إلحاق المرافق بالبعثة .. المطلوب

اخ تفاكير مشكور حبيبي على ردك ,,,

لو جلست في معهد اللغة سنة وستة شهور ,,,,

وجاني قبول في معهد لغة تبع الجامعة بحيث اني اخلص اللغة وادخل اكاديمي اول ما اخلص اللغة عندهم ....

حيعطوني الملحقية ضمان مالي ؟؟؟؟ ولا على حسابي فترة اللغة ؟؟؟؟؟ وانا مرافق

طمني الله يطمنك

ايه يعطونك أصلا الموضوع يتكلم عن هالنقطة
اخوي عشان اريحك .. الدولة تتكفل بدراسة المرافق سواء لغة أو اكاديمي طالما إن الشروط تنطبق عليك الي هي عندك اجازة استثنائي من عملك
او برنت من الاحوال تجيبه بالاضافة للاوراق الروتينية الي تبين انك مرافق

بالتوفيق

يعطيك العافيه حبيبي ...

انا مخلص جامعة وجيت على طول على امريكا ,,, ماعندي اصلا وظيفة

تسلمي

عندك اللينك اللي يثبت ذا الكلام ؟؟

مجرد دبل تاكييييد

لا ماعندي بس ادخل موقع الوزارة وراح تلقى الي تبي

شكراً أخي تفاكير ..
في نموذج طلب الإلحاق بالبعثة أول أختيارين أنت مرافق مبتعث أو مرافق موظف موفد؟
علماً بأني انا المبتعثة الأساسية معيدة وأخي المرافق فأي من الخيارين أختار
وجزاكـ ربي الجنة

اضافة بسيطة بخصوص اللغة

ممكن المرافق والمبتعث يدرس اللغة لمدة سنتين

حسب كلام الملحق

جزاك الله خير على هالموضوع المفيد ..

لدي استفسار : لو حقق المرافق شرط اللغة و الجيمات .. لكن قبول الجامعة كان بشرط إنهاء كورسين و أيضاً لازم معدلك مايقل عن A أو B خلال السمستر الأول ؟؟ هل تعطينا الملحقية ضمان مالي للمرافق أو تعتبره قبول مشروط و ليس نهائي ؟؟

سلام عليكم ,,
اخوي تفاكير , ماقصرت كفيت ووفيت ,
انا نشاء الله بكون مرافق مع المدام , كلنا ماستر , بس اهي تنطبق عليها الشروط , المهم
لو اخذت التوفل من هنا من السعوديه - لغتي طيبه؟ وجبت قبول غير مشروط من الجامعه , وش اللي بيصير هل بيعطوني ضمان مالي عشان ادرس السمستر الاول ؟ وافرض قدمت اوراقي وماتم الحاقي , هل الضمان المالي المؤقت يعني الوزاره راح تدفع الفلوس للجامعه الى حين الالحاق والا كيف ؟
وكم المده المحتمله للالحاق لو ارسلت كل المطلوب لهم ,,, الف شكر

اخوي الملحقية تتكفل بكامل مصاريف المرافق ان كان دراسة لغة او اكاديمي وايضا معيشة
اذا معك قبول نهائي الان قدم على الحاق من وقت دخولك الولايات المتحده الامريكية شهر ويلحقوك وان بدات دراستك قبل صدور قرار بالحاقك بيعطوك ضمان مالي مؤقت الى ان يصدر لك قرار ابتعاث.

بالنسبة لي مرافق
والان مبتعث مرافق
بعد ان درست اللغة
حصلت على قبول جامعي
قدمت طلب اللحاق بالبعثة
تم الحاق خلال شهر من اكمل طلب الالحاق
الان في مقدم طلب لفصل بعثتي عن المبتعثه الرئيسية.
بالتوفيق للجميع