عبر فيسبوك
• نشر عبر جوجل