حوار شاركنا برأيك عن مدة الإجازه الكافيه للسعودية

وعليكم السلام ورحمة الله وبركاته

اللي يرجع عشرين يوم احس انه ضيع وقته على الفاضي
لان مايمدي يوصل الا وهو مسافر

بالنسبه لي تعتمد على وضعي الدراسي
اذا اخذت صيفي ارجع بالكرسمس شهر وعليها
واذا ما اخذت صيفي ارجع ثلاث شهور وصارت مره وحده وان شاء الله الصيف هذا نفس الشي

عن نفسي لو بكيفي برجع طول السمر
بس بعض الأوقات احتاج اخذ كلاسات في السمر عشان كذا اجلس


بالنسبة لطلاب اللغة بعض الاوقات الملحقية ماتوافق يأخذون أجازة اكثر من شهر
الا اذا كانت اجازة رسمية للمعهد .. لذلك اذا كنت طالب لغة ممكن مايعطوك أكثر من شهر

و عليكم السلام ورحمة الله و بركاته

اخوي تحمل وجهة نظري و التي قد لا تعجبك . . هناك بعض الأمور الحياتيه يجب علينا اتخاذ قرارتنا حيالها بأنفسنا بناء على طبيعتنا الشخصيه و ظروفنا . . فمثل هذا الأمر جداً بسيط و لا أرى فيه فائده من استطلاع الآراء الآخرى . . يجب أن يكون لدينا الثفه في اتخاذ القرارات و تحمل تبعاتها . . و الله يوفقك عزيزي و اعذرني عالمشاركه الغير لطيفه ربما !

إستطلاع غريب نوعا ما ,,

عموما , أنا آخذ إجازه على أطول مدة أقدر عليها ..
والصيفية هذي شهرين بإذن الله

يعطيكم العافيه ..

اتقبل وجه نظرك بكل صدر رحب

صحيح كل واحد واختياره الشخصي هذا كلام مانختلف عليه

لكن مقصدي من تنزيل الموضوع للناس اللي ماقد نزلوا للسعوديه مثلي انا ..

ماعندي اجازه صافيه لي في السعوديه الا 11 يوم .. يا ارجع فيها يا انتظر للكرسمس .. وانا لي 8 شهور

هذا كل مقصدي في الموضوع

ماجربت شعور الغربه لفتره طويله عشان اقدر احدد هل هالمده كافيه لي او لا
انا باعتقادي انها كافيه لكن بعض الاصدقاء قالوا انتبه ترى رجعتك مايمديك توصل الا انت راجع .. ونفس الوقت كذا واحد قال ارجع تراها كافيه وزود منهم اخوي اللي سبق ودرس في الخارج ومجربها ..

السلام عليكم
الرحله بتاخذ منك يوم للروحه ويوم للرجعه اذا كان ماعندك ستوب اوي اي شي يعطل مسار الرحله
يعني يبقا لك 9 ايام اليوم الاول بتريح واليوم الاخير تبي تجهز اغراض العوده وتتأكد من الاشياء اللي ناقصتك واوراقك وكل شي
يعني يبقا لك 7 ايام اذا هذي اول مره ترجع بتجيك عزايم بالغالب وياتلحق ويا ماتلحق
بالعربي 11 يوم مايمديك تحط رجل بالسعوديه الا وهي مخلصه
بعض المرات ارجع شهر وعليها ولا يكفي الوقت
ماتدري انت تبي تقعد مع اهلك او ربعك او تسافر او تاخذ لك عمره

كالعادة بارك الله فيك مبدع أخي
الله يصبرك , ورأيي اسمع كلام أخوي العزيز
موفق

شهر كثير .. و 10 ايام قليل ...

بين (15-25 ) يوم مناسب جدا !! 3 اسابيع يعني

انا من وجهة نضري اذا سفرك راح يغير نفسيتك ويجدد طاقتك ويعطيك دفعه معنويه للافضل فانا انصحك تسافر لو اجازتك قليله اما اذا نفسيتك وامورك ووضعك تمام وماراح يختلف سواء طلعت او جلست فأنا ماانصحك لو اجازتك شهر .. انت احسبها وشوف


( تمت المشاركة باستخدام تطبيق مبتعث )