و عليكم السلام ورحمة الله وبركاته .. الله يجزاك خير اخوي ويوفق اخوانك .. قبل لا نجاوب على استفساراتك احب الفت انتباهك الى نقطه معينه .. نظام الانضمام للبعثه واضح .. لازم يكون عند اخوانك قبول مشروط عشان ينضمون ان شاء الله خلال اربع شهور من بدء دراستهم اللغه في امريكا .. يعني اهم شي قبل يطلعون من السعوديه يكونون عارفين تخصصهم الي يبون يدرسونه ولهم رغبه فيه + عندهم قبول مشروط من جامعه معينه في امريكا .. كون ان معهم هالشرطين هذولا راح تتسهل امورهم ان شاء الله في الانضمام بالاضافه الى انهم بيكونون مرتاحين نفسيا من ناحية القبول وخطواته وعارفين هم بيدرسون أي تخصص في المستقبل .................... وفي حال ما كان معهم قبول مشروط راح تطول معاملتهم في الوزاره لما يجيبون قبول مشروط وهذا راح يؤدي الى نزف مادي ومعنوي ونفسي بالنسبه لكم جميعا ... بعد هذي المعلومه حدد قراراك اخوي ..... والله يوفقكم
7 " مساعدة ناوي ارسل اثنين من اخواني لأمريكا الرجاء المساعدة
مساعدة ناوي ارسل اثنين من اخواني لأمريكا الرجاء المساعدة
تنبيه: هذا الموضوع قديم. تم طرحه قبل 4009 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- و لا مانع انهم بعد الانضمام يغيرون الجامعه او التخصص اذا كان تغيير الجامعه والتخصص في مصلحة الوطن و مصلحتهم7 "
-
7 " - اخوي القبول المشروط يعتمد على الدرجه العلميه الي حاب تدرسها وعلى التخصص .. للبكالريوس اسهل من الماستر والدكتوراه .. مثلا عندك جامعة فرجينيا كومنولث يونفيرستي وينوفيرستي اوف واشنطن .. هذي ما عندك مشاكل معهم يعطونك قبول مشروط خصوصا الاولى .. والثانيه حاول معهم .. اما بالنسبه للماستر ففيه عدة جامعات مثل رايت ستيت ينيفيرستي .. نوفا .. اللونق ايلند .. هذا اللي يحضرني عزيزي حاليا .. والله يوفقكم ..7 "
- - - مشاركة محدثة - - -
توضيح .. طبعا أي جامعه تعطي قبول مشروط للماستر .. أكيد انها باذن الله تعطي قبول مشروط للبكالريوس - اتمنى لك التوفيق والنجاح7 "
- يليت يا اخوان احد يوضح لي7 "
انا ماني فاهم وش قصة قبول مشروط من غيره
ويليت واحد يرد على استفساراتي لأني لحد الان ما اخذت معلومه من احد استفيد منه - القبول المشروط ..قبول يقولك انك ماتدخل تدرس الماستر او البكالرويسو الى لما تعدي الشرط..احيانا يكون الشرط انك تعدي الايلس او التوفل7 "
واحيانا انك تدرس بمعهد فترة
موفق يارب - طيب يا اخوان انا حطيت استفسارات وانتم ما رديتو عليها7 "
يليت واحد يعطيني الزبدة
يعني
ابي مدينة كويسه ورخيصه من حيث التكلفه
والجامعة تكون معتمدة ومقبوله من ناحية القبول بالبعثات - السلام عليكم .. بحكم قراءتي هنا بالمنتدى عرفت انه عندك اكثر من ولاية رخيصة ومقبولة جدا جدا للسعوديين من جميع النواحي مثل نورث كارولينا و اورقن وكولوردا وايضا ابعد عن الولايات الجنوبية7 "
May 7th, 2013, 12:28 PM
السلام عليكمعندي اثنثن من اخواني ناوي ارسلهم الى امريكا
لكن والله محتار بقوه
لأني صراحه ماني عارف شي
الاخ الاول عمره 25 سنه وتخصصة شرعي ومتخرج سنة 1426 ونسبته هي 85 %
الاخ الثاني عمرة 23 سنة وتخصصة شرعي ومتخرج سنة 1431 ونسبته هي 76%
في البداية ناوي ارسلهم على حسابي وبعدين احولهم على البعثات الخارجية ( بأذن الله سوف احاول تحويلهم على البعثات)
لكن عندي كم استفسار بخصوص الدراسة في امريكا والجامعات والسكن والمدينة الي راح يسكنون فيها
يليت احد يفيدني بالاستفسارات التاليه:
1/ ابي جامعه سهلة الدراسة وتخصصاتها مقبولة في امريكا؟
2/ ابي مدينة تكون رخيصة من ناحية التكلفة والسكن؟
3/ يليت الافادة عن التخصصات السهلة اذا امكن؟
4/ هل تنصحوني اخلي اخواني يدرسون مع بعض او ابعدهم عن بعض بحكم اني ما ابيهم يضيعون بعضهم بالرغم من اني اقول دائم عند بعضهم يكون افضل لهم من حيث السكن وشيل بعضهم؟
5/ هل هناك مناطق في الولايات المتحدة الامريكية فيها عنصرية ضد العرب والمسلمين وخاصة السعوديين ؟
يليت اذا كان هناك اي نصائح اخرى تساعدوني فيها لأني والله ثم والله بحاجتكم