حوار تجمع طلاب المرحلة الثانية من برنامج الابتعاث الخارجي لأعداد المدربين التقنين

يخليك ربي ويحفظك ويطول بعمرك ويحفظ لك جميع أهلك > من كثر حبه لوالدته راح يدعي لأهل أخوه محمد جميعهم بس لأنه دعا لها بطولة العُمر وربي يحفظها ... :$ ..
حبيبي محمّد تدري إن معدلي انا من المفترض يكون أعلى من كذا بس عندي مدرسين يعطوني درجات أقل ، عندي أنا B+ وَ C+ بمواد التخصص وأنا عارف نفسي إني المفروض آخد فيهم A+ بسبب مدرسين مصريين !!!!
والله حرام إحنا نتعب ويجونا ناس مثل هدُول ينزلوا من معدلاتنا ، رُغم إني أحترم أستاذين مصريين ، واحد إسمه المهندس عماد حماده ، والثاني إسمه تقريباً محمد بس نسيت لقبه درسني تطبيقات حاسب .. هدُول أفضل مصريين درسوني بحياتي كلها ..
السعوديين آخ لاتذكرني ياخُوي كان عندنا مُدرس إسمه المهندس خالد العفاري والله إنه شمعَه هالمُدرس هوَ مع المُهندس محمد المسباح ، تدري إني داخل تخصصي مادري عنه شيء بسبب تشجيعهم وصلت الى ما أنا فيه ؟ بسبب كثر كلامهم تحمست ومشيت بالتخصص والحمدلله مشيت هههههه .. المُهندس خالد راح كلية الاتصالات ويتمنا بعدين وتوهقنا بمصري .... طوط طوط > لو يشوفه قدامه حرقه ببنزين أجل محسوبنا يقولون إنه مهندس وأخرتها مايعرف إنجليزي ؟ يبا سلامات هههههههه ..
آخ يالمؤسسة تجيبين لنا حرّاس مدارس من مصر ويدرسونا ..
انا اللي اعرفه ان بتخصصي الشركات الكبيرة ماحد ماسك التخصص فيه الا الهنُود ، ولا اكتشفت ان هذا الشيء تقريباً بجميع دول العالم !؟
المصارية اذا يشتغلون بذمه على عيني وراسي أما أنهم يجونا يبون بس الفلوس والله حرام يضلوا هنا المفروض اي واحد من هالشكلية يطردونه براااااااا السعودية تراهم اقلقوا عيشتنا من اول ابتدائي الى الكلية !
شوف كلية الجبيل ماذكر شفت فيها مصريين شفت بس اردني ، حق الماث بس إبداع شرحه واذا خلص من الشرح نام هههههههه بس الزبده انه يفهمك ..
إن شاء الله الله يسمع منك ويكون لهم النصيب الاكبر بالمرحلة الثالثه ..

ينعم بحالك اخُوي محمّد .. إيوة جيرانكم ، بس آنآ بالقطيف مو بالدمام يـ خوي ..
الله يسهل حبيبي وإن شاء الله نكُون بنفس المحل ، الشررف لي يالغالي أتشرف فيك زود ..
إن شاء الله يسمع منك > هو اللي راح ينشب مو إنت اللي بتنشب فيه ههههههههه

تصدق إني للحين مو عارف أنام ؟
أبي أحد يعطيني المميزات اللي اذا رجعنا وتوظفنا بهَا بالمؤسسة وش هي غير الراتب ..
هل فيه تأمين طبي ؟
هل هناك مميزات ؟
كم تكُون الزيادات السنوية ؟
أبي المميزات كلها لأني أبي أقارنها بشيء وأشوف بعدين ..
وأكُون شاكر للي يفيدني بهذا الخصوص ..


والله إني نعسان هههههه بس مو جايني نوم

ههههه .. تسلم يا بعدي جزاك الله كل خير ..
واي والله يابعدي انا مثلك .. في مادة انظلمت فيها والله .. كنت فاهمها صح .. والي هي صيانة الحاسب وتجميعه
وكان عندي عملي ونظري .. النطري مهندس اردني ممتاز جداً وشرحه رائع [ احمد جمعة ] >> كان يعمل بالديوان الملكي بالاردن
وعلى كلامه تجيه لابتوبات الاميرات والامراء الي هناك ومن كثر ما يصلح اجهزتهم طيح الميانة معهم هههههه
>>>> ودك يا شيخ نصير كذا ههههههه
والعملي مهندس مصري .. والله نكره ندخل القاعة عنده .. دايم شايف نفسه هو الـTOP
لدرجة والله يقول لنا : اذا انتوا جبتوا شي جديد انا ما اعرفه لا تحسبون نفسكم اذكى مني , لا انتوا بس قريتوا المعلومة قبلي وانا بقراها بعدكم وراح افهمها احسن منكم لانها من تخصصي
تخيل !!! كان دايم يحطمنا ..
وبالاخيرة اخذت بالمادة B وهذا الي قهرني لاني بالنظري فل مارك .. والعملي نزلني .. رغم اني مبدع عنده
لكن ما انكر صراحة بعض المهندسين والدكاتره الي والله فضلهم الى يوم علي بعد الله ..
مثل الدكتور [ السيد سليمان - اساسيات امن حاسبات ] ما نزلت عنده المدة الا بعد 3 اسابيع من بداية الدراسة وفاتني الاختبار الاول من 12 درجة !!
يعني على كذا راح علي الـ A+ فيها .. لكن تعاون معي .. قالي اختبر الاختبار الجاي واذا اخذت فيه كامل اعطيتك نفس الدرجة بالاختبار الي ما حضرته .. وما انزلت النتايج الا حاط لي A+ وعطاني توصية لما خلصت الكلية
والبرفسور [ دسوقي عيد - اساسيات الكترونيات ] رائع بكل معنى الكلمة في الشرح والتعامل .. وبرضوا اخذت منه توصية
وهذييلي كلهم مصريين .. ولكن فعلاً فيهم من الزين والشين ..

لكن يا وحدآني هقوتك احنا لرجعنا نصير زينين ولا شينين مع الطلاب هههههههههههه
الله يسهل علينا ونخلص كل المراحل ان شاء الله ..~
وان شاء الله لتأهلت واياك وجميع حبايبنا هنا نتفق عشان نتعرف على بعض اكثر بمقرات التهيئة ..
ولو علي ودي كلنا نكون بمقر واحد ونجتمع بزاوية نكتب عليها [ تجميع طلاب المرحلة الثانية - منتدى مبتعث ] هههههههههه

اصبر يا بعدي صل العشاء والتروايح وتوكل على الله وحط راسك للسحور ..

لولولولولولووووووووووش ههههههه
مبروك يا خريجة .. والله من جد نسيناك ههههه
لكن الحمد لله على قبولك وقبولنا كلنا
يالله استعدي للمقابلة الشخصية والله يوفقنا جميع

^
صح النوم ياشيخ .
ها وين وصلت في الحلم

ما شاء الله تبارك الرحمن
انت ثاني واحد يمر علي بنفس هذي الطريقة
شوف .. انا لما بديت التدريب الفصل الماضي .. رحت عند محل صيانة ممتاز من كل النواحي
من التعامل من الزباين والعاملين فيه وكان محل معروف بالمدينة عندنا وله اكثر من فرع
وكان صاحبه صديق الواحد وهو الي وافق اطبق عنده
لماد بديت اطبق كان في واحد سعودي يشتغل معي لانه كان قريب لصاحب المحل
لكنه كان ممتاز جداً بالصيانة .. تعلمت منه كثير .. كان يفتح الابتوب قطعه قطعه ويركبه افضل من تركيب المصنع ههه
لما سألته وين تدرس ؟ قالي : انا خريج الكلية التقنية لي سنة من تخرجت ..
قلت له : حاسب ؟ ... قالي : لا ادراة مكتبية - تسويق ..
انا صراحة استغربت لانه ما شاء الله احسن من اي واحد ممكن يتخرج من الحاسب عندنا
رغم اني من المتفوقين بتخصصي بالكلية الا انه كان افضل من بمراحل بحكم خبرته الـ 5 سنوات الي بداها من المحل هذا
وما شاء الله عليه .. طلع الولد متفوق وماخذ مرتبة الشرف الثاني بالتسويق .. وانقبل بالمرحلة الاولى ^_^
وهو الي بعد الله عرفني على مراحل الابتعاث الخاص بالمؤسسة بحكم انه الان يخوضها
وهذا هو الحين بعد العيد مسافر على بريطانيا .. ^_^ واقوله ان شاء الله بلحقك بعد كم شهر وضبط لي السكن هههه

وانصحك اخوي لا تنسى هالشي ومعرفتك بمجال الحاسب اثناء المقابلة لانها ترفع اسهمك برضو حتى لو ما كانت من تخصصك ..
والله يوفقك يا بعدي ..~

هههههههههههه صح بدنك
والله صاحي من العصر ودخلت هنا المنتدى ..
وجالس اتصفح ردود الاعضاء وتوني برد الا تجيني الوالده .. تقولي قوم قوم ..
اقولها شفيك ؟ تقول لي : الشغالة طايحة من الدرج ومنشق راسها ..! يالله سترك وعفوك
واطير فيها المستشفى .. وعطوها كم غرزه براسها ..
والحمد لله لحقنا على الفطور ..

شكلي بشوف الاخت ارووش تقول عندها شغالات بالبيت زايدين هههه
اذا تعطينا وحده بدال شغالتنا عشان نعطيها فترة نقاهة

شباب الله يعطيكم،ـ العافيهـ بسألكمـ بالنسبة للأورآق المطلوبة طبعـآ كلهـآ مفهومه :
لاكن بالنسبة للصور المطلوبة هل هي بالزي الرسمي او مكشوف الرأس وماهو لون الخلفية المطلوبة
..وبالنسبة لشهادات الخبرة هل هي مطلوبة اجباريا وهل وجودهـآ يضع الافضلية ..
ياريت اللى عندهـ معلومه يفيدني ومشكوررين ..وثاني مرره اقووول الف مبروك للجميع المقبولين .. تحياتي

اخوي اتوقع الصور الشخصية .. صور عادية يعني بالشماغ
لان لو يبغون صور بدون لاشماغ كان كتبوآ ..
لكن بالبرنامج التاهليلي اذا جيت تقدم على الفيزا يقولون لك نبغى صور بدون شماغ ..

حالياً وعلى كلام بعض الاخوان في المرحلة الأولى
تكون الصور المطلوبة للمقابلة الشخصية
بثوب وشماغ .. ويفضل الخلفية تكون بيضاء << ما ادري وش الحكمة

(( إضافة : الصور المطلوبة للمقابلة 4×6 ملونة بثوب وشماغ ، الصورة المطلوبة للتقديم ع الفيزا 4.5×3.5 مكشوف الرأس ))
طبعا هذي الاضافة موجودة بالمنتدى بس ما اذكر بأي موضوع

وكلام اخوي محمد العاني صحيح 100%
الصور مكشوفة الرأس ماراح تحتاجها الحين

وبالنسبة لشهادات الخبرة
إذا عندك .. ارفق صور منها بس
واكيد انها تفرق بين اللي معه واللي ما معه

يالله سترك ،سلامات والله يكون في عونكم .
اسكت ياشيخ ، قبل امس جبنا شغالة طازة .
ومافيه غير قوة إشارات
قاعد اتخيل نفسي وانا لغتي مره في الانجليزي توب

بس ترى الشغل زين ،
يازن الجلي في المطبخ والفيري والفقاعات