اعداد المدربين هل هو اعداد او تحطيم ؟! نشوف ...

لا انا كنت مثلك وسمعت الي سمعته

جميع الجامعات معترف بها من قبل التعليم العالي

وانسخ اسماء جامعات الطلاب المبتعثين ودورها في نظام الجامعات الموصى بها

بسم الله الرحمن الرحيم

* وعليكم السلام ورحمة الله وبركاته *

موضوع حلوا مره مره لكن ما نقدر نفتي فيه شيء أبداً >>> ولكن من خلال التجربة والممارسة أقدر أقول ورايي العادي جداً جداً أنه .....

أولاً : اسم البرنامج ( برنامج خادم الحرمين الشريفين للابتعاث الخارجي لإعداد المدربين التقنيين ) .

ثانياً : البرنامج ناجح جداً لأنه منتهي بتوظيف وممكن يسحبون على مندوب هذا الشرط مثلهم مثل وزارة الصحة يوم انهم خلوا طلاب الكلية الصحية يوقعون على إنهم
يتوظفون بعد ما يتخرجون وبعد ما تخرجو ألحين لهم 3-4 سنوات عاطلين عن العمل ( ولن بعض الطلاب كان معهم صورة من التوقيع حجوهم فيه )

ثالثاً : برنامج خادم الحرمين الشريفين هو برنامج واحد ( ما فيه شيء اسمه إعداد مدربين أو مبتعث عن طريق عمله ...إلخ المسميات هذي عندنا هنا بالسعودية ) والدليل أنهم كلهم مسجلين بالملحقيات

الثقافية في بلد الدراسة >>> والملحقية الثقافية ما تقبل أحد إلا شرط تكون الجامعة معترف فيها من التعليم العالي <<< .

ياجماعة الخير بالنسبه الى الميتعثين نيوزلندا جامعاتهم ليست معترفه من قبل التعليم العالي والملحقيه الثقافيه مالها شغل كانت جامعه معترفه والا لا هذا كلام اكيد
وفي طلاب نا قشوهم في الموضوع وقالو راح نعتمدها فيما بعد أتمنى أن يكون كلامي واضح ولا أحد يتكلم بلا أعلم وأنه يكون في مصداقيه أكثر
هيلب مي أنت تخرج وراح تشوف انشالله .بعدين باقي وراك ست شهور انجليزي وراح يكون وقتها التقديم على الابتعاث صعب جدا من خلال نقاشنا مع الادراه
اولا راح يقل عدد المبتعثين الشي الثاني على حسب احتياج الكليات والمفاضله في المعدلات وشرط 6شهور انجليزي.
وماشاء الله تتكلم عن الابتعاث وانت باقي تطبق.

اولا وانا اخوك مشكور على تفاعلك معنا

ثانيا شرط السته شهور لسا ما طبقوه الى الان (( ادخل موقع البرنامج وراح تشوف الي معهم انجليزي 6 اشهر لهم الافضليه بس البرنامج قبل او ما فتح لو تذكر كان اجباري تاخذ انجليزي 6 اشهر بس يوم شاف محد قدم عليه حطو الشرط مبهم وقبلو الي ما اخذو دورة انجليزي 6 اشهر واكتفو بالدورة المكثفة لمدة شهر اسأل الشباب الي قدمو على المرحلة الثانية الدفعه الاولى ويمكن انت منهم))

ثالثا انا اتكلم عن مستقبلي يا غلاهم ومستقبل اغلب الشباب امثالي (( لازم تبني خطه تمشي عليها لنجاحك الواحد وانا اخوك قد جرب في الثانوية وذاق مرارة التجربه ولا يبي يذوقها في الكلية بعد ))

على فكرة انا اعرف واحد من الشباب يطبق معنا الله يوفقه ويستر عليه معدله = 4,90 ومتخوف برضو انهم ما يقبلونة في البرنامج
شفه يطبق وانسان ناجح ماشاء الله عليه ويفكر في الابتعاث والمستقبل وهو لسا يطبق

يعني عادي افكر الحين بالعكس المفروض قبل ادخل الكلية افكر ولازم انت تفكر واخوك يفكر وصديقك يفكر ونسوي حملة تفكير وفي نهاية البرنامج احب اهدي اغنية ست الحبايب يا حنوه لأمي الغالية ههههه

اسأل الله العلي القدير أن يوفقك لما يحبه الله ويرضاه ويخليك أمك الغاليه
ولاكن تأكد أنه في التقديم الجاي مطلوب ست اشهر انجليزي وانا مصر على كلامي وبالنسبه للدفعه هذي الشهر ذا ما كان لازم ست شهور انجليزي لاكن التقديم الجاي اجباري .

أتمنى أن تكون بصحه وعافيه .

عندك مصدر موثوق؟

لان الكلام الي سمعته يقول ان الست اشهر مو لازمه
يقول لي الموضف الى الان ما قالو اي شي عن الست اشهر ((يقول سألتهم وقالو للحين والضاهر ما صاير شي ))

المصدر - موضف في شؤون المتدربين

أنت راح تشوف بنفسك
هذا المصدر ..

ياشباب لا تلخبطون
فيه دورتين انجليزي وحده 6 اشهر وكانت الزامي والا الان ما صار فيها شي الافضلية للي يحملها

والثاني بعدد المقابلة مدتها شهر وهي الزامية

وفيه اختبار تحديد مستوى
لاتفتون من غير علم الله يهديكم
الي عنده خبر اكيد يقول الخبر
ويكتب مصدر الخبر

احنا هنا في نقاش جاد ونبي مصداقية ركزو على ها النقطة
وعلى فكرة الاخبار الي عندك اخ محاسب مو صادقة لان الابتعاث مرصود له ميزانية 2000 طالب
والي ابتعثو فقط حوالي 900 واخر دفعه تقريبا 300
يعني باقي حوالي 800 طالب عجز عند المؤسسة يبي لهم 3 مراحل اقل شي
والمصدر موقع برنامج خادم الحرمين لاعداد المدربين التقنين

هيلب مي أنت ملخبط كل شي في راسك افهمني الله يرضى عليك
بالنسبه لست شهور هذي انت تقدم عليها براحتك تبيها والا لا من المؤسسه تعطيكم يفتح لها بوابه وتقديم لحاله ماله خص في الابتعاث لانها تأهلك للبعثه وهي الزاميه في التقديم المقبل
وبالنسبه للشهر هذي اذا انقبلت في البعثه وخلصت من المقابله واجتزت المقابله بنجاح تأخذ دوره تأهيليه مدته شهر وهي الزاميه عن الابتعاث مو كله انقليزي
أتمنى أني أكون افدتك.ولاتكون راعي طويله .الامور كلها واضحه جدا.