استفسار ربي يسرها علي وبصير عريس وابغى مساعتدكم تكفوون للضرورة

يعطيك مالانهايه من العافيه ....شكرأ ع الإفاده ...

الف الف مبروووووووووك

لك الحق ترووح معك وكمان تكمل دراستها ولها
ويصرف لها كما يصرف لك تصير كأنها مبتعثة
اعقلها وتوكل
لا تشيل هم شيء وانا اخووووووك

هلا والله فيك لايكون انت من تبوك خخخخ
لا ماتقدر اذا انت متزوج تاخذ زوجتك واطفالك او المرأه تاخذ محرم فقط

الف مبروووووك الله يباركلكم في حياتكم
بالنسبة لارفاق الزوجة يمديك ترفقها (المسؤول عن دولة بريطانيا ارسلي ع الايميل المتطلبات لأرفاق الزوجة)
انت راسل المسؤول عن الدولة اللي بتسافر لها
اما بالنسبة للتذاكر بيعطونك تذكرة للزوجه فقط اما انت لأ
عشان كذا خليك مثلي<<(زي اللي يقول انا كمان بتزوج ههههههه) اتزوج قبل ما تسافر عشان لا تخسر حق التذاكر

اخي الكريم خذ العلم من الخبرة والمجربين
اولا الف مبروك وبارك الله لكما وبارك عليكما وجمع بينكما في خير

حط في بالك شي
لايحقلك الحصول على تذكرة سفر من تاريخ دخولك الا بعد سنة الا في حالة طارئة وهي لاسمح الله وفاة احد الوالدين فقط
وبعدين ليش الحوسه هذي النظام ياخوي هو مرافقك حاله كحالك يصرفله راتب ويحقله يدرس بدون اي صعوبة او طلب وممكن تداوم معك زوجتك اول يوم ولو مستواكم متقارب ممكن تكونو بكلاس واحد.
اذا قدمت لزوجتك مرافق معك الحين تحصل عالفيزا والتذاكر واجباري تسافر معك
اذا ماقدمت لها الحين وبتسافر انت لازم تسوي وكالة شرعية لاي احد توكله بمراجعة واصدار الفيزا والتذاكر وكل الاجراءات وبترجع تنظر صدور الفيزا وتنتظر حجز المؤسسة وهل اهلها بيسفروها لوحدها ولا بيرسلون معها احد
نصيحتي لك تزوج وقدم لها كمرافقة وخذها اريح وافضل واستر لك واحلى شهر عسل حتشوفه وتعيشه في نيوزلندا
كلامي اعلاه كله من واقع تجربة لي ولزملائنا
قبل اسبوعين وصلت زوجة وابن زميلي على حسابه الخاص ليييييييش المؤسسة رفضت تسوي اجراءاتهم بدون وكالة شرعية منه واللي كان يراجع اخوها.
امس الجمعة سافر زميلي السعودية على حسابه الخاص وراح يجيب زوجته ويرجع ليييييييش المؤسسة رفضت تعطي اخوها التذاكر لانه ماعنده وكالة شرعية مع العلم انها سوت الفيزا واخوها استلم الجواز من الزيلعي وامورها تمام وباقي التذاكر والمؤسسة قالو مافي الا بوكالة
شفت الحوسة
اعتقد الصورة واضحة امامك وعليك الاختيار
واي استفسار انا حاضر

موفق ومبروك مجددا

^
^
^

وأنا أوافق "أبو معن" الرأي ..


كلآمه عين الصوااب .. خذها معك الحين وسو إجرائاتها وسافروا مع بعض ..

أحسن ما تحوس عمرك.. دامك هنا سوّ كل الاجرائات بنفسك ..

والله يوفقكـ ... ومبروووكـ مره ثانية ..

,,,

اخواني يحق له ياخذ زوجته ويصرف لها تذكره ومكافاءه

بس الدراسه على حساب المؤسسه لا مايحق له

يمكن انه يقدم اوراقها تبع التعليم العالي واذا وافقو يمكن تدرس بس تبع المؤسسه ماتدرس

انا من الدفعه الاولى في بريطانيا ومعانا ناس بس مايقدر يدخل زوجته الا تبع التعليم العالي اذا وافقو له

يصرفون لك تذكره بعد سنه من دخولك البلد

ولاكن يمكن اذا جيت تقدم اوراق زوجتك ويعطونك تذكرة سفر لها وتقدر تحجز لنفسك بس زوجتك تعطيك المؤسسه لانها اول مره

بالتوفيق

اخوي بو الصدع
المرافق يدرس على حساب الملحقية وهذا الشي معروف فقط المبتعث هو اللي يدرس على حساب جهة ابتعاثه
والموافقة اكيدة وفورية وبدون تعب ابدا هذا حق وليس طلب ويوافقو ولا لأ انا زوجتي بدأت تدرس معاي من اول اسبوع كل اللي يسويه انه يروح معهد معتمد عند الملحقية ويقولهم انا مبتعث وهذي مرافقتي وتدرس على حساب الملحقية هم يراسلون الملحقية ويطلبون الضمان المالي وبعد فترة ماتدري الا وضمان زوجتك جاك عالايميل اصلا من يقولهم مبتعث يعرفو السالفة ويرحبو ويشكرو انه اختار معهدهم الله يعز ديرتنا ويطول عمر ابو متعب ولايورينا فيه مكروه
واذا يبغى تذكرة سفر من السعودية الى بلد الابتعاث لزوجته فهي من جهة ابتعاثه بعد كذا تكون الملحقية مسؤولة عنهم
واذا قال للمؤسسة زوجتي بتدرس بيقولون له حنا مالنا دخل لما توصل البلد تقدم عالملحقية هذا النظام السائد والمكافاه اللي تصرف لها هو عبارة عن مصروف للمرافق ينزل مع راتب المبتعث والمرافق يصبح مبتعث وله مكافاه مستقله فيه اذا وصل مرحلة الفاونديشن

موفق